မေမေတို့ချစ်မဝတဲ့ ဘေဘီလေး

ဘေဘီလေး ဆိုတဲ့ စကားလုံးကို ချစ်ခင်ရတဲ့အခါ သုံးကြပေမယ့် ဘေဘီလေးဆိုတဲ့ စကားလုံးထဲမှာ အကျုံးဝင်တာက မွေးစကနေ အသက် ၁ နှစ်သားလေးတွေပါ။ အသက် တစ်နှစ်ကျော်လာပြီဆိုရင် ဘေဘီလေးဆိုတာထက် လမ်းလျှောက်တတ်စဆိုတဲ့စကားနဲ့ ပိုကိုက်ညီပါမယ်။

ဒီတစ်ခေါက်တော့ မေမေတို့ချစ်မဝတဲ့ ဘေဘီလေး တွေ ဘယ်လိုကြီးပြင်းအရွယ်ရောက်လာသလဲဆိုတဲ့ အကြောင်းကို ပြောပြပေးသွားပါမယ်။

အလျင်မြန်ဆုံး ကြီးထွားတဲ့အရွယ်

ဘေဘီလေးလို့ ခေါ်ကြတဲ့ မွေးစကနေ အသက် တစ်နှစ်အတွင်းမှာ ဘေဘီလေးတွေက အလျင်မြန်ဆုံး ဖွံ့ဖြိုးတာပါ။ မေမေတို့ချစ်မဝတဲ့ ဘေဘီလေး ​တွေဟာ ပက်လက်အနေအထားလေးကနေ သူတို့ရဲ့ ခြေလက်လေးတွေကို လှုပ်ရှားလာနိုင်ကြသလို လိုချင်တဲ့ ပစ္စည်းလေးတွေဆီရောက်အောင် လှမ်းတတ်လာကြပါတယ်။ အသံလေးတွေကို လုပ်တတ်လာသလို အသံတွေကိုလည်း တုံ့ပြန်လာတတ်ကြပါတယ်။

ဘေဘီလေးတွေဟာ အသက် တစ်နှစ်သားအရွယ်မှာ ရုပ်ပိုင်းဆိုင်ရာရော စိတ်ပိုင်းဆိုင်ရာပါ လျင်လျင်မြန်မြန် ဖွံ့ဖြိုးလာပါတယ်။ ဘေဘီလေးတွေက သူတို့ရဲ့ ပထမနှစ်မှာ တွေးခေါ်မှု အသစ်တွေ၊ လူမှုဆက်ဆံရေး နည်းလမ်းအသစ်တွေ၊ ပြဿနာဖြေရှင်းနိုင်စွမ်းတွေ ဖွံ့ဖြိုးလာသလို လူတွေနဲ့ အပြန်အလှန် ဆက်သွယ်နိုင်မှုတွေလည်း တိုးလာပါတယ်။

ဘေဘီလေး တစ်ယောက် ဘယ်လို ဖွံ့ဖြိုးလာတာလဲ

ဘေဘီ​လေးတစ်ယောက်ဟာ

မွေးကင်းစ

မေမေ့ဗိုက်ထဲကနေ စတင်မွေးဖွားလာချိန်မှာ

ရုပ်ပိုင်းဆိုင်ရာ အနေနဲ့

• မိခင်နို့ကို စို့တတ်တယ်
• ထိတ်လန့်တတ်တယ်
• ခြေလက်တွေကို သေချာမထိန်းချုပ်နိုင်သေးပေမယ့် လှုပ်ရှားတတ်ပြီ။

စိတ်ပိုင်းဆိုင်ရာအနေနဲ့

အသက် ၃ လ

• တစ်ခုခုကို အာရုံစိုက် ကြည့်တတ်ပြီ
• မျက်နှာတွေကို မှတ်တတ်ပြီ
• ပျင်းတယ်ဆိုတာကို အမူအရာပြတတ်ပြီ
• မျက်လုံးနဲ့ လက်လှုပ်ရှားမှုကို ဟန်ချက်ညီညီ လုပ်တတ်ပြီ
• အဝေးက အရုပ်တွေကို လှမ်းကြည့်တတ်ပြီ။

• ပြုံးပြတတ်ပြီ
• လူကြီးတွေနဲ့ ကစားတတ်ပြီ
• ဘူးမှုတ်တတ်ပြီ
• ဆာတာ၊ သေးစိုတာနဲ့ ပင်ပန်းတာတွေအတွက် မတူတဲ့ အသံတွေနဲ့ ငိုတတ်ပြီ
• ချစ်တာကို သိရှိတုံ့ပြန်တတ်ပြီ။ ခံစားတတ်ပြီ
• ပျော်ရွှင်တယ်၊ ဝမ်းနည်းတယ်ဆိုတကို ဖော်ပြတတ်ပြီ။
• မျက်နှာအမူအရာနဲ့ ဖော်ပြတတ်ပြီ။

• ပစ္စည်းလေးတွေဆီ ရောက်အောင်သွားတတ်ပြီ။ ပစ္စည်းလေးတွေကို ဆွဲယူတတ်ပြီ
• လေးဖက်သွားတတတ်ပြီ
• ခြေထောက်စထောက်ပြီ
• လက်တစ်ဖက်နဲ့တစ်ဖက် ပစ္စည်းတွေကို ပြောင်းကိုင်တတ်လာပြီ။

• ပစ္စည်းလေးတွေအကြောင်း စူးစမ်းတတ်ပြီ။ အသစ်အဆန်းလေးတွေကို စူးစမ်းကြည့်တတ်ပြီ
• ပစ္စည်းတွေကို ပါးစပ်ထဲ ထည့်ပြီး စမ်းသပ်တတ်ပြီ
• ပြောတဲ့စကားတွေကို မတူတဲ့အသံတွေနဲ့ တုံ့ပြန်တတ်ပြီ
• သူ့နာမည်လေးခေါ်ရင် တုံ့ပြန်တတ်ပြီ။

လူမှုဆက်ဆံရေးနဲ့ စိတ်ခံစားမှုဆိုင်ရာ ဖွံ့ဖြိုးမှု အနေနဲ့

• မိသားစုဝင် မဟုတ်တဲ့သူတွေကို စတင် ခွဲခြားသိလာပြီ
• သူ့ကို ထိန်းတဲ့သူနဲ့ စဆော့တတ်ပြီ။

• မှန်ကြည့်တတ်ပြီ
• ခံစားချက်အလိုက် အသံလေးတွေကို ကွဲကွဲပြားပြား လုပ်တတ်ပြီ

အသက် ၉ လ

ရုပ်ပိုင်းဆိုင်ရာ အနေနဲ့

• ဖွက်ထားတဲ့ပစ္စည်းလေးတွေကို ရှာတတ်ပြီ
• ကိုယ်ပြောတဲ့ နာမည်လေးတွေနဲ့ ကိုက်တဲ့ ရုပ်ပုံလေးတွေကို ထောက်ပြတတ်ပြီ
• ပစ္စည်းလေးတွေကို လှုပ်ရမ်းတတ်၊ ပစ်တတ်ပြီ
• ခွင်လေးတွေကို ရေသောက်ဖို့ သုံးရမယ်၊ ပန်းကန်ကို ဘာအတွက်သုံးရမယ်ဆိုတာကို မှန်မှန် ကန်ကန်သုံးတတ်ပြီ။ စိတ်မထင်ရင် အရုပ်ကို ခွက်ထဲ ကောက်ထည့်တတ်ပြီ
• တစ်ဆင့်ချင်းစီ ပြောတဲ့အတိုင်း လိုက်လုပ်တတ်ပြီ
• မလုပ်ချင်တာကို အမူအရာနဲ့ ပြတတ်ပြီ
• လူကြီးတွေပြောတဲ့ စကားလုံးလေးတွေကို လိုက်ပြောတတ်ပြီ။

Takeaways

ဘေဘီလေးတွေက အသက် ၁ နှစ်တာ ဘေဘီလေးအရွယ်မှာ အခုလိုတွေ ဖွံ့ဖြိုးတယ်ဆိုပေမယ့် တစ်ယောက်နဲ့တစ်ယောက် အတိအကျမတူနိုင်ပါဘူး။ တကယ်လို့ ကလေးက အချို့အရာတွေကို မလုပ်တတ်ဘူး။ မလုပ်တတ်တာက သိပ်မများဘူးဆိုရင်တော့ စိတ်မပူပါနဲ့။ ကလေးက တအားဖွံ့ဖြိုးမှု နောက်ကျနေမယ်ဆိုရင်တော့ ဆရာဝန်နဲ့ ပြသကြည့်တာ အကောင်းဆုံး နည်းလမ်းပါ။