ဆီးချိုရှိသူတွေက နောက်ဆက်တွဲ နှလုံးရောဂါ ခံစားရပြီး နှလုံးရောဂါနဲ့ သေဆုံးနိုင်ခြေ တော်တော်လေး များပါတယ်။ ဒါကြောင့် သွေးတွင်းသကြားဓာတ်ကို ပုံမှန် စစ်ဆေးပြီး ကျန်းမာတဲ့ အတိုင်းအတာထဲမှာ ရှိနေအောင် သေချာလေး ထိန်းဖို့ လိုပါမယ်။
ဒါကြောင့် အစားအစာတွေကို သေချာလေး ဂရုစိုက်တာ၊ လေ့ကျင့်ခန်း ပုံမှန်လုပ်တာ၊ သွေးတွင်းသကြားဓာတ်ကို ထိန်းညှိပေးနိုင်မယ့် ကုသစစ်ဆေးမှုတွေကို ခံယူဖို့ လိုပါမယ်။
ဆေးလိပ်သောက်တာက ကျန်းမာရေးကို တော်တော်လေး ထိခိုက်စေနိုင်တာပါ။ ဆေးလိပ်ဖြတ်လိုက်မယ်ဆိုရင် စိတ်ရောကိုယ်ပါ ကျန်းမာလာမှာ ဖြစ်သလို နှလုံးရောဂါ ဖြစ်နိုင်ခြေကို လျှော့ချနိုင်မှာပါ။
ဒါတင်မကသေးပါဘူး။ လေဖြတ်နိုင်ခြေကို လျှော့ချနိုင်မှာ ဖြစ်သလို အဆုတ်ရောဂါတွေနဲ့ ကင်ဆာ အတော်များများ ဖြစ်နိုင်ခြေကိုလည်း ထိထိရောက်ရောက် လျှော့ချနိုင်မှာပါ။
သွားကို ပုံမှန် တိုက်ပေးတာက သွားနဲ့ခံတွင်းကိုပဲ ကျန်းမာစေတာ မဟုတ်ပါဘူး။ နှလုံး ကျန်းမာစေဖို့လည်း ထောက်ကူပေးနိုင်ပါတယ်။ ဒါကြောင့် တစ်နေ့ကို နှစ်ကြိမ် သွားတိုက်ပါ။ သွားပွတ်ကြိုးသုံးတာမျိုး လုပ်ပြီး ခံတွင်း သန့်ရှင်းရေးကို ဂရုစိုက်ပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။