ပျော်ပျော်နေ သေခဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် ဇွန် 24, 2020 . 2 mins read
Share now

ငယ်ငယ်က ကြားခဲ့ဖူးတဲ့ ပျော်ပျော်နေ သေခဲဆိုတဲ့ စကားလေးက တကယ်ကို မှန်တာပါ။ ပျော်ရွှင်နေတဲ့ စိတ်ကလေးက စိတ်ပိုင်းဆိုင်ရာကိုရော ရုပ်ပိုင်းဆိုင်ရာကိုပါ ကျန်းမာစေနိုင်ပါတယ်။ ဘာကြောင့် ဒီလို ပြောရသလဲဆိုတာကို ဆောင်းပါးလေးထဲမှာ ဖတ်ကြည့်စေချင်ပါတယ်။

ပျော်ရွှင်နေတဲ့ စိတ်ကလေးက ပေးတဲ့ ကျန်းမာရေး

နေ့ရက်တိုင်းမှာ စိတ်ပျော်ရွှင်မှုရနေသူတွေက စိတ်ပျော်ရွှင်မှုတင် မဟုတ်ဘဲ အခုလို ကျန်းမာရေးအကျိုးကျေးဇူးလေးတွေကိုပါ ရရှိနိုင်ပါတယ်။

ကျန်းမာတဲ့ ဘဝနေထိုင်မှုပုံစံကို ပိုင်ဆိုင်ကြတယ်

စိတ်ပျော်ရွှင်နေတာက ကျန်းမာတဲ့ လူနေမှုပုံစံကို လိုက်နာဖို့ လှုံ့ဆော်ပေးနိုင်ပါတယ်။ ပျော်ရွှင်နေသူတွေက စိတ်ညစ်နေသူတွေထက် ကျန်းမာရေးနဲ့ ညီညွတ်အောင် စားသုံးမိတတ်​ကြပါတယ်။

လေ့လာမှုတွေအရ စိတ်ပျော်ရွှင်နေသူတွေဟာ လတ်ဆတ်တဲ့ သစ်သီးတွေ။ ဟင်းသီးဟင်းရွက်တွေနဲ့ ကျန်းမာရေးနဲ့ ညီညွတ်တဲ့ ကောက်နှံတွေကို ပိုမို စားသုံးမိကြတယ်၊ လို့တွေ့ရပါတယ်။ ဒီလို ကျန်းမာရေးနဲ့ ညီညွတ်အောင် စားသုံးမိတာက ဆီးချိုရောဂါ ဖြစ်နိုင်ခြေကို လျှော့ချပေးပြီး နှလုံးရောဂါ ခံစားရနိုင်ခြေနဲ့လေဖြတ်နိုင်ခြေကိုလည်း လျှော့ချပေးပါတယ်။

စိတ်ပျော်ရွှင်နေသူတွေက တက်တက်ကြွကြွ လုပ်ဆောင်နေထိုင်တတ်ကြပြီး တစ်ပတ်ကို ၁၀ နာရီနဲ့ အထက် ကိုယ်လက်လှုပ်ရှားမှု လုပ်ဖြစ်ကြသူတွေပါ။ ပုံမျန် ကိုယ်လက်လှုပ်ရှားမှု လုပ်ဖြစ်တာက အင်အားပြည့်ဝစေပြီး အရိုးအဆစ်တွေ သန်မာစေနိုင်သလို ကိုယ်တွင်းက အဆီတွေကို ကျစေပါတယ်။ သွေးပေါင်ချိန်ကို ထိန်းညှိပေးပြီး သွေးတိုးရောဂါ ခံစားရနိုင်ခြေကို လျှော့ချပေးပါတယ်။

ကိုယ်လက်လှုပ်ရှားဖြစ်တာက ညဘက်တွေမှာ ကောင်းကောင်းအိပ်ပျော်စေပြီး အာရုံစူးစိုက်နိုင်စွမ်းနဲ့ အလုပ်လုပ်ဆောင်နိုင်စွမ်းတွေကို တိုးတက်စေနိုင်ပါတယ်။

ကိုယ်ခံအား ကောင်းစေတယ်

ခန္ဓာကိုယ် ကျန်းမာနေစေဖို့အတွက် ကိုယ်ခံအား ကောင်းမွန်နေဖို့က မဖြစ်မနေ လိုအပ်ပါတယ်။ လေ့လာမှုတွေအရ စိတ်ပျော်ရွှင်နေတတ်သူတွေဟာ ပုံမှန်ထက် ကိုယ်ခံအား ပိုကောင်းမွန်တတ်ကြပါတယ်။
သူတို့က အအေးမိဖျားနာတာမျိုး ဖြစ်ခဲသလို ခန္ဓာကိုယ်က ရောဂါတွေကို တိုက်ထုတ်ဖို့ အမြဲလိုလို အသင့်ဖြစ်နေတတ်ကြပါတယ်။  ရောဂါတွေကို ခုခံဖို့ ပဋိပစ္စည်း ထုတ်လုပ်နိုင်စွမ်းလည်း ကောင်းကြပါတယ်။

စိတ်ဖိစီးမှု ကင်းစေတယ်

နှလုံး ကျန်းမာစေတယ်

ပျော်ရွှင်မှုက သွေးပေါင်ချိန်ကို ကောင်းမွန်စေပြီး နှလုံးရောဂါ ဖြစ်နိုင်ခြေကို လျှော့ချပေးသလို နှလုံး ကျန်းမာစေပါတယ်။ ပျော်ပျော်နေတတ်သူတွေက ပုံမှန်ထက် သွေးတိုးရောဂါ ဖြစ်နိုင်ခြေ ၉ ရာခိုင်နှုန်း နည်းနေသလို နှလုံးရောဂါ ဖြစ်နိုင်ခြေကလည်း ၁၃ ရာခိုင်နှုန်းကနေ ၂၆ ရာခိုင်နှုန်းအထိ နည်းနေပါတယ်။

ပျော်ပျော်နေတတ်သူတွေက သွေးတွင်းကိုလက်စထရော ကျဆင်းနေတတ်ပြီး ကျန်းမာတဲ့ နှလုံးကို ပိုင်ဆိုင်ထားကြသူတွေပါ။

အသက်ရှည်ကြတယ်

ပျော်ပျော်နေတတ်သူတွေက အခြားသူတွေနဲ့ ယှဉ်ရင် အသက်ရှည်ရှည်နေရနိုင်ခြေ ၁၄ ရာခိုင်နှုန်း ပိုများနေပါတယ်။ နှလုံးရောဂါ၊ ကျောက်ကပ်ရောဂါလိုမျိုးရောဂါအခံတွေရှိနေရင်တောင်မှ အသက်ရှည်ရှည်နေကြရပါတယ်၊ လို့ လေ့လာမှုပေါင်း ၇၀ ကျော်ရဲ့ ရလဒ်တွေအရ သိရပါတယ်။

ပျော်ပျော်နေတတ်သူတွေက ပြင်းထန်တဲ့ ရောဂါအခြေအနေတွေကနေ ပြန်လည် ကျန်းမာနိုင်စွမ်း မြင့်ကြသလို ရှင်သန်နိုင်ခြေလည်း ပိုများကြသူတွေပါ။

နာကျင်မှုတွေ သက်သာစေနိုင်တယ်

အသက်အရွယ်ရလာတာနဲ့အမျှ အရိုးအဆစ်တွေ တောင့်တင်းတာ၊ နာကျင်တာတွေ ခံစားရနိုင်ခြေ ပိုများလာပါတယ်။ အဆစ်ရောင်ရောဂါ ခံစားနေရသူတွေမှာဆိုလည် အဆစ်တွေ နာကျင်တောင့်တင်းနိုင်ခြေက တော်တော်လေး များတာပါ။

ဒီနာကျင်မှုတွေကို အကောင်းဆုံး ခုခံနိုင်ဖို့ဆိုရင် ပျော်ပျော်နေတာက နည်းလမ်းကောင်း တစ်ခုပါ။ ဒီလေိုပြောရတာက လေ့လာမှုတွေအရ ပျော်ပျော်နေတာက အဆစ်အမြစ်တွေ နာကျင်မှုနဲ့ ခန္ဓာကိုယ်က အမျိုးမျိုးသော နာကျင်မှုတွေကို ၁၃ ရာခိုင်နှုန်းအထိ လျှော့ချပေးနိုင်တာကြောင့်ပါ။

ပျော်ရွှင်နေအောင် ဘာလုပ်ကြမလဲ။

ပျော်ရွှင်တာက အသက်ရှည်စေတယ်ဆိုတော့ ပျော်ရွှင်နေအောင် ဘယ်လိုနေရမလဲဆိုပြီး သိချင်နေလောက်မယ်ထင်ပါတယ်။ ဒီတော့ ပျော်ရွှင်နေစေဖို့ ဒီလို အလေ့အထလေးတွေ မွေးမြူပါ။

ကျေးဇူးတင်ပါ – တစ်ယောက်ယောက်က ကူညီတိုင်းမှာ ကျေးဇူးတင်တတ်တဲ့ အလေ့အထကို မွေးမြူပါ။ ဒါက သင့်ကို ပျော်ရွှင်မှုတွေ တိုးစေပါလိမ့်မယ်။

တက်တက်ကြွကြွနေပါ – နေ့တိုင်းမှာ လမ်းလျှောက်တာလိုမျိုး လှုပ်ရှားမှုလေးတွေ လုပ်ပြီး တက်တက်ကြွကြွနေပါ။ ဒါကလည် ပျော်ရွှင်ခြင်း ဟော်မုန်းတွေကို တိုးစေပြီး စိတ်ပျော်ရွှင်စေမှာပါ။

အိပ်ရေးဝဝအိပ်ပါ – ညဘက်မှာ ကောင်းကောင်း အိပ်ပျော်တာက စိတ်ပျော်ရွှင်စေဖို့ အများကြီး အထောက်အကူပြုပေးနိုင်ပါတယ်။

တရားထိုင်ပါ – တရားထိုင်တာက စိတ်ဖိစီးမှုကို သက်သာစေပြီး စိတ်ပျော်ရွှင်စေဖို့ အားဖြည့်ပေးမှာပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ရေဓာတ်ခန်းခြောက် ခြင်းက လူတိုင်းအတွက် မကောင်းပေမယ့် ဆီးချို နဲ့ ရောဂါအခံရှိသူတွေအတွက် ထိခိုက်မှုက ပိုများပါတယ်။ သေချာလေး ဂရုစိုက်ဖို့လိုပါမယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

မုယော ရဲ့ကျန်းမာရေး အာနိသင်

မုယော (malt) လို့ ပြောလိုက်ရင် အရင်ဆုံး ပြေးမြင်တာ ဘာလဲ။ malted milk လား။ မုယော အားဖြည့်အချိုရည်တွေလား .......................................

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အုန်းလက်၊ အုန်းမြစ် တို့ကလည်း ဆေးဖက်ဝင်ပါတယ်

အုန်းလက်၊ အုန်းမြစ် တို့ကလည်း ဆေးဖက်ဝင်ပါတယ်။ အုန်းသီးကတင် စားလို့ရပြီး ဆေးဖက်ဝင်တာ မဟုတ်ပါဘူး။ အုန်းလက်၊ အုန်းမြစ်တွေကရော ဘယ်လို ဆေးဖက်ဝင်တာလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကော်လာဂျင်နဲ့ မေးခွန်းများစွာ

ကော်လာဂျင်နဲ့ မေးခွန်းများစွာ ကော်လာဂျင်က ကျန်းမာရေးအတွက် အကျိုးကျေးဇူးတွေ များပေမယ့်  ကော်လာဂျင်ကို အသားအရေအတွက် အဓိက သောက်ကြပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

အရက်

အရက်ကို တစ်စက်မှ သောက်လို့မဖြစ်တဲ့ အခိုက်အတန့်များ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် မေ 30, 2021 . 2 mins read
လူကြီးတွေမှာ အစာစားချင်စိတ်ပျောက်

ဘိုးဘိုးဘွားဘွားတွေ အစာစားချင်စိတ်ပျောက်ဆုံး နေခဲ့ရင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် မေ 21, 2021 . 2 mins read
ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 12, 2021 . 2 mins read
ဆီးချိုရှိသူတွေအတွက် ကျန်းမာတဲ့ စားသောက်မှုပုံစံ

ဆီးချိုရှိသူတွေအတွက် ကျန်းမာတဲ့ စားသောက်မှုပုံစံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 10, 2021 . 2 mins read