၄။ ကိုယ်အလေးချိန်ကို ဟန်ချက်ညီစေတယ်။
လူတိုင်းမှာ အသက်အရွယ်နဲ့ လိုက်တဲ့ ကျန်းမာတဲ့ကိုယ်အလေးချိန်တစ်ခု ရှိဖို့ လိုအပ်ပါတယ်။ ပိန်တဲ့သူဆိုရင် ပြည့်ပြည့်ဖြိုးဖြိုး ဖြစ်စေဖို့၊ ဝတဲ့သူတွေဆိုရင်လည်း ကိုယ်ခန္ဓါသွယ်လျစေဖို့ နွားနို့ပုံမှန်သောက်သင့်ပါတယ်။ နွားနို့သောက်ပြီးသွားတဲ့အခါ ဗိုက်ကို လုံးဝပြည့်သွားစေပြီး အစာထပ်စားချင်စိတ်ကို ထိန်းချုပ်ပေးတယ်။ နွားနို့သောက်ပြီး လေ့ကျင့်ခန်းလုပ်တဲ့အခါမှာလည်း ခွန်အားပြည့်စေပြီး ပိုအားစိုက်ထုတ်နိုင်စေတယ်။ ပင်ပန်းနွမ်းနယ်နေတဲ့ ကြွက်သားတွေကို အလျင်အမြန်ပြန်လည်တည်ဆောက်ပေးပြီး ကိုယ်ခန္ဓါမှာ အဆီတွေကို ဖယ်ရှားပေးကာ ကြွက်သားတွေနဲ့ ပြည့်နှက်စေပါတယ်။
နွားနို့ဟာ နှလုံးကို ကျန်းမာစေပြီး ဆီးချိုရောဂါဖြစ်နိုင်ခြေကိုလည်း လျှော့ချပေးပါတယ်။ ဦးနှောက်ဉာဏ်ရည်ကို ထက်မြက်စေပြီး အာရုံစူးစိုက်မှုအားကောင်းစေတယ်။ စိတ်ဖိစီးမှုကို ကျစေပြီး ကိုယ်တွင်းအင်္ဂါတွေ နီရဲရောင်ရမ်းတာကို သက်သာစေတယ်နော်။ ဒါပေမယ့် ဘယ်အရာမဆို တန်ဆေးလွန်ဘေးဆိုတာ ရှိတာကြောင့် နွားနို့ကို တစ်နေ့တစ်ခွက်လောက်သာ သောက်သင့်ပါတယ်။ အထူးသဖြင့် ဗိုက်အောင့်ဗိုက်နာတာမျိုး မဖြစ်စေဖို့ သဘာဝနွားနို့စစ်စစ်ကိုသာ သေချာကျိုချက်ပြီး သောက်ဖို့ အကြံပေးလိုက်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။