home

What are your concerns?

close
Inaccurate
Hard to understand
Other

သို့မဟုတ် လင့်ခ်ကူးယူမည်

ညအိပ်ရာမဝင်ခင် ရေသောက်ရအောင်

ညအိပ်ရာမဝင်ခင် ရေသောက်ရအောင်

သက်ရှိတွေရဲ့ ရှင်သန်မှုကို အဓိကပံ့ပိုးထားတာက ရေပါ။ ကမ္ဘာမြေရဲ့ ၇၁ ရာခိုင်နှုန်းကို ရေပြင်က ဖုံးလွှမ်းထားပြီး အရွယ်ရောက်ပြီးသူ တစ်ဦးရဲ့ ခန္ဓာကိုယ် ၆၀ ရာခိုင်နှုန်းကို ရေနဲ့ ဖွဲ့စည်းထားပါတယ်။ ရေသာမရှိရင် သက်ရှိတွေဟာ သေဆုံးသွားနိုင်ပါတယ်။ ရေက ဦးနှောက်အတွက် လိုအပ်သလို ခန္ဓာကိုယ် အစိတ်အပိုင်းတွေဆီကို အောက်ဆီဂျင် ရောက်ရှိစေဖို့၊ ခန္ဓာကိုယ် အပူချိန်ကို ထိန်းညှိဖို့၊ အညစ်အကြေးတွေ စွန့်ထုတ်ဖို့နဲ့ အဆစ်တွေ လွယ်ကူစွာ လှုပ်ရှားနိုင်စေဖို့ ပါလုပ်ဆောင်ပေးပါတယ်။

တစ်နေ့တာ လှုပ်ရှားပြီး ရေလုံလောက်အောင် မသောက်မိတဲ့အခါ ခြေကုန်လက်ပမ်းကျတာကစလို့ အမျိုးမျိုးသော ကျန်းမာရေး ပြဿနာတွေကို ခံစားရနိုင်ပါတယ်။ ဒီတော့ အကောင်းဆုံးအနေနဲ့ ညအိပ်ရာမဝင်ခင်မှာ ရေတစ်ခွက်သောက်ပေးပါ။

ညအိပ်ရာမဝင်ခင်ရေသောက်တာ ကောင်းလား………

လူတွေက အိပ်ပျော်နေတဲ့အချိန်မှာ ခန္ဓာကိုယ်က ရေဓာတ်က တစ်ပေါင်ခွဲစာလောက် ဆုံးရှုံးနေပါတယ်။ ဒါကို သေသေချာချာသိချင်တယ်ဆိုရင် ညအိပ်ရာမဝင်ခင်မှာ ပေါင်ချိန်ကြည့်ထားပြီး မနက်နိုးနိုးချင်းမှာ ပေါင်ချိန်ကြည့်လိုက်ပါ။ ကိုယ်အလေးချိန် ကွာခြားမှုရှိတာကို တွေ့ရပါလိမ့်မယ်။

အသက်ရှူတာ၊ ချွေးထွက်တာနဲ့ ဆီးထသွားတာတို့ကြောင့် တစ်ညတာမှာ ခန္ဓာကိုယ်က ရေဓာတ် ဆုံးရှုံးတာတွေရှိပါတယ်။ ဒါကြောင့် အိပ်ရာမဝင်ခင် နာရီဝက်လောက်အလိုမှာ ရေတစ်ခွက်လောက် သောက်ပေးပါ။ အများ​ကြီးတော့ မသောက်စေချင်ပါဘူး။ အကြောင်းကရေအများကြီးသောက်မိတဲ့ အခါ ဆီးခဏခဏ ထသွားရတာကြောင့် မလိုအပ်ဘဲ အိပ်ရေးပျက်တာမျိုးတွေ ခံစားရနိုင်တာကြောင့်ပါ။

အသက်အရွယ်ကြီးရင့်တဲ့သူတွေအနေနဲ့ကတော့ ညအိပ်ရာမဝင်ခင် အနည်းဆုံး ၂ နာရီလောက်ခွာပြီး ရေသောက်သင့်ပါတယ်။ ဒါမှ ပြည့်ဝလုံလောက်တဲ့ အိပ်စက်မှုကို ရရှိမှာပါ။

ရေဘယ်လောက်သောက်ရင် လုံလောက်လဲ………

လူတစ်ဦးဦးနဲ့ တစ်ဦး လိုအပ်မယ့် ရေပမာဏက ကွာခြားနိုင်ပါတယ်။ အရွယ်ရောက်ပြီးသူတွေအနေနဲ့ကတော့ တစ်နေ့ကို ရေ ၆၄ အောင်စ လိုအပ်ပါမယ်။ ဒါကတော့ ရေ ၈ ခွက်ပါ။ ၂ လီတာလောက်ဆိုရင် လုံလောက်တဲ့ ပမာဏလို့ ဆိုရပါမယ်။

ရေက ၆၄ အောင်စဆိုပေမယ့် အားကစားသမားတွေ၊ ကိုယ်ဝန်ဆောင် မိခင်နဲ့ ကာယလုပ်သားတွေ အနေနဲ့ကတော့ ရေလိုအပ်ချက်က ဒီထက်မြင့်နိုင်ပါတယ်။

ရေဓာတ်ပြည့်ဝနေရဲ့လား …………….

တကယ်လို့ ခန္ဓာကိုယ်မှာ

ရေသောက်တာက အိပ်ရေးပျက်စေလား…………

ရေသောက်လို့ အိပ်ရေးပျက်တယ်ဆိုတာက လိုတာထက် ပိုသောက်မိတာကြောင့်ပါ။ ရေငတ်လို့ ပူလို့ဆိုပြီး အိပ်ခါနီးမှာ ၂ ခွက် ၃ ခွက်လောက် သောက်မယ်ဆိုရင်တော့ ညဘက်မှာ ဆီးခဏခဏ ထသွားရလို့ အိပ်ရေးပျက်မှာ အသေအချာပါ။ ညဘက်မအိပ်ခင် ရေကိုလိုတာထက်ပိုသောက်မယ်ဆိုရင်တော့ ရေရှည်မှာ

ညအိပ်ရာမဝင်ခင် ရေသောက်ရင် ကျန်းမာရေးကို ဘယ်လို ထောက်ကူပေးလဲ……………..

ညဘက် အိပ်ရာမဝင်ခင်မှာ ရေသောက်ပေးတာက

စိတ်ခံစားမှု ကောင်းစေတယ်

ရေဓာတ်ပြည့်ဝနေမှုက စိတ်ခံစားမှုကောင်းစေဖို့ အကောင်းဆုံး အထောက်အပံ့ပေးနိုင်မှာပါ။ ကိုယ်တွင်းမှာ ရေဓာတ်ဆုံးရှုံးတဲ့အခါ ပင်ပန်းနွမ်းနယ်တာ၊ စိတ်ပူပန်တာ၊ စိတ်ဖိစီးတာ၊ စိတ်ခံစားမှု ပြောင်းလဲတာ၊ ခေါင်းကိုက်တာ။ တက်ကြွလန်းဆန်းမှု မရှိတာ၊ အာရုံစူးစိုက်နိုင်စွမ်း ကျဆင်းတာမျိုးတွေ ခံစားရနိုင်ပါတယ်။

ဒါကြောင့် အိပ်ပျော်နေစဉ်မှာ ခန္ဓာကိုယ်ကို ရေဓာတ်ဆုံးရှုံးတာမျိုး မဖြစ်စေဖို့ ရေဓာတ်ဖြည့်တင်းမှုအနေနဲ့ အိပ်ရာမဝင်ခင် နာရီဝက်အလို ရေသောက်ပါ။

ကိုယ်တွင်း အဆိပ်အတောက်တွေကို ဖယ်ရှားပေးတယ်

ခန္ဓာကိုယ်က အညစ်အကြေးတွေကို စွန့်ထုတ်နိုင်ဖို့ ရေကို လိုအပ်ပါတယ်။ အသည်း နဲ့ ကျောက်ကပ်တို့က အဆိပ်အတောက်တွေကို စွန့်ထုတ်ဖို့ အဓိက တာဝန်ယူထားပြီး ဒီအစိတ်အပိုင်းတွေ အကောင်းဆုံး လုပ်ဆောင်နိုင်စေဖို့အတွက် ရေကို လုံလောက်ပြည့်ဝစွာ ရရှိဖို့ လိုပါမယ်။

ကိုယ်တွင်းမှာ ရေဓာတ်နည်းသွားတဲ့အခါ ခန္ဓာကိုယ်က လုပ်ငန်းဆောင်တာတွေကို အကောင်းဆုံးလည်ပတ်နိုင်စေဖို့အတွက် အစာချေဖျက်ဖို့နဲ့ အညစ်အကြေးစွန့်ထုတ်ဖို့အသုံးပြုမယ့် အူမကြီးနဲ့ အူလမ်းကြောင်း တစ်လျှောက်က ရေတွေကို စုပ်ယူအသုံးပြုလိုက်ပါတယ်။ ဒီအခါမှာ ဝမ်းချုပ်တာ အပါအဝင် အမျိုးမျိုးသော နောက်ဆက်တွဲ ကျန်းမာရေးပြဿနာတွေကို ခံစားရနိုင်ပါတယ်။

ခေါင်းမကိုက်အောင် ကာကွယ်ပေးတယ်

ရေဓာတ်ပြည့်ဝမှုက ခန္ဓာကိုယ်ကိုရော ဦးနှောက်ကိုပါ ကျန်းမာစေနိုင်ပါတယ်။ ကိုယ်တွင်းမှာ ရေဓာတ်နည်းသွားတဲ့အခါ ခေါင်းကိုက်တာမျိုး ခံစားရနိုင်ပါတယ်။ ရေဓာတ်ပြည့်ဝနေမှုက ခေါင်းကိုက်တာကိုရော ခေါင်းတစ်ခြမ်းကိုက်တာကိုပါ ကာကွယ်ထားပြီးသားဖြစ်ပါတယ်။

ကိုယ်အလေးချိန် ထိန်းညှိပေးတယ်

ရေသောက်တာက အလွယ်ကူဆုံးသော ကိုယ်အလေးချိန် ထိန်းညှိတဲ့ နည်းလမ်းပါ။ ရေသောက်တာက

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

When is the best time to drink water? https://www.medicalnewstoday.com/articles/321250 Accessed Date 11 May 2020

Drinking Water Before Bed https://www.healthline.com/health/drinking-water-before-bed Accessed Date 11 May 2020

Should I Drink Water Before Bed? How Hydration Impacts Sleep https://laylasleep.com/drinking-water-before-bed/ Accessed Date 11 May 2020

Should You Drink Water Right Before Going to Bed? https://www.sleepadvisor.org/drinking-water-before-bed/ Accessed Date 11 May 2020

စာရေးသူ ဓာတ်ပုံbadge
Aye Thi Mon မှ ရေးသားသည်။ 30/08/2020 တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။