ဆေးလိပ်နဲ့ ဆေးရွက်ကြီးကြောင့် ခံတွင်းရနံ့ဆိုးအပြင် နှုတ်ခမ်းမဲခြောက်တာ၊ အရသာခံနိုင်စွမ်း လျော့ပါးတာနဲ့ သွားဖုံးကျိန်းစပ်တာတွေပါ ဖြစ်နိုင်ပါတယ်။ ဒါပေမယ့် ဒါတွေချည်းပဲလားဆိုရင်တော့ မဟုတ်သေးပါဘူး။ Smoker’s palate (အာခံတွင်းထဲမှာ အနီရောင် အစက်အပျောက်တွေ ထတာမျိုး) ၊ Smoker’s melanosis (အာခံတွင်းထဲမှာ အညိုရောင် အစက်အပျောက်တွေ ထတာမျိုး) ၊ လျှာထူတာ၊ အာခေါင်မှာ မှိုစွဲတာ၊ ရေစီးကမ်းပြိုလိုက်တာနဲ့ အာခေါင်ကင်ဆာတွေလည်း ဖြစ်နိုင်ပါသေးတယ်။
နောက်ပြီး ခံတွင်းရနံ့ဆိုးကြောင့် ပါးစပ်ခြောက် (Xerostomia) တဲ့ရောဂါမျိုးဖြစ်စေနိုင်ပါတယ်။ Dry Mouth လို့ခေါ်တဲ့ ဒီရောဂါဟာ ပါးစပ်အတွင်း တံတွေးဂလင်းကနေ တံတွေးထွက်ရှိမှုနည်းပါးကာ အစိုဓာတ်လျော့ပါး ခြောက်သွေ့တဲ့ရောဂါတစ်မျိုးဖြစ်ပါတယ်။ သက်ကြီးရွယ်အိုတွေမှာ ဒီရောဂါပိုဖြစ်နိုင်ပါတယ်။
ဘယ်လို ကာကွယ်မလဲ
ခံတွင်းကနေ အနံ့ဆိုးမထွက်အောင် ထိန်းသိမ်းတာဟာ သွားဖုံးနဲ့သက်ဆိုင်တဲ့ ရောဂါဆိုးတွေကို မဖြစ်အောင် ကာကွယ်တားဆီးတာနဲ့ အတူတူပါပဲ။ ခံတွင်းကို လတ်ဆတ်ပြီး သန့်ရှင်းအောင်ထားတာဟာ ကျန်းမာရေးနဲ့ ညီညွတ်တဲ့ အပြုအမူတစ်ခု ဖြစ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။