Pistachio မှာ မျက်လုံး ကျန်းမာရေးအတွက် အထောက်အကူပြုပေးတဲ့ ဓာတ်တိုးဆန့်ကျင်ပစ္စည်းတွေ ဖြစ်ကြတဲ့ lutein နဲ့ zeaxanthin တို့ါဝင်နေပါတယ်။ အမြင်အာရုံကို ကျန်းမာစေသလို အသက်အရွယ်ကြောင့် အမြင်အာရုံ ချို့ယွင်းတာနဲ့ အတွင်းတိမ်တွေ မဖြစ်စေဖို့ ကာကွယ်ပေးပါတယ်။
မျက်လုံး ကျန်းမာပြီး အမြင်အာရုံ ကောင်းစေဖို့ဆိုရင် Pistachio စားပေးလို့ ရပါတယ်။
Pistachio မှာပါတဲ့ Nitric oxide ကသွေးကြောတွေကို ပြေလျော့စေပြီး သွေးစီးဆင်းမှု ကောင်းစေပါတယ်။ သွေးကြောအတွင်းနံရံကို ကျန်းမာစေဖို့လည်း အကောင်းဆုံး ထောက်ပံ့ပေးနိုင်ပါတယ်။
သွေးကြောနံရံတွေ ပြေလျော့ပြီး သွေးစီးဆင်းမှု ကောင်းစေတာက သွေးတိုး မဖြစ်အောင် ကာကွယ်ပေးသလို နှလုံး ကျန်းမာစေဖို့လည်း အထောက်အကူ ပြုပေးပါတယ်။
Pistachio မှာ အခြား အခွံမာသီးတွေ၊ အစေ့အဆန်တွေထက် ကာဗိုဟိုက်ဒရိတ် ပါဝင်မှု များတယ်ဆိုပေမယ့် သွေးတွင်းသကြားဓာတ်ကို ကျဆင်းစေဖို့ အထောက်အကူပြု ပေးနိုင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။