မျက်လုံး ကျန်းမာပြီး အမြင်အာရုံ ကောင်းစေဖို့ဆိုရင် Pistachio စားပေးလို့ ရပါတယ်။
Pistachio မှာပါတဲ့ Nitric oxide ကသွေးကြောတွေကို ပြေလျော့စေပြီး သွေးစီးဆင်းမှု ကောင်းစေပါတယ်။ သွေးကြောအတွင်းနံရံကို ကျန်းမာစေဖို့လည်း အကောင်းဆုံး ထောက်ပံ့ပေးနိုင်ပါတယ်။
သွေးကြောနံရံတွေ ပြေလျော့ပြီး သွေးစီးဆင်းမှု ကောင်းစေတာက သွေးတိုး မဖြစ်အောင် ကာကွယ်ပေးသလို နှလုံး ကျန်းမာစေဖို့လည်း အထောက်အကူ ပြုပေးပါတယ်။
Pistachio မှာ အခြား အခွံမာသီးတွေ၊ အစေ့အဆန်တွေထက် ကာဗိုဟိုက်ဒရိတ် ပါဝင်မှု များတယ်ဆိုပေမယ့် သွေးတွင်းသကြားဓာတ်ကို ကျဆင်းစေဖို့ အထောက်အကူပြု ပေးနိုင်ပါတယ်။
လေ့လာမှုတွေအရ Pistachio မှာ အမျှင်ဓာတ်၊ ဓာတ်တိုးဆန့်ကျင်ပစ္စည်းတွေနဲ့ ကျန်းမာရေးနဲ့ ညီညွတ်တဲ့ အဆီတွေ ကြွယ်ဝစွာ ပါဝင်နေတာကြောင့် သွေးတွင်းသကြားဓာတ်ကို ထိန်းညှိဖို့ အကောင်းဆုံး ထောက်ပံ့ပေးနိုင်ပါတယ်။
Pistachios က ဓာတ်တိုးဆန့်ကျင်ပစ္စည်း ကြွယ်ဝနေတာကြောင့် သွေးတွင်းက အကျိုးမပြု ကိုလက်စထရော (LDL) ကို ကျဆင်းစေနိုင်ပြီး အကျိုးပြုကိုလက်စထရော (HDL) ကို တိုးစေနိုင်ပါတယ်။
ပိုတက်ဆီယမ် ကြွယ်ဝသလို ဓာတ်တိုးဆန့်ကျင်ပစ္စည်းလည်း ပါဝင်မှု မနည်းတဲ့ pistachios ကသွေးကြောတွေထဲမှာ သွေးစီးဆင်းမှု ကောင်းစေသလို နှလုံးကို ကျန်းမာစေပါတယ်။ သွေးပေါင်ချိန်ကို အကောင်းဆုံး ထိန်းညှိပေးနိုင်တာကြောင့် သွေးတိုး မဖြစ်စေဖို့လည်း ကာကွယ်ပေးပါတယ်။
အခြားသော အခွံမာသီးတွေ၊ အစေ့အဆန်တွေ နည်းတူ Pistachios မှာ အမျှင်ဓာတ် ကြွယ်ဝစွာ ပါဝင်နေမှုက အစာခြေစနစ်ကို ကျန်းမာစေပြီး အူတွေရဲ့ လှုပ်ရှားမှုကို ကောင်းမွန်စေသလို အစာခြေစနစ်မှာ အရေးပါတဲ့ အကျိုးပြုဘက်တီးရီးယားတွေကိုလည်း အကောင်းဆုံး အာဟာရဖြည့်တင်း ပေးပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။