ဖိုးဖိုးဖွားဖွားတို့ ဝမ်းမချုပ်စေဖို့ သတိပြုစေချင်

ဖိုးဖိုးဖွားဖွားတို့ ဝမ်းမချုပ်စေဖို့ သတိပြုစေချင် ရတဲ့ အကြောင်းအရင်းလေးကို ဆက်ကြည့်လိုက်ရအောင်နော်။

ဖိုးဖိုးဖွားဖွားတို့ကို ဘာတွေကများ ဝမ်းချုပ်စေတာလဲ……………

ဖိုးဖိုးဖွားဖွားတို့ကို ဝမ်းချုပ်စေနိုင်တဲ့ အကြောင်းအရင်းတွေက တစ်ခုမက ရှိနိုင်ပါတယ်။ အသက်ကြီးလာတာနဲ့အမျှ အူလမ်းကြောင်း လှုပ်ရှားမှု နှေးကွေးပြီး ဝမ်းချုပ်တတ်ပါတယ်။

တစ်ခါတလေမှာတော့ သောက်သုံးနေရတဲ့ ဆေးဝါးတွေရဲ့ ဘေးထွက်ဆိုးကျိုးကြောင့် ဖြစ်နိုင်ပါတယ်။ (ဥပမာ အကိုက်အခဲပျောက်ဆေးတွေ၊ စိတ်ကျရောဂါ သောက်ဆေးတွေကြောင့် ဝမ်းချုပ်နိုင်ပါတယ်)

ဒါတွေအပြင် အခုလို အကြောင်းအရင်းတွေကြောင့်လည်း ဝမ်းချုပ်နိုင်ပါတယ်။

• အမျှင်ဓာတ် လုံလောက်စွာ မစားမိတာ
• ရေသောက်နည်းတာ
• အသက်အရွယ်ကြောင့် အစာခြေစနစ် အားနည်းလာတာ
• သင့်တင့်တဲ့ ကိုယ်လက်လှုပ်ရှားမှု မရှိတာ
• လေ့ကျင့်ခန်း ပုံမှန် မလုပ်ဖြစ်တာ
• အစားကောင်းကောင်း မစားဖြစ်တာ
• သွားကျန်းမာရေး မကောင်းတာ
• ကျန်းမာရေးပြဿနာ တစ်ရပ်ရပ် ရှိနေတာ
• စိတ်ကျန်းမာရေး ပြဿနာ ခံစားနေရတာတွေကြောင့် ဝမ်းချုပ်နိုင်ပါတယ်။

ဝမ်းချုပ်နေတာလား…………

ဖိုးဖိုးဖွားဖွားတို့မှာ အခုလို လက္ခဏာတွေ တွေ့ရရင် ဝမ်းချုပ်နေတာပါ။

• ဝမ်းသိပ်မသွားတာ
• ဝမ်းမာမာတွေ သွားတာ
• ဝမ်းသွားတဲ့အခါ နာကျင်တာ
• ဝမ်းသွားရ ခက်နေတာ
• ရေအိမ်မှာ အချိန် အကြာကြီး ထိုင်နေရတာ
• လေခဏခဏ လည်တာ
• လေပွနေတာ
• ဗိုက်အောင့်တာ
• ဝမ်းကျန်နေတယ်လို့ ခံစားရတာ ခံစားနေရရင် ဝမ်းချုပ်နေတာပါ။

ဝမ်းချုပ်ရင် နောက်ဆက်တွဲ ဘာတွေ ဖြစ်နိုင်လဲ…………

ဝမ်းချုပ်တာက အချိန်ကြာလာမယ်ဆိုရင် နောက်ဆက်တွဲ ကျန်းမာရေး ပြဿနာတွေ အနေနဲ့

လိပ်ခေါင်း ဖြစ်တာ

စအိုက သွေးကြောတွေ ရောင်ရမ်းတာ၊ ထိခိုက်တာတွေ ဖြစ်ပြီး လိပ်ခေါင်းရောဂါ ခံစားရနိုင်ပါတယ်။

စအို ကွဲတာ

ဝမ်းမာတာကြောင့် စအို တဝိုက်က အရေပြား စုတ်ပြဲတာတွေ ခံစားရနိုင်ပါတယ်။

ဝမ်းကျန် နေတာ

ဝမ်းချုပ်လွန်းတာကြောင့် အစာဟောင်းအိမ်ထဲမှာ ဝမ်းတွေ ကျန်နေတာမျိုး ခံစားရနိုင် ပါတယ်။

စအို အူနံရံ ကျွံခြင်း

ဝမ်းတအားချုပ်တာကြောင့် ဝမ်းတအားညှစ်သွားရင်း စအိုကနေ အူနံရံ ကျွံထွက်လာတာမျိုး ခံစားရနိုင်ပါတယ်။

ဝမ်း မထိန်းနိုင်ခြင်း

အူမကြီးရဲ့ လှုပ်ရှားမှုတွေကို ထိန်းချုပ်နိုင်စွမ်း မရှိတဲ့ အခြေအနေမျိုးပါ။

ဆီး မထိန်းနိုင်ခြင်း

ဝမ်းချုပ်တာရဲ့ နောက်ဆက်တွဲ ပြဿနာ အနေနဲ့ pelvic floor ကြွက်သား အားနည်းပြီး ဆီးမထိန်းနိုင်တာမျိုး ခံစားရနိုင်ပါတယ်။

ဘယ်လို ကာကွယ်မလဲ………..