backup og meta

ဗီတာမင် B က ခန္ဓာကိုယ်အတွက် ဘာတွေများ လုပ်ပေးလဲ။

ဗီတာမင် B က ကျန်းမာဖို့အတွက် မရှိမဖြစ် လိုအပ်တဲ့ ဗီတာမင် တစ်မျိုးဖြစ်သလို ရေမှာ ပျော်ဝင်နိုင်တဲ့ ဗီတာမင်လည်း ဖြစ်ပါတယ်။ ဗီတာမင် B ကို ခန္ဓာကိုယ်က မထုတ်လုပ်နိုင်ပါဘူး။ ဒါကြောင့် အစားအစာတွေ အပေါ်မှာ မှီခိုရပါတယ်။ ဗီတာမင် B က ခန္ဓာကိုယ်ရဲ့ လုပ်ဆောင်မှုတွေကို ဘယ်လိုများ ထောက်ပံ့ပေးလဲဆိုတာ အတူတူကြည့်လိုက်ရအောင်လား။

ဗီတာမင် B အုပ်စုတွေက ဘာတွေဖြစ်မလဲ။

ဗီတာမင် B က ခန္ဓာကိုယ်ရဲ့ ဆဲလ်တွေ ကောင်းမွန်စွာ လုပ်ဆောင်နိုင်စေဖို့ အရေးပါတဲ့ အခန်းကဏ္ဍကနေ လုပ်ဆောင်ပေးပါတယ်။ ဗီတာမင် B အုပ်စုက စားလိုက်တဲ့ အစားအစာတွေကို အင်အားအဖြစ် ပြောင်းလဲပေးပါတယ်။ ဒါ့အပြင် ကိုယ်တွင်း ဇီဝကမ္မဖြစ်စဉ်ကို တိုးတက်ကောင်းမွန်စေတယ်။ သွေးဆဲလ် အသစ်တွေ ဖြစ်ပေါ်စေတယ်။ အရေပြားဆဲလ် နဲ့ ဦးနှောက်ဆဲလ်တွေကို ကျန်းမာစေတယ်။ ခန္ဓာကိုယ်က တစ်ရှူးတွေကို ကျန်းမာစေတယ်။ ဗီတာမင် B အမျိုးအစားက ၈ ခု ရှိပါတယ်။

  • ဗီတာမင် B-1 (thiamin)
  • ဗီတာမင် B-2 (riboflavin)
  • ဗီတာမင် B-3  (niacin)
  • ဗီတာမင် B-5 (pantothenic acid)
  • ဗီတာမင် B-6 (pyridoxine)
  • ဗီတာမင် B-7 (biotin)
  • ဗီတာမင် B-9 (folate)
  • ဗီတာမင် B-12

ဒီ ဗီတာမင် အားလုံးကို စုပြီး ဗီတာမင် B complex လို့ ခေါ်ပါတယ်။ ဒီ ဗီတာမင် B အုပ်စုတွေကို အစားအစာ​ တော်တော်များများမှာ အမျိုးအစား စုံစုံလင်လင်တွေ့ရတတ်ပါတယ်။

ဗီတာမင် B တစ်မျိုးချင်းစီရဲ့ လုပ်ငန်းတာဝန်

ဗီတာမင် B အုပ်စုက ဗီတာမင် အမျိုးအစား တစ်မျိုးချင်းစီရဲ့ လုပ်ငန်းတာဝန်တွေက မတူကြပါဘူး။

ဗီတာမင် B-1 (thiamin)

နှလုံးအသည်း နဲ့ ဦးနှောက်တို့မှာ thiamin ပမာဏ တော်တော်လေး ပါဝင်နေရတာပါ။ ဒါမှလည်း ကျန်းမာမှာကိုး။ thiamin က ခန္ဓာကိုယ် အတွက်

  • အစားအစာတွေထဲက သကြားဓာတ်ကို ဖြိုခွဲပေးတယ်
  • ဦးနှောက်ရဲ့ လုပ်ဆောင်မှုတွေ ကောင်းမွန်စေတယ်
  • fatty acids ဖြစ်ပေါ်စေတယ်
  • ဟော်မုန်းတွေကို ထုတ်လွှတ်ပေးတယ်။

ဗီတာမင် B-2 (riboflavin)

Riboflavin က

  • စွမ်းအင်တွေ ဖြစ်ပေါ်စေတယ်
  • ခန္ဓာကိုယ်က အဆီတွေ၊ ဆေးဝါးတွေ နဲ့ စတီးရွိုက် ဟော်မုန်းတွေကို ဖြိုခွဲရာမှာ ကူညီပေးတယ်။

ဗီတာမင် B-3  (niacin)

ဗီတာမင် B3 က ခန္ဓာကိုယ်မှာ

  • စားသုံးလိုက်တဲ့ ကာဗိုဟိုက်ဒရိတ်၊ အဆီ နဲ့ ပရိုတင်းတွေကို ခန္ဓာကိုယ်အတွက် လိုအပ်တဲ့ စွမ်းအင်တွေအဖြစ် ပြောင်းလဲပေးတယ်
  • ဆဲလ်တွေရဲ့ လုပ်ဆောင်မှုတွေကို အကောင်းဆုံး လုပ်ဆောင်နိုင်စေတယ်
  • ဆဲလ်တွေကို တစ်ခုနဲ့တစ်ခု  ဆက်သွယ်ဆောင်ရွက်နိုင်စေတယ်
  • ဆဲလ်တွေထဲ DNA မျိုးဗီဇဆဲလ်တွေကို သိရှိနိုင်အောင် လုပ်ဆောင်ပေးတယ်။

ဗီတာမင် B-5 (pantothenic acid)

Pantothenic acid က

ခန္ဓာကိုယ်အတွက် coenzymes၊ ပရိုတင်း နဲ့ အဆီတွေကို ဖြစ်ပေးစေတယ်။ သွေးဆဲလ်တွေကနေတဆင့် pantothenic acid ကို သယ်ဆောင် သွားစေပြီး စွမ်းအင် ဖြစ်ပေါ်စေဖို့နဲ့ ဇီဝကမ္မဖြစ်စဉ်တွေ ဖြစ်ပေါ်စေဖို့ လိုအပ်တဲ့ အာဟာရအဖြစ် ဆောင်ရွက်ပေးပါတယ်။

ဗီတာမင် B-6 (pyridoxine)

Vitamin B-6 ( pyridoxine) က

  • အမိုင်နိုအက်ဆစ် ပြောင်းလဲဖြစ်ပေါ်မှုကို လုပ်ဆောင်ပေးတယ်
  • ကာဗိုဟိုက်ဒရိတ်ကို အဆီအဖြစ် ဖြိုခွဲပေးတယ်
  • ဦးနှောက် ဖွံ့ဖြိုးစေတယ်
  • ကိုယ်ခံအား ကောင်းစေတယ်။

ဗီတာမင် B-7 (biotin)

ဗီတာမင် B-7 (biotin) က

  • အဆီ၊ ကာဗိုဟိုက်ဒရိတ် နဲ့ ပရိုတင်း တို့ကို ဖြိုခွဲပေးတယ်
  • ခန္ဓာကိုယ်က ဆဲလ်တွေကို ချိတ်ဆက် ဆောင်ရွက်နိုင်စေတယ်
  • DNA ကို ထိန်းညှိပေးတယ်။

ဗီတာမင် B-9 (folate)

ဗီတာမင် B-9 (folate) က

  • DNA ကွဲပွားမှုကို လုပ်ဆောင်ပေးတယ်
  • ဗီတာမင်တွေကို ဖြိုခွဲပေးတယ်
  • အမိုင်နိုအက်ဆစ်ကို ဖြိုခွဲပေးတယ်
  • ဆဲလ်ကွဲပွားမှုတွေကို ဖြစ်ပေါ်စေတယ်။

ဗီတာမင် B-12

vitamin B-12 က

  • သွေးဆဲလ် အသစ်တွေကို ဖြစ်ပေါ်စေတယ်
  • DNA ပေါင်းစပ်မှုကို ဖြစ်ပေါ်စေတယ်
  • ဦးနှောက် နဲ့ အာရုံကြော လုပ်ဆောင်မှု ကောင်းစေတယ်
  • အဆီ နဲ့ ပရိုတင်းတွေကို ဖြိုခွဲပေးတယ်။

[embed-health-tool-bmi]

မသက်ဆိုင်ကြောင်း ရှင်းလင်းချက်

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

A complete guide to B vitamins https://www.medicalnewstoday.com/articles/325292 Accessed Date 26 June 2020

Vitamin B Function in the Body https://www.news-medical.net/health/Vitamin-B-Function-in-the-Body.aspx Accessed Date 26 June 2020

8 Surprising Health Benefits of B Vitamins https://www.everydayhealth.com/pictures/surprising-health-benefits-b-vitamins/ Accessed Date 26 June 2020

ယခုပုံစံ

12/01/2022

Aye Thi Mon မှ ရေးသားသည်။

Aye Thi Mon မှ ပြင်ဆင်ခဲ့ပါသည်။


ဆက်စပ် အကြောင်းအရာများ

ရောဂါကာကွယ်ခုခံရာမှာ ပရိုတင်း၊ ဗီတာမင်နဲ့သတ္တုဓာတ်တွေရဲ့ အခန်းကဏ္ဍ

သင့်အသားအရေအတွက် အကောင်းဆုံးဗီတာမင်များ


Hello Sayarwon Panel မှ အချက်အလက်များ စစ်ဆေးထားပါသည်။ Aye Thi Mon မှ ရေးသားသည်။ နောက်ဆုံးအသစ်ပြင်ဆင်သည့်ရက်စွဲမှာ 12/01/2022 ဖြစ်ပါသည်။

ad iconadvertisement

ဤဆောင်းပါးက အကူအညီဖြစ်ပါသလား။

ad iconadvertisement
ad iconadvertisement