ပရိုတင်းလို့ဆိုလိုက်ရင် အသားတွေ ငါးတွေကနေပဲ ရမယ်လို့ ပြေးမြင်ကြမယ် ထင်ပါတယ်။ ဒါကလည်း မမှားပါဘူး။ အသားဓာတ် လို့ဆိုတာကိုး။ အသားငါးတွေကနေပဲရမယ်လို့ ယူဆမှာပေါ့။ ဒီတော့ အသားမစားတဲ့သူတွေ အသားဓာတ် မရတော့ဘူးလားလို့ မေးစရာရှိနေနိုင်ပါတယ်။ အသားဓာတ်ရနိုင်တဲ့ သစ်သီးတွေနဲ့ ဟင်းသီးဟင်းရွက်တွေ ရှိပါသေးတယ်။ ဘာတွေဖြစ်မလဲ ဒီဆောင်းပါးလေးကနေ ဖတ်ကြည့်လိုက်ပါ။
ပရိုတင်း ကြွယ်ဝတဲ့ ဟင်းသီးဟင်းရွက်တွေက ဘာတွေများလဲ…………..
အသားငါးတွေ မစားဘဲ ပရိုတင်း ကြွယ်ဝဖို့ဆိုရင်တော့ ဒါလေးတွေ စားပေးလို့ရပါတယ်။
အမျှင်ဓာတ် ကြွယ်ဝသလို ပရိုတင်းလည်း ကြွယ်ဝတာကြောင့် အစာခြေစနစ် ကျန်းမာသလို အရိုးနဲ့ကြွက်သားတွေကို သန်မာစေဖို့လည်း အကောင်းဆုံး အားဖြည့်ပေးပါတယ်။ ပဲနီလေး တစ်ခွက်စာမှာ ပရိုတင်း ပမာဏ ၁၇.၈၆ ဂရမ် ပါဝင် ပါတယ်။
စားရတာ အရသာရှိသလို အသားဓာတ်ပါဝင်မှုလည်း မြင့်ပါတယ်။ ကုလားပဲ တစ်ခွက်စာမှာ ပရိုတင်း ၁၄.၅၃ ဂရမ် ပါဝင်ပါတယ်။
အယလ်မွန်စေ့က အရသာရှိသလို အာဟာရဓာတ်လည်း ကြွယ်ဝစွာ ပါဝင်နေပါတယ်။ ပရိုတင်းဓာတ် ကြွယ်ဝသလို ကျန်းမာရေးနဲ့ ညီညွတ်တဲ့ အဆီ၊ ဗီတာမင် E နဲ့ ဓာတ်တိုးဆန့်ကျင်အာနိသင်တွေ ပါဝင်နေပါတယ်။ အယ်လ်မွန်စေ့ တစ်ခွက်စာမှာ ပရိုတင်း ၅.၉၄ ဂရမ် ပါဝင်နေပါတယ်။
အမျှင်ဓာတ်ကြွယ်ဝသလို သံဓာတ်လည်းကြွယ်ဝပါတယ်။ ပရိုတင်းလို့ ခေါ်တဲ့ အသားဓာတ်လည်း ကြွယ်ဝစွာ ပါဝင်နေပါ သေးတယ်။ ဟင်းနုနွယ်တစ်ခွက်စာမှာ ပရိုတင်း ၂.၉ ဂရမ် ပါဝင်ပါတယ်။
ကညွတ်မှာ အာဟာရဓာတ်ကြွယ်ဝစွာ ပါဝင်နေပါတယ်။ ဒါတင်မကပါဘူး။ ဗီတာမင် B၊ ဖောလိတ်၊ကော့ပါး၊ မဂ္ဂနိ့၊ဖော့စဖရပ်စ်၊ မဂ္ဂနီဆီယမ် နဲ့ ဗီတာမင် A၊ ဗီတာမင် K တို့ကြွယ်ဝစွာပါဝင်နေပါသေးတယ်။ ကညွတ် တစ်ခွက်စာမှာ ပရိုတင်း ၂.၉ ဂရမ် ပါဝင်နေပါတယ်။
ပရိုတင်း ပါဝင်မှုမြင့်မားသလို အမိုင်နိုအက်ဆစ်၊ ဖောလိတ်၊ မဂ္ဂနိ့စ်၊ ပိုတက်ဆီယမ်၊ ဖော့စဖောရပ်စ်၊ ဗီတာမင် C၊ ဗီတာမင် K တို့ လည်းပါဝင်နေပါတယ်။ ပန်းဂေါ်ဖီစိမ်း တစ်ခွက်စာမှာ ပရိုတင်း ၂.၆ ဂရမ် ပါဝင်နေပါတယ်။
ပန်းဂေါ်ဖီမှာ ပရိုတင်း ပါဝင်မှု များသလို ဗီတာမင် C၊ ဗီတာမင် K နဲ့ သတ္တုဓာတ်တွေဖြစ်ကြတဲ့ ပိုတက်ဆီယမ်၊ မဂ္ဂနီဆီယမ်၊ ဖော့စဖော့ရပ်စိ၊ ကယ်လ်ဆီယမ်နဲ့ သံဓာတ်တို့ ကြွယ်ဝစွာ ပါဝင်နေပါတယ်။ ပန်းဂေါ်ဖီ တစ်ခွက်စာမှာ ပရိုတင်း ၂ ဂရမ်အထိ ပါဝင်နေပါတယ်။
အရသာရှိရှိ ချိုချိုလေးနဲ့ စားကောင်းတဲ့ သကြားပြောင်းလေးတွေကလည်း ပရိုတင်း ရရှိနိုင်တဲ့ အစားအစာ အရင်းအမြစ်ပါ။ သကြားပြောင်း တစ်ခွက်စာမှာ ပရိုတင်းက ၄.၆၈ ဂရမ် အထိ ပါဝင်နေပါတယ်။
အာလူးကလည်း ပရိုတင်းပါတဲ့ အစားအစားတစ်ခုပါ။ ပရိုတင်းနဲ့အတူ ဗီတာမင် C၊ ဗီတာမင် B6 တို့လည်း ပါဝင်နေပါ သေးတယ်။ အာလူးအရွယ်တော် တစ်လုံးမှာ ပရိုတင်း ၄.၅၅ ဂရမ် ပါဝင်နေပါတယ်။
ပရိုတင်း ပါဝင်နေတဲ့ သစ်သီးတွေကတော့
- ထောပတ်သီး အရွယ်တော်တစ်လုံးမှာ ပရိုတင်း ၄.၀၂ ဂရမ်
- ပိန္နဲသီး တစ်ခွက်စာမှာ ပရိုတင်း ၂.၈ ဂရမ်
- တရုတ်ဇီးသီးခြောက် တစ်ခွက်စာမှာ ပရိုတင်း ၄.၄ ဂရမ်
- တည်သီး တစ်ခွက်စာမှာ ပရိုတင်း ၅.၂ ဂရမ်
- ဇီးသီးခြောက် တစ်ခွက်စာမှာ ပရိုတင်း ၃.၈ ဂရမ် နဲ့
- စပျစ်သီးခြောက် တစ်ခွက်စာမှာ ပရိုတင်း ၄.၅ ဂရမ် ပါဝင်နေပါတယ်။
ပရိုတင်းဓာတ်ပြည့်ဝချင်ပေမယ့် အသားမစားချင်ဘူးဆိုရင် အခုပြောခဲ့တဲ့ အသီးအရွက်တွေကို စားသုံးပေးလို့ရပါတယ်။
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
