မုန့်ဟင်းခါး – ငါး၊ ဆန်မှုန့်၊ ပဲမှုန့်တို့နဲ့ အဓိကချက်ထားပြီး ဆန်ကနေလုပ်ထားတဲ့ မုန့်ဖတ်နဲ့တွဲဖက်စားသုံးရတဲ့ မုန့်ဟင်းခါးမှာ ကစီဓါတ်၊ ပရိုတင်း နဲ့ ဗီတာမင်တွေပြည့်ဝစွာပါဝင်နေတာကြောင့် အာဟာရပြည့်ဝစေမှာပါ။
ထမင်းကြော် – ထမင်းက ခန္ဓါကိုယ်အတွက်လိုအပ်မယ့် ကစီဓါတ်ကိုပေးစွမ်းနိုင်သလို ထမင်းကြော်ကို အသား၊ ပဲပြုတ်၊ ကြက်ဥတို့နဲ့ တွဲဖက်စားသုံးမယ်ဆိုရင် ပရိုတင်း၊ ဗီတာမင် D နဲ့ အမျှင်ဓါတ်တွေကိုပါရရှိစေနိုင်မှာပါ။
ကော်ဖီ နဲ့ ပေါင်မုန့်မီးကင် – ကော်ဖီက ဓါတ်တိုးဆန့်ကျင်အာနိသင်ကြွယ်ဝတာကြောင့် နှလုံးကျန်းမာစေနိုင်သလို လန်းဆန်းမှုကိုပါရရှိနိုင်မှာပါ။ ပေါင်မုန့်ဆိုတဲ့နေရာမှာလည်း ပေါင်မုန့်အဖြူထက် ဂျုံကြမ်းနဲ့လုပ်ထားတဲ့ ပေါင်မုန့်တွေက အမျှင်ဓါတ်ကြွယ်ဝနေမှာဖြစ်တာကြောင့် အစာခြေစနစ်ကို ကျန်းမာစေနိုင်ပါတယ်။
Oatmeal – အမျှင်ဓါတ်ကြွယ်ဝစွာပါဝင်နေသလို သံဓါတ်၊ ဖောလိတ် နဲ့ အခြားသောဗီတာမင်၊ သတ္တုဓါတ်တွေကြွယ်ဝစွာ ပါဝင်နေတာကြောင့် အစာခြေစနစ်ကိုကျန်းမာစေသလို နှလုံးကိုလည်း ကျန်းမာစေနိုင်ပါတယ်။ သွေးတွင်းကိုလက်စထရော ကျစေနိုင်မယ့် မနက်စာပါ။
ဂျုံခေါက်ဆွဲပြုတ် – မနက်ခင်းမှာ ကြက်စွပ်ပြုတ်ပူပူလေးထဲကို ဂျုံခေါက်ဆွဲထည့်ပြုတ်ပြီးစားပေးတာက ပရိုတင်း( အသားဓါတ်) အပြင် ကစီဓါတ်ကိုပါရရှိစေနိုင်ပါတယ်။ အသီးအရွက်တွေပါထည့်ပြီး စားသုံးမယ်ဆိုရင် အစာခြေစနစ် ကျန်းမာစေမယ့် အမျှင်ဓါတ်ကိုပါရရှိစေမှာပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။