သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

ဝိတ်ချနေတဲ့သင့်ကို လေ့ကျင့်ခန်းနဲ့အတူ ကူညီပေးမယ့် အရာများ ။ ။

    ဝိတ်ချနေတဲ့သင့်ကို လေ့ကျင့်ခန်းနဲ့အတူ ကူညီပေးမယ့် အရာများ ။ ။

    လေ့ကျင့်ခန်း တစ်ခုတည်းနဲ့တော့ နည်းမှန်လမ်းမှန် ထိထိရောက်ရောက်နဲ့ ဝိတ်ချနိုင်မှာ မဟုတ်ပါဘူး။ စနစ်ကျတဲ့ ဝိတ်ချခြင်းမှာ လေ့ကျင့်ခန်းနဲ့အတူ မှန်ကန်တဲ့ စားသောက်မှုပုံစံတစ်ခုလိုအပ်ပါတယ်။ လေ့ကျင့်ခန်းလည်းလုပ်မယ် အစားအသောက်ကိုလည်း စနစ်တကျစားမယ်ဆိုရင် အောင်မြင်ဖို့ ၈၀ရာခိုင်နှုန်းတောင်ရှိတာကြောင့် ဝိတ်ချနေတဲ့သင့်ကို ခုပြောပြမယ် အချက်တွေက ကူညီနိုင်မှာပါ ။ ။

    ( ၁ ) အစားမစားခင် ရေသောက်ပါ။

    ရေသောက်ခြင်းဟာ ကိုယ်တွင်းဇီဝကမ္မဖြစ်စဉ်ကို တစ်နာရီအတွင်း၂၀ ရာခိုင်နှုန်းလောက်အထိ မြင့်တက်စေတာကြောင့် ကယ်လိုရီလောင်ကျွမ်းမှုကို အားပေးပါတယ်။ အစားမစားခင် နာရီဝက်လောက်အလိုမှာ ရေဖန်ခွက် တစ်ဝက်လောက်သောက်ပေးရင် အစားစားချင်စိတ်ေလျာ့သွားပြီး ကယ်လိုရီတွေ အများကြီးလည်း မစားဖြစ်တော့ပါဘူး။

    ( ၂ ) ကြက်ဥကို မနက်စာအဖြစ်စားပါ။

    မနက်ပိုင်းကို ထမင်းတို့ ဂျုံတို့လို ကောက်ပဲသီးနှံအခြေခံတဲ့ အစားအသောက်တွေ စားခြင်းထက် ကြက်ဥ စားပေးတာက ဝိတ်ချနေတဲ့သူတွေ အတွက် ပိုပြီး အကျိုးရှိစေမှာပါ။ ကြက်ဥက ကယ်လိုရီနည်းတဲ့အပြင် ပရိုတင်းဓာတ်လည်း ကြွယ်ဝတာကြော့င် တစ်ချက်လည်းခုတ် နှစ်ချက်ပြတ်ပေါ့။

    ( ၃ ) ကော်ဖီသောက်ပါ။ ( ဘလက်ကော်ဖီဆိုပိုကောင်းပါတယ်။)

    ကော်ဖီမှာပါတဲ့ ကဖင်းဓာတ်က ကိုယ်တွင်းဇီဝကမ္မဖြစ်စဉ်ကို ၁၁ ရာခိုင်နှုန်းလောက်အထိမြင့်တက်စေပြီး အဆီလောင်ကျွမ်းမှုဖြစ်စဉ်ကို ၃၀ ရာခိုင်နှုန်းလောက်အထိ မြင့်တက်စေပါတယ်။ အရေးကြီးတာက ကော်ဖီထဲ သကြားတွေအများကြီးထည့်မသောက်ဖို့နဲ့ ခရင်မ်တွေ ထည့်မသောက်ဖို့ပဲ ဖြစ်ပါတယ်။

    ( ၄ ) လက်ဖက်စိမ်း ( greem tea ) သောက်ပေးပါ။

    ကော်ဖီလိုပဲ လက်ဖက်စိမ်းရည်မှာလည်း ကဖင်းဓာတ်ကြွယ်ဝလို့ အဆီလောင်ကျွမ်းတာနဲ့ ဇီဝကမ္မဖြစ်စဉ်တွေကို အားပေးမယ့် အပြင် လက်ဖက်စိမ်းရဲ့ ဓာတ်တိုးဆန့်ကျင် အာနိသင်က ကိုယ်တွင်းက အဆိပ်အတောက်တွေကို ပြေစေဦးမှာပါ။

    ( ၅ ) အချိန်ပိုင်းအစာငတ်ခံခြင်း ( Intermittent fasting )နည်းကို စမ်းကြည့်ပါ။

    ခုနောက်ပိုင်း diet လုပ်နေတဲ့သူတွေကြားထဲမှာ အစားတွေ အများကြီး ရှောင်စရာမလိုဘဲ စားချင်တာတွေစားပြီး အချိန်ပိုင်း အစာငတ်တဲ့ နည်းလမ်းက popular ဖြစ်နေပါတယ်။ ၁၆:၈ အချိုးအစားက နာမည်အကြီးဆုံးပါ။ ၂၄ နာရီအတွင်း ၈နာရီလောက်ကို စားပြီး ကျန်တဲ့ ၁၆ နာရီကို ဘာမှ မစားတဲ့နည်းပါ။

    ( ၆ ) သကြားကိုဖြတ်ပါ။ ကစီဓာတ်လျှော့စားပါ။

    အချိုကဲတဲ့အစားအသောက်တွေနဲ့ ကစီဓာတ်များတဲ့ အစားအသောက်တွေက ကိုယ်အလေးချိန်လျှော့ချနေတဲ့သူအားလုံးရဲ့ ရန်သူပါ။ ဒါကြောင့် ဆီကြော်မုန့်တွေ၊ ကိတ်မုန့်၊ ပေါင်မုန့်တွေကို လျှော့စားပါ။

    ( ၇ ) အစားကို နည်းနည်းနဲ့ အကြိမ်ရေများများစားပါ။

    တစ်လုံးတစ်ခဲတည်း အပြည့်အဝစားတာထက်စာရင် အစားကို နည်းနည်းနဲ့ အကြိမ်ရေများများစားပေးပါ။ နောက်တစ်ခု အရေးကြီးတာက ကိုယ်စားလိုက်တဲ့ ကယ်လိုရီနဲ့ ပြန်လောင်ကျွမ်းတဲ့ ကယ်လိုရီကို ချိန်စားဖို့တော့လိုပါတယ်။

    (၈ ) အစားကိုဖြည်းဖြည်းချင်းဝါးစားပါ။

    ဗိုက်ပြည့်ပြီဆိုတဲ့ အချက်ပြစနစ် အစာအိမ်ကနေ ဦးနှောက်ကို ရောက်ဖို့ မိနစ် ၂၀ လောက်ကြာတာကြောင့် ဖြည်းဖြည်းချင်း ဝါးစားပါ။ ဒါမှ ဗိုက်ပြည့်တဲ့အချိန်ကျရင် ကိုယ်က အများကြီး စားမထားမိတော့မှာပါ။

    ( ၉ ) အိပ်ရေးပျက်မခံပါနဲ့။

    ညဘက်နောက်ကျမှ အိပ်တဲ့အခါ မအိပ်ခင် ဗိုက်ဆာဖူးကြမှာပါ။ နောက်ကျတဲ့အခါ အိပ်ရင်အနားယူရမယ့် ကိုယ်တွင်းကလီစာတွေက အလုပ်လုပ်နေရတာကတစ်ကြောင်း၊ အင်ဆူလင်ပမာဏလျော့ကျသွားလို့ ဆာလောင်မှုမြင့်တက်လာက တစ်ကြောင်းနဲ့ နောက်ကျမှ အိပ်လေလေ ပိုစားမိလေလေဖြစ်တတ်ပါတယ်။

    ( ၁၀ ) Diet အတင်းမလုပ်ပါနဲ့။

    Diet လုပ်တိုင်း ကောင်းတာ မဟုတ်ပါဘူး။ Diet အတင်းအကြပ်လုပ်လေလေ စားချင်စိတ်ပိုများများလေလေနဲ့ ကြားထဲ စိတ်ဖိစီးမှုတွေများနေပါလိမ့်မယ်။ ဒါ့ကြောင့် တစ်နပ်စာ အငတ်ခံတာ တစ်နေ့လုံးနေမှ တစ်နပ်ပဲ စားတာမျိုးတွေ မလုပ်ပါနဲ့။ စားတာကစားပါ။ သင့်တင့်တဲ့ ပမာဏနဲ့ ချင့်ချိန်စားပါ ။

    ဒါတွေကတော့ ဝိတ်ကျအောင် ကြိုးစားနေတဲ့သူတိုင်းကို ကူညီပေးမယ့် အရာတွေပဲ ဖြစ်ပါတယ်။ လေ့ကျင့်ခန်းလည်းလုပ်မယ် ဒါလေးတွေလည်း လိုက်နာမယ်ဆိုရင် အချိန်တိုအတွင်း ထိထိရောက်ရောက်နဲ့ မြန်မြန်ဆန်ဆန် ဝိတ်ကျမှာနော် ။ ။

    Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

    health-tool-icon

    ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ။

    ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။

    အမျိုးသား

    အမျိုးသမီး

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    စာရေးသူ ဓာတ်ပုံbadge
    Dr. Thin Yadanar @ Frances မှ ရေးသားသည်။ 4 ရက် အကြာက တွင် ပြန်လည်ပြင်ဆင်ခဲ့သည်။
    Hello Sayarwon Panel မှ အချက်အလက် စစ်ဆေးထားပါသည်။
    Next article: