Rh - အနှုတ်သွေးပိုင်ရှင်မေမေတို့ ကိုယ်ဝန်ဆောင်တဲ့အခါ ဘာတွေ သတိထားရမလဲ ။ ။

အပေါင်းသွေး အနှုတ်သွေးတွေရဲ့ ကိုယ်ဝန် အပေါ်သက်ရောက်မှု ။ ။

ဒီ အပေါင်းသွေး အနှုတ်သွေးတွေကို Rh + နဲ့ Rh – လို့ ခေါ်ကြပါတယ်။ ဒီ နှစ်ခုထဲမှာ Rh + သွေးက ပေါပြီးတော့ Rh – သွေးက တော့ ရှားပါးတဲ့ အရာတစ်ခုပါ။ အပေါင်း နဲ့ အနှုတ် ဆန့်ကျင်ဘက်ဖြစ်နေတယ်ဆိုတည်းက သူတို့နှစ်ခုရောသွားလို့ မရဘူးဆိုတာ အားလုံး သိကြမယ်လို့ထင်ပါတယ်။ သာမန်အချိန်တွေ ဆိုရင်တော့ ဒီ အပေါင်းသွေး အနှုတ်သွေးတွေက သင့်ကျန်းမာရေးကို ဘာမှ မထိခိုက်ပေးမယ့် ကိုယ်ဝန်ဆောင်ချိန်နဲ့ သွေးသွင်းတဲ့ အချိန်ဆိုရင်တော့ ဒီ အပေါင်းသွေး အနှုတ်သွေးကွဲနေတာက သေချာဂရုစိုက်သင့်ပြီးလုံးဝကို အမှားမခံတဲ့ အရာတစ်ခုပါ။ ။

ဒီလို အပေါင်းသွေး အနှုတ်သွေးတွေက ကိုယ်ဝန်အပေါ် ဘယ်လိုသက်ရောက်မှုရှိတာလဲ။ ။

Rh – ပိုင်ရှင် အမျိုးသမီးနဲ့ Rh + ပိုင်ရှင် အမျိုးသားတို့ အိမ်ထောင်ကျကြတယ်ဆိုပါစို့။ ကိုယ်ဝန်ရလာတဲ့ အခါ ဗိုက်ထဲက ကလေးက Rh – လား Rh + လားဆိုတာကို သေချာသိဖို့လိုအပ်ပါတယ်။ အမေက Rh – ပိုင်ရှင်ဖြစ်ပြီး ကိုယ့်ဗိုက်ထဲက ရင်သွေးလေးက Rh – ဆိုရင်တော့ ဘာမှ စိုးရိမ်စရာ မရှိပါဘူး။

ပထမ ကိုယ်ဝန်မှာ အမေက Rh – ဖြစ်ရက်နဲ့ ဗိုက်ထဲက ရင်သွေးလေးက Rh + ဖြစ်နေမယ်ဆိုရင် ပထမကလေးအတွက် ဘာပြဿနာမှ မရှိပေမယ့် ဒုတိယအကြိမ်ဆောင်တဲ့ ကိုယ်ဝန်က ရင်သွေးလေးကျရင်တော့ ပြဿနာတွေ စတက်စေတော့မှာပါ။ ဘယ်လိုဖြစ်ရတာလဲ ။ ။ ကိုယ်ဝန်ဆောင်ထားချိန်တုန်းကတော့ ကလေးသွေးနဲ့ အမေသွေး ရောလေ့မရှိပေမယ့် မီးဖွားတဲ့အချိန်မှာတော့ Rh + နဲ့ Rh – တို့ ရောသွားနိုင်ပါတယ်။ ဒီလိုရောသွားပြီဆိုတာနဲ့

သွေးချင်းမတူတဲ့အတွက် ကလေးရဲ့ Rh + ကိုတိုက်တဲ့ ( antibody) ပဋ္ဋိပစ္စည်းတွေ Rh -အမေ့ရဲ့ သွေးထဲမှာ စပြီးထွက်လာပါတယ်။
ဒါပေမယ့် ဒီ ( antibody) ပဋ္ဋိပစ္စည်းတွေက ပထမဆုံး ရင်သွေးလေးကို ဒုက္ခမပေးပါဘူး။
ဒုတိယအကြိမ်ကိုယ်ဝန်က Rh +ရင်သွေးလေးကို ပြဿနာတက်စေမှာ ဖြစ်ပါတယ်။ ဒုတိယ ကလေးရဲ့ Rh + ကိုတိုက်တဲ့ မိခင်ဆီက Rh – ( antibody) ပဋ္ဋိပစ္စည်း တွေက ကလေးရဲ့ ေသွးနီဥ ဆဲလ်တွေကို ဖျက်ဆီးပစ်လို့ မွေးလာတဲ့ကလေးမှာ ဆိုးဆိုးဝါးဝါး သွေးအားနည်းတဲ့ ဝေဒနာကို ခံစားရပြီး အသက်ဆုံးရှုံးနိုင်ပါတယ်။

ကလေးအသက် မဆုံးရှုံးအောင် ကိုယ်ဝန် ပျက်ကျတာမျိုး မဖြစ်အောင် အနှုတ်သွေးပိုင်ရှင်မေမေတို့ ဘာတွေ သိထားရမလဲ ။ ။

Mother’s Rh factor	Father’s Rh factor	Baby’s Rh factor	Precautions ( သတိထားရမယ့်အချက်)
Rh positive	Rh positive	Rh positive	None( မရှိ )
Rh negative	Rh negative	Rh negative	None( မရှိ )
Rh positive	Rh negative	Rh positive ရော Rh negative ရောဖြစ်နိုင်ပါတယ်	None( မရှိ )
Rh negative	Rh positive	Rh positive ရော Rh negative ရောဖြစ်နိုင်ပါတယ်	Rh immune globulin injections ( ဆေးကြိုထိုးသင့်သည်။)

အပေါ်က ဇယားကွက်ကို ကြည့်လိုက်တာနဲ့တင် အောက်ဆုံး အတန်းဖြစ်တဲ့ အမေက အနှုတ်သွေး အဖေက အပေါင်းသွေး စုံတွဲ ကိုယ်ဝန်ရလာပြီဆိုတာနဲ့ အပေါင်းသွေး အနှုတ်သွေးရောသွားတဲ့ ပြဿနာတွေ ဖြစ်နိုင်တာကြောင့် ပထမကိုယ်ဝန်စရှိပြီဆိုတည်းက Rh immune globulin ဆေးကြိုထိုးထားသင့်ပါတယ်။

Rh immune globulin ပထမ အကြိမ်ကို ကိုယ်ဝန် ပထမ ၂၈ ပတ်မှာ စထိုးပြီး
ဒုတိယ အကြိမ်ကို မီးဖွားနေစဉ် ၇၂ နာရီ အတွင်းမှာ ထိုးပေးပါတယ်။

ဒီ Rh immune globulin လေးဟာ အပေါင်းသွေးကို တိုက်တဲ့ မိခင်ရဲ့ အနှုတ်သွေးထဲက ပဋ္ဋိပစ္စည်းတွေ မထွက်အောင်တားဆီးလိုက်တာကြောင့် ဒုတိယ ရင်သွေးလေးကို ဒုက္ခမပေးနိုင်တော့ပါဘူး။

တစ်ခုရှိတာက မိခင်ရဲ့ အနှုတ်သွေးထဲမှာ အစတည်းက အပေါင်းသွေးကိုတိုက်တဲ့ ( antibody) ပဋ္ဋိပစ္စည်းတွေရှိနေပြီဆိုရင်တော့ Rh immune globulin ထိုးလို့လည်း အကျိုးမရှိပါဘူး။

ကဲဒါတွေကတော့ ကိုယ်ဝန်နဲ့ အပေါင်းသွေး အနှုတ်သွေးတွေ ကြားက ရှုပ်ထွေးလှတဲ့ ပြဿနာတွေ ပဲ ဖြစ်ပါတယ်။ ကိုယ်က အနှုတ်သွေး ကိုယ့်အမျိုးသားက အပေါင်းသွေးဆိုရင် ပထမဆုံး ကိုယ်ဝန်စရှိလာပြီဆိုတာနဲ့ ဆရာဝန်နဲ့ သေချာတိုင်ပင်ဖို့တော့ လိုတယ်နော်။ ။

Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Hello Sayarwon Panel မှ အချက်အလက်များ စစ်ဆေးထားပါသည်။ Dr. Thin Yadanar @ Frances မှ ရေးသားသည်။ နောက်ဆုံးအသစ်ပြင်ဆင်သည့်ရက်စွဲမှာ 11/05/2020 ဖြစ်ပါသည်။

ဤဆောင်းပါးက အကူအညီဖြစ်ပါသလား။