ကိုယ်နဲ့ ဘယ်ပရိုတင်း powder က အသင့်တော်ဆုံးလဲ ။

ကြွက်သားတက်ချင်လို့၊ အဆီပို တွေ လောင်ကျွမ်းစေချင်လို့ဆိုပြီး ပရိုတင်းဖျော်ရည်တွေသောက်ကြပါတယ်။ ပရိုတင်းမှုန့်သောက်ချင်လို့ဆိုပြီး ဝယ်သောက်တော့မယ်ဆိုရင် အားလုံး စပြီးသိချင်ကြတာက ဘယ်နှစ်မျိုးရှိလဲ။ ဘယ်ဟာက ပိုကောင်းလဲ၊ ဘယ်အမျိုးအစားက ကိုယ်နဲ့ ပိုသင့်တော်မလဲဆိုတဲ့မေးခွန်းပဲ ဖြစ်ပါတယ်။

ဒီတော့ ပရိုတင်းမှုန့် ဘယ်နှစ်မျိုးရှိလဲ။ ကိုယ်နဲ့ ဘယ်အမျိုးအစားက သင့်တော်မလဲ။ ။

ပရိုတင်းမှုန့် အမျိုးအစားများ။။

( ၁ )Whey ပရိုတင်း။

Whey ပရိုတင်းဆိုတာ နို့ကလာတဲ့ ပရိုတင်းမှုန့်တစ်မျိုးဖြစ်ပြီး နို့ကနေ ထုတ်ထားတဲ့ ပရိုတင်းမှုန့်တစ်မျိုး ဖြစ်ပါတယ်။ ကြွက်သားတည်ဆောက်ဖို့နဲ့ တည်ဆောက်ပြီးသား ကြွက်သားတွေကို ဆက်ထိန်းထားနိုင်ဖို့၊ ပြင်းထန်တဲ့ လေ့ကျင့်ခန်းတွေလုပ်ပြီးရင် ကြွက်သားပြန်လည် သန်မာစေဖို့အတွက် သူက ကူညီပေးနိုင်မှာပါ။ အစာခြေရလွယ်ကူတဲ့အပြင် အစားစာချင်စိတ်ကိုပါ လျှော့ချပေးလို့ဝိတ်ချနေသူများအတွက်ပါ သင့်တော်ပါတယ်။

( ၂ ) Casein ပရိုတင်း

Whey လိုပဲ Casein ပရိုတင်း ကလည် းနို့ကနေ ရတဲ့ ပရိုတင်းတစ်မျိုးပါ။ ဒါပေမယ့် Whey ထက်စာရင် Casein က အစာခြေရပိုခက်ပြီး စုပ်ယူချိန်လည်း ကြာနေတတ်ပါတယ်။ အစာခြေရခက်ပြီး အစာအိမ်ထဲ ကြာကြာရှိတာကြောင့် ကယ်လိုရီစားနှုန်းလျှော့ရတဲ့ အဝလွန်တဲ့သူတွေ ကြွက်သားပြန်တည်ဆောက်ဖို့အတွက် Casein ပရိုတင်းက ကူညီပေးနိုင်မှာပါ။

( ၃ ) Egg ပရိုတင်း

ဥအမျိုးမျိုးဟာ ပရိုတင်းဓါတ်အကြွယ်ဝဆုံ းအစားအစာတွေ ဆိုတာ အားလုံးသိကြမှာပါ။ ဒါပေမယ့် အနှစ်ထက်စာရင် အကာကပဲ ပရိုတင်းဓါတ်ကြွယ်ဝတာဖြစ်လို့ ပရိုတင်းများများရချင်တဲ့သူတွေ ကြက်ဥအကာကိုသာ စားသင့်ပါတယ်။ နွားနို့နဲ့ ဓါတ်မတည်တဲ့သူတွေအတွက် အစာခြေရလွယ်ကူ အာနိသင်လည်း အများကြီးရှိတဲံ ဥတွေက ထုတ်ထားတဲ့ ပရိုတင်းက အသ့င့်တော်ဆုံး ဖြစ်မှာပါ။

( ၄ ) Pea ပရိုတင်း ( ပဲ ပရိုတင်း)

ပ ဲ ဆိုတာလည်း ဥ တွေလိုပဲ ပရိုတင်းကြွယ်ဝတဲ့ အစားအစာဆိုတာ အားလုံးသိကြမှာပါ။ ပဲ ဖြစ်တာကြောင့် အမျှင်ဓါတ်လည်းကြွယ်ဝတဲ့အပြင် နွားနို့တို့ ဥတို့နဲ့ ဓါတ်မတည့်တဲ့သူတွေ သတ်သတ်လွတ်သမားတွေအတွက် အထူးသင့်တော်တဲ့ ပရိုတင်းအမျိုးအစားတစ်ခုပါ။

( ၅ ) Hemp ပရိုတင်း

သူကလည်း အပင်ကရတဲ့ ပရိုတင်းတစ်မျိုးပါ။ အိုမီဂါ 3 Fatty acid နဲ့ အခြား အမိုင်နိုအက်ဆစ်တွေပါဝင်တယ်ဆိုပေမယ့် အမိုင်အက်ဆစ် ၂ မျိုးဖြစ်တဲ့ lysine နဲ့ leucineကိုတော့သူ့ဆီမှာ မတွေ့ရပါဘူး။

( ၆ )ဆန်လုံးညို ပရိုတင်း။

ကိုယ်ခန္ဓါတည်ဆောက်ဖို့အတွက် ဆန်လုံးညိုက ထုတ်ထားတဲ့ပရိုတင်းက ကူညီပေးနိုင်တယ်ဆိုပေမယ့် သူ့ဆီမှာ အမိုင်နိုအက်ဆစ်တွေနဲ့ လိုင်စင်းတော့ မပါလို့ ပရိုတင်းလို့ အတပ်ပြောလို့မရပါဘူး။

ပရိုတင်း powder တွေ အကြောင်း သိပြီးပြီဆိုတော့ ဘယ်အမျိုးအစားက ဘယ်လိုမျိုးအတွက် သင့်တော်တာလဲ ။ ။

• ကြွက်သားတက်ဖို့ – Whey ပရိုတင်း၊ egg ပရိုတင်း
• ကိုယ်အလေးချိန်ကျစေဖို့ – Whey ပရိုတင်း နဲ့ Casein ပရိုတင်း
• သတ်သတ်လွတ်သမားများ – Pea protein/ brown rice ပရိုတင်းတို့ကို ရွေးချယ်လို့ရပါတယ်။

Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။