ထွက်မှာ သေချာပြီလား။
အမျိုးသမီးတွေရဲ့ မိန်းမကိုယ်ကထွက်တဲ့အရည်ဟာ မမျိုးပွားအင်္ဂါအဖွဲ့အစည်းမှာ အရေးကြီးတဲ့အခန်းကဏ္ဍကနေ ပါဝင်လျက်ရှိပါတယ်။ မိန်းမကိုယ်နဲ့ သားအိမ်ခေါင်းအတွင်းပိုင်းမှာရှိတဲ့ ဂလင်းတွေက ထုတ်လုပ်တဲ့အရည်ဟာ ဆဲလ်သေတွေနဲ့ ဘက်တီးရီးယားပိုးမွှားတွေကို ဖယ်ရှားပေးခြင်းအားဖြင့် မိန်းမကိုယ်ကို သန့်စင်စေပြီး ပိုးမွှားကူးစက်ခံရခြင်းရန်က ကာကွယ်ပေးပါတယ်။
များသောအားဖြင့် မိန်းမကိုယ်မှ အရည်ဆင်းခြင်းဟာ ပုံမှန်ဖြစ်ရိုးဖြစ်စဉ်တစ်ခုလို့ သတ်မှတ်နိုင်ပါတယ်။ ရာသီစက်ဝန်းအပေါ်မူတည်ပြီး ဆင်းတဲ့ အရည်ပမာဏ၊ အနံ့၊ အရောင် (အကြည်ရောင်မှ နို့ကဲ့သို့ အဖြူရောင်) ကွဲပြားနိုင်ပါတယ်။ သားဥကြွေချိန်၊ ကလေးနို့တိုက်နေချိန်နဲ့ ကာမဆန္ဒတက်ကြွနေချိန်တွေမှာ အရည်ဆင်းများနိုင်သလို ကိုယ်ဝန်ဆောင်ချိန် ဒါမှမဟုတ် တစ်ကိုယ်ရည်သန့်ရှင်းရေးကို ဂရုမစိုက်နိုင်ချိန်တွေမှာ ထွက်တဲ့အနံ့တွေဟာလည်း ကွဲပြားနိုင်ပါတယ်။
ဒီပြောင်းလဲမှုတွေဟာ စိုးရိမ်စရာမရှိပေမယ့် မိန်းမကိုယ်ကဆင်းတဲ့ အရည်ရဲ့ အရောင်၊ အနံ့၊ အပျစ်အကျဲ စတာတွေ သိသိသာသာ ထူးခြားလာမယ်၊ တစ်ပြိုင်တည်းမှာပဲ မိန်းမကိုယ်ယားယံမယ်၊ ပူစပ်ပူလောင် ဖြစ်လာမယ်ဆိုရင်တော့ ဒါဟာ ပိုးဝင်ခြင်း သို့မဟုတ် အခြား ကျန်းမာရေးပြဿနာတစ်ခုခုကို ညွန်ပြနေတာ ဖြစ်ဖို့များပါတယ်။
မိန်းမကိုယ်မှာ ပုံမှန်ရှိနေကျ ဘက်တီးရီးယားတွေ မျှခြေပျက်တဲ့အခါ မိန်းမကိုယ်အရည်ရဲ့ အနံ့၊ အရောင်၊ အပျစ်အကျဲ စတာတွေကို ပြောင်းလဲမှုဖြစ်စေပါတယ်။ ၎င်းအခြေအနေကို ဖြစ်စေတဲ့ အကြောင်းရင်းတွေကတော့
ပုံမှန်မဟုတ်တဲ့ မိန်းမကိုယ်အရည်များအကြောင်း အောက်ပါအတိုင်း ဆက်လက်လေ့လာနိုင်ပါတယ်။
သွေးရောင် သို့မဟုတ် အညိုရောင်အရည် – ရာသီစက်ဝန်းမမှန်တဲ့လက္ခဏာ ဖြစ်နိုင်သလို တစ်ခါတရံမှာ သားအိမ်ခေါင်းနဲ့ သားအိမ်အတွင်းပိုင်းနံရံ ကင်ဆာရဲ့ လက္ခဏာလည်း ဖြစ်နေတတ်ပါတယ်။ မိန်းမကိုယ်မှ ပုံမှန်မဟုတ်ဘဲ သွေးဆင်းခြင်း၊ ဆီးစပ်ကိုက်ခြင်း စတဲ့ လက္ခဏာတွေနဲ့တွဲပြီး ဖြစ်ပေါ်တတ်ပါတယ်။
အရောင်မှိုင်းမှိုင်း သို့မဟုတ် အဝါရောင်အရည် – ဆီးပူညောင်းကျရောဂါရဲ့ လက္ခဏာတစ်ခုဖြစ်ပြီး ရာသီလာချိန် တစ်ခုနဲ့တစ်ခုကြား သွေးဆင်းခြင်း၊ ဆီးမထိန်းနိုင်ခြင်း၊ ဆီးစပ်ကိုက်ခြင်း စတဲ့ လက္ခဏာတွေနဲ့ ပူးတွဲဖြစ်ပေါ်တတ်ပါတယ်။
အမြုပ်သဏ္ဍာန်၊ အဝါရောင် သို့မဟုတ် အစိမ်းရောင်၊ အနံ့ဆိုးဆိုးအရည် – Trichomoniasis ခေါ် ကပ်ပါးကောင်ကူးစက်ခံရမှုကြောင့်ဖြစ်ပြီး ဆီးသွားစဉ် နာကျင်ခြင်း၊ ယားယံခြင်းတို့ကိုပါ ခံစားရတတ်ပါတယ်။
ပန်းရောင်အရည် – ကလေးမွေးပြီး သားအိမ်နံရံကြွေကျခြင်းရဲ့ လက္ခဏာ ဖြစ်နိုင်ပါတယ်။
အဖြူရောင်၊ စေးပျစ်ပျစ် အရည် – ကပ်ပါးမှိုကူးစက်ခံရခြင်းရဲ့ လက္ခဏာဖြစ်ပါတယ်။ ထူးထူးခြားခြား ငါးညှီနံ့ထွက်လေ့ရှိပြီး အဖြူရောင်မဟုတ်ဘဲ မီးခိုးရောင်၊ အဝါရောင်အရည်လဲ ဖြစ်နိုင်ပါတယ်။
သင့်ဆရာဝန်အနေနဲ့ သင့်ရဲ့ကျန်းမာရေးရာဇဝင်နဲ့ ခန္ဓာကိုယ်မှာ လက်ရှိဖြစ်ပေါ်နေတဲ့ လက္ခဏာတွေအကြောင်း မေးမြန်းမှာဖြစ်တဲ့အတွက် အောက်ဖော်ပြပါမေးခွန်းတွေကို မျှော်လင့်ထားဖို့ လိုပါလိမ့်မယ်။
အထက်ပါမေးခွန်းတွေ မေးမြန်းပြီးတဲ့အခါ ဓါတ်ခွဲစစ်ဆေးမှု ပြုလုပ်နိုင်ဖို့ မိန်းမကိုယ်အရည်နမူနာ ဒါမှမဟုတ် သားအိမ်ခေါင်းကဆဲလ်တွေကို နမူနာယူဖို့ လိုအပ်နိုင်ပါတယ်။
မိန်းမကိုယ်အရည်ဆင်းစေတဲ့ အကြောင်းရင်းပေါ်မူတည်ပြီး ကုသမှုနည်းလမ်းတွေလည်း ကွဲပြားသွားမှာ ဖြစ်ပါတယ်။ ဥပမာ ကပ်ပါးမှို ကူးစက်ခံရခြင်းအတွက် မိန်းမကိုယ်အတွင်းပိုင်းကို မှိုသတ်ဆေးခရင်မ် သို့မဟုတ် ဂျယ်လ် လိမ်းပေးရမှာဖြစ်ပြီး ဘက်တီးရီးယားပိုး ကူးစက်ခံရခြင်းအတွက် ပဋိဇီဝပိုးသတ်ဆေးတောင့် သို့မဟုတ် ပိုးသတ်ဆေးခရင်မ် အသုံးပြုရမှာ ဖြစ်ပါတယ်။ Trichomoniasis ခေါ် ကပ်ပါးကောင်ကူးစက်ခံရခြင်းကိုတော့ metronidazole သို့မဟုတ် tinidazole နဲ့ ကုသရမှာ ဖြစ်ပါတယ်။
မိန်းမကိုယ်မှ ပုံမှန်မဟုတ်တဲ့ အရည်ဆင်းစေတတ်တဲ့ ကူးစက်ရောဂါတွေရဲ့ရန်က ကာကွယ်နိုင်အောင် အောက်ပါအကြံပြုချက်တွေအတိုင်း လိုက်နာဆောင်ရွက်သင့်ပါတယ်။
ရာသီစက်ဝန်းကို လေ့လာနိုင်ပါသည်။ မျိုးအောင်နိုင်မယ့်ရက်ကို တွက်ချက်ပြီး ကလေးယူဖို့ ဒါမှမဟုတ် တားဆေးသုံးဖို့ ဆုံးဖြတ်နိုင်ပါသည်။
ရာသီစက်ဝန်းကို လေ့လာနိုင်ပါသည်။ မျိုးအောင်နိုင်မယ့်ရက်ကို တွက်ချက်ပြီး ကလေးယူဖို့ ဒါမှမဟုတ် တားဆေးသုံးဖို့ ဆုံးဖြတ်နိုင်ပါသည်။
ရာသီစက်ဝန်း ရက်အရေအတွက်
(days) ရက်
ရာသီရက်စုစုပေါင်း
(days) ရက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
Vaginal Discharge: What’s Abnormal? http://www.webmd.com/women/guide/vaginal-discharge-whats-abnormal#1
Accessed November 21, 2016
