မျက်နှာပေါ်က ဝက်ခြံတွေတော့ သက်သာသွားပါရဲ့။ ဝက်ခြံအမာရွတ်တွေကြောင့် ကိုယ့်ကိုယ်ကိုယ် ယုံကြည်မှုတွေ ဆုံးရှုံးပြီး မှန်ကြည့်မိတိုင်း စိတ်ညစ်နေရတဲ့သူလေးတွေ ရှိလား။
ဝက်ခြံအမာရွတ်တွေက အလှပျက်စေရုံတင် မကပါဘူး။ ယုံကြည်မှုကိုလည်း ပျက်စီးစေပါတယ်။ ဒီလို ယုံကြည်မှု ပျက်စီးစေတဲ့ ဝက်ခြံ အမာရွတ်တွေကို သက်သာစေဖို့ စားပေးရမယ့် အစားအစာလေးတွေ ရှိပါတယ်။
ဘယ်လို အစားအစာလေးတွေ စားပေးရင် ဝက်ခြံ အမာရွတ်တွေ သက်သာစေမလဲဆိုတာကို သိချင်တယ်ဆိုရင် ဒီဆောင်းပါးလေးထဲမှာ ဖတ်ကြည့်လိုက်ပါနော်။
ဝက်ခြံ အမာရွတ်တွေ သက်သာစေဖို့ ဒါတွေ စားပါ။
အလှပျက်စေတဲ့ ဝက်ခြံ အမာရွတ်တွေကို သက်သာစေဖို့ဆိုရင်
ပန်းဂေါ်ဖီ
ပန်းဂေါ်ဖီမှာ
- အမျှင်ဓာတ်
- ဗီတာမင် B6
- ဗီတာမင် C
- ဗီတာမင် K
- ဖောလိတ်
- မဂ္ဂနီဆီယမ်
- phosphorus တို့ ပါဝင်နေပါတယ်။
ပန်းဂေါ်ဖီမှာ အမိုင်နိုအက်ဆစ် တစ်မျိုးဖြစ်တဲ့ histidine ပါဝင်နေပါတယ်။ ဒီအက်ဆစ်က အရေပြားကို ခရမ်းလွန်ရောင်ခြည် အန္တရာယ်ကနေ ကာကွယ်ပေးပြီးအလင်းတန်းတွေ၊ နေရောင်တွေကြောင့် ဝက်ခြံအမာရွတ်တွေ ပိုဆိုးမလာစေဖို့ ကူညီပေးပါတယ်။
သင်္ဘောသီး
သင်္ဘောသီးမှာ
- ဗီတာမင် A
- ဗီတာမင် C
- ဗီတာမင် K
- ဗီတာမင် B
- ဖောလိတ်
- ပိုတက်ဆီယမ်
- မဂ္ဂနီဆီယမ်
- ကယ်လ်ဆီယမ်တို့ ပါဝင်နေပါတယ်။
သင်္ဘောသီးမှာ papain လို့ခေါ်တဲ့ အင်ဇိုင်းတစ်မျိုး ပါဝင်နေပြီး ဒီအင်ဇိုင်းက အရေပြားပေါ်က ဆဲလ်သေတွေကို ဖယ်ရှားပေးတာ၊ ချွေးပေါက်တွေ ပွင့်စေတာ၊ ဝက်ခြံ အမာရွတ်တွေကို သက်သာစေတာ၊ အရေပြားကို ရေဓာတ် ဖြည့်ပေးတာ၊ ဝက်ခြံထပ်ဖြစ်မလာအောင် ကာကွယ်ပေးတာ စတဲ့ အသားအရေကျန်းမာရေးတွေကို လုပ်ဆောင်ပေးပါတယ်။ အရေးအကြောင်းနဲ့ အမဲစက်တွေကိုလည်း သက်သာစေနိုင်ပါတယ်။
ရွှေဖရုံသီး
ရွှေဖရုံသီးမှာ
- ဇင့်ဓာတ်
- အမျှင်ဓာတ်
- alpha hydroxy acids
- အသီးအင်ဇိုင်း စတာတွေ ပါဝင်နေပါတယ်။
ရွှေဖရုံသီးက အသားလှစေသလို အသားအရေရဲ့ pH ပမာဏကို ထိန်းညှိပေးပြီး အရေပြားပေါ်က ဆဲလ်သေတွေကို အထိရောက်ဆုံး ဖယ်ရှားပေးပါတယ်။ အဆီထွက်ရှိမှုကို ထိန်းညှိပေးပြီး ဘက်တီးရီးယားတွေကြောင့် ဝက်ခြံ ဖြစ်တာ၊ ဝက်ခြံအမာရွတ်ဖြစ်တာတွေကို အကောင်းဆုံး တားဆီးပေးနိုင်ပါတယ်။
ကန်စွန်းဥ
ကန်စွန်းဥမှာ
- ဗီတာမင် A
- အမျှင်ဓာတ်တို့ ပါဝင်နေပါတယ်။
ဗီတာမင် A ကြွယ်ဝမှုက အသားအရေကို ဓာတ်တိုးပစ္စည်းတွေ အန္တရာယ်ကနေ ကာကွယ်ပေးသလို အရေးအကြောင်းတွေ မဖြစ်စေဖို့လည်း ကာကွယ်ပေးပါတယ်။ ချွေးပေါက်ပိတ်တာကို သက်သာစေပြီး၊ ရောင်ရမ်းတာ၊ ဝက်ခြံ အမာရွတ်ဖြစ်တာတွကိုလည်း သိသိသာသာ သက်သာစေနိုင်ပါတယ်။
ကိုက်လန်
ကိုက်လန်မှာ
- ဗီတာမင် A
- ဗီတာမင် B6
- ဗီတာမင် C
- ဗီတာမင် K
- မဂ္ဂနိ့
- ကယ်လ်ဆီယမ်
- copper
- ပိုတက်ဆီယမ်
- မဂ္ဂနီဆီယမ် တို့ ပါဝင်နေပါတယ်။
- ဘယ်ရီသီးတွေ
- သံပရာသီး
- သံပရိုသီး
- ပန်းဂေါ်ဖီစိမ်း
- ဆယ်လ်မွန်ငါး
- ပဲတောင့်ရှည် စတာတွေကို စားပေးလို့ရပါသေးတယ်။
[embed-health-tool-bmi]
