ကောင်းကောင်းအိပ်ပျော်ချင်ရင် ဒါတွေစားပါ

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် အောက်တိုဘာ 31, 2020 . 2 mins read
Share now

အိပ်စက်ခြင်းဟာ ကျန်းမာရေးနဲ့ တိုက်ရိုက်ဆက်နွယ်နေတဲ့ နေ့စဉ်လုပ်ငန်းဆောင်တာတစ်ခုပါ။ ကောင်းကောင်း အိပ်မပျော်ရင် စိတ်ရောကိုယ်ပါ မကျန်းမမာဖြစ်နိုင်ပါတယ်။ ကောင်းကောင်းအိပ်ပျော်စေဖို့ ကူညီပေးနိုင်တဲ့ နည်းလမ်းတွေ အများကြီးထဲမှာ အစားအစာနဲ့ ပံ့ပိုးတာကလည်း နည်းလမ်းကောင်းတစ်ခုပါပဲ။

မှန်ကန်သင့်လျော်ပြီး အိပ်စက်ခြင်းကို အားပေးတဲ့ အစားအစာတွေကို မှီဝဲပေးမယ်ဆိုရင် ညစဉ် အိပ်မပျော်တဲ့ဝေဒနာကို ခံစားရနိုင်ခြေနည်းပါးသွားမှာဖြစ်ပါတယ်။

ဘယ်လိုအစားအစာတွေက ကောင်းကောင်းအိပ်စက်အနားယူနိုင်အောင် ကူညီပေးမယ့် သင့်လျော်တဲ့ အစားအစာတွေဖြစ်မလဲဆိုတာကို လေ့လာကြည့်ရအောင်။

  • ကီဝီသီး – ကီဝီသီးကို မြန်မာပြည်မှာတော့ အစားနည်းကြပါတယ်။ ဒါပေမယ့် ကီဝီသီးဟာ သင့်ရဲ့ အိပ်စက်ခြင်းကို အထောက်အကူပြုနိုင်တဲ့ သစ်သီးတစ်မျိုးဖြစ်ပါတယ်။ ဗီတာမင် C ၊ ဗီတာမင် E ၊ Folate နဲ့ တခြားသော သက်စောင့်ဓာတ်များစွာပါဝင်တဲ့ ကီဝီသီးဟာ ကောင်းကောင်းအိပ်စက်နိုင်စေဖို့ အထောက်အကူဖြစ်စေပါတယ်။
  • ချယ်ရီသီး – ချယ်ရီသီးနဲ့ ချယ်ရီသီးဖျော်ရည်တွေကလည်း ကောင်းမွန်စွာ အိပ်စက်နိုင်စေဖို့ ကူညီပေးပါတယ်။ ချယ်ရီသီး အမျိုးအစားမျိုးစုံရှိထဲမှာမှ တာ့ထ်ချယ်ရီသီး (Tart Cherry) က အကောင်းဆုံးလို့ဆိုပါတယ်။ လေ့လာချက်တွေအရဆိုရင် တစ်နေ့ကို ချယ်ရီသီးဖျော်ရည် ၂ ခွက်သောက်သုံးရင် ညအိပ်စက်ချိန်မှာပိုပြီး နှစ်နှစ်ခြိုက်ခြိုက်အိပ်ပျော်စေပါတယ်တဲ့။
  • Malted Milk – Malted milk ကြိုက်သူတွေအတွက်တော့ သတင်းကောင်းပါ။ Malted milk တွေက ဗီတာမင်ကြွယ်ဝပြီး ခွန်အားပြည့်ဖြိုးစေရုံတင်မကပါဘူး sleep-producing hormone တွေ ပိုထွက်လာအောင်လည်း ကူညီပေးတာမို့ ညစဉ်ညတိုင်း နှစ်နှစ်ခြိုက်ခြိုက်လည်း အိပ်ပျော်စေပါတယ်။
  • အဆီပါတဲ့ ပင်လယ်ငါးများ – ဗီတာမင် D နဲ့ Omega-3 fatty acids ပါဝင်တဲ့ မက်ခရီယယ်၊ ဆာဒင်း၊ ဆဲလ်မွန်တို့လို ပင်လယ်ငါးတွေကလည်း အိပ်စက်ခြင်းကို အထောက်အကူဖြစ်စေပါတယ်။ တစ်ပတ်မှာ ပင်လယ်ငါး ၃ ကြိမ်စားပေးရင် နေ့စဉ်နေ့တိုင်းမှာ အိပ်ရေးဝဝအိပ်ဖြစ်စေဖို့ ကူညီနိုင်ပါတယ်။
  • အစေ့အဆံ – ဗာဒံစေ့၊ သစ်ကြားစေ့၊ ကက်ရှူး၊ နေကြာစေ့စတဲ့ အစေ့အဆံတွေကလည်း အိပ်ပျော်အောင် ကူညီပေးပါတယ်။ ဒီအစေ့အဆံတွေမှာပါဝင်တဲ့ မဂ္ဂနီဆီယမ်နဲ့ ဇင့်ဓာတ်တွေက ဒီလိုဖြစ်အောင် ထောက်ကူပေးတာပါ။ Insomnia ဝေဒနာခံစားနေရသူတွေဟာ အစေ့အဆံ ပုံမှန်စားပေးသင့်တယ်လို့ ဆိုထားပါတယ်။
  • ဆန်/ထမင်း – ကာဘိုဟိုက်ဒြိတ်ပါဝင်မှုများတဲ့ ထမင်းကလည်း အိပ်ချင်စိတ်ကို ဖြစ်စေပါတယ်။ ထမင်းစားတဲ့ ပမာဏ အနည်းအများပေါ်မူတည်ပြီး အိပ်ချင်စိတ်ဖြစ်ပေါ်စေနိုင်တယ်လို့ လေ့လာချက်တွေက ဆိုထားပါတယ်။ ဂျပန်နိုင်ငံကပြုလုပ်တဲ့ လေ့လာချက်တစ်ခုမှာတော့ အိပ်ချိန်မတိုင်ခင် ၄ နာရီလောက်မှာ ထမင်းစားပေးဖို့ တိုက်တွန်းထားပါတယ်။
  • ကြက်ဆင် – အရသာပြည့်စုံပြီး အာဟာရဓာတ်လည်း ကြွယ်ဝတဲ့ ကြက်ဆင်သားဟာ အိပ်ပျော်အောင်လည်း ကူညီပေးပါတယ်။ သူ့မှာပါဝင်နေတဲ့ Riboflavin ၊ Phosphorus နဲ့ Selenium တို့က ခုလိုအထောက်အကူပေးနေတာဖြစ်ပါတယ်။
  • လက်ဖက်ရည်ကြမ်း – Chamomile tea တို့ Passionflower tea တို့လို ထူးထူးခြားခြား လက်ဖက်ရည်ကြမ်းတွေကလည်း သင့်ရဲ့ အိပ်စက်ခြင်းကို အထောက်အကူဖြစ်စေတယ်လို့ လေ့လာချက်တချို့က ဆိုထားပါတယ်။

အိပ်စက်ခြင်းနဲ့ အာဟာရ

အာဟာရပြည့်ဝစွာ မှီဝဲစားသောက်ခြင်းဟာ အိပ်စက်ခြင်းကို ကောင်းကောင်း အထောက်အကူဖြစ်စေပါတယ်။ ကျန်းမာရေးနဲ့ညီညွတ်စွာ စားသောက်နေထိုင်မယ်ဆိုရင် စိတ်ဖိစီးမှုဝေဒနာလည်း ကင်းဝေးမှာဖြစ်ပြီးတော့ အိပ်စက်ချိန်မှန်ကန်တဲ့ အကျိုးကျေးဇူးကိုလည်း ရနိုင်ပါလိမ့်မယ်။

အိပ်စက်ချိန်မှန်ကန်ပြီး အိပ်ရေးဝဝအိပ်ပျော်ရင် နေ့စဉ်ဘဝမှာ ကောင်းမွန်စွာနေထိုင်လုပ်ကိုင်နိုင်မှာဖြစ်ပါတယ်။ အပြန်အလှန်အကျိုးကျေးဇူးလို့ ဆိုရမလိုပါပဲ။ ဒါကြောင့် ကောင်းမွန်စွာအိပ်စက်နိုင်ဖို့ဆိုရင် အာဟာရပြည့်ဝစွာ မှီဝဲစားသောက်ပြီး အစာစားချိန်ကိုလည်း မှန်ကန်တိကျအောင် ကြိုးစားလိုက်နာဖို့လိုအပ်ပါတယ်။ အထက်မှာဖော်ပြခဲ့တဲ့ အစားအစာတွေကိုလည်း စနစ်တကျမှီဝဲပေးနိုင်ရင်တော့ အကောင်းဆုံးပါပဲ။

အာဟာရပြည့်ဝစွာမှီဝဲစားသောက်ပြီး ကောင်းကောင်းလည်း အိပ်ပျော်မယ်ဆိုရင် သင့်ရဲ့ ကိုယ်ခံအားစနစ်ဟာ အကောင်းဆုံးအခြေအနေမှာ ရှိနေမှာဖြစ်ပြီး ရောဂါဘယအမြောက်အများကို ကာကွယ်တိုက်ထုတ်ပေးနေမှာမို့ ကျန်းမာရေးလည်း ကောင်းမွန်နေတော့မှာပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ညဘက်ရောက်တိုင်း ကြောက်စိတ် ဝင်တာ ဘာကြောင့်လဲ။

ညဘက်တွေမျာ ကြောက်စိတ် တွေဝင်ပြီး အိပ်မပျော်နိုင်တာ ဘာကြောင့်လဲ။ အိပ်ရေးပျက်တာ ကြာလာရင် ခန္ဓာကိုယ်မှာ ဘာတွေထိခိုက်လာနိုင်လဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

နေပူထဲ တစ်နေကုန်နေရသူ က energy drink သောက်သင့်လား ဓာတ်ဆားရည်သောက်သင့်လား

နေပူထဲ တစ်နေကုန်နေရသူ က energy drink သောက်သင့်လား ဓာတ်ဆားရည်သောက်သင့်လား...... အဖြေက ဘာဖြစ်မယ် ထင်လဲ...... ဆေင်းပါးလေးထဲ ဖတ်ကြည့်နော်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

စိတ်ပူပင်စရာ ကြောင့် ဖြစ်လာနိုင်တဲ့ ဝေဒနာများ

စိတ်ပူပင်စရာ ကိုတော့ နေ့စဉ်ဘဝမှာ ကြုံတွေ့ရနိုင်ပါတယ်။ စိုးရိမ်ပူပန်မှု လွန်ကဲတဲ့သူတွေမှာတော့ မကြာခဏပြင်းထန်ပြီး လွန်ကဲတဲ့ စိုးရိမ်မှုကို ခံစားနေရပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကလေးရဲ့အနာဂတ် လှပစေဖို့အတွက် အာဟာရဇယားကို ဖတ်ပါ…..

အာဟာရဇယားကို ဖတ်တာက သားသားမီးမီးတို့ အနာဂတ် လှပအောင် ပုံဖော်ဖို့ မေမေတို့ မပျက်မကွက် လုပ်ဆောင်ရမယ့် အချက်လေး တစ်ခုပါ။ မေမေရော..........

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 12, 2021 . 2 mins read
မုယော ရဲ့ကျန်းမာရေး အာနိသင်

မုယော ရဲ့ကျန်းမာရေး အာနိသင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 8, 2021 . 2 mins read
ကော်လာဂျင်နဲ့ မေးခွန်းများစွာ

ကော်လာဂျင်နဲ့ မေးခွန်းများစွာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 4, 2021 . 2 mins read
အခါးဓာတ်ပါတဲ့ အရာတွေက ဝက်ခြံကို သက်သာစေလား။

အခါးဓာတ်ပါတဲ့ အရာတွေက ဝက်ခြံကို သက်သာစေလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 2, 2021 . 2 mins read