ကိုယ်ဝန်ဆောင်ချိန်မှာ နာနတ်သီးကို ရှောင်သင့်သလား

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇွန် 12, 2020 . 2 mins read
Share now

အမျိုးသမီးများ ကိုယ်ဝန်ဆောင်ချိန်မှာ မိတ်ဆွေသူငယ်ချင်းများဆီက၊ မိသားစုဝင်များထံက အကြံဉာဏ်ပေးတာတွေ ကြုံရပါတယ်။ အကြံဉာဏ်တချို့ဟာ တန်ဖိုးရှိပေမယ့် မှားယွင်းတဲ့ အချက်အလက်တွေလည်း ရှိနေတယ်ဆိုတာ သတိပြုရပါမယ်။ ဥပမာ ကိုယ်ဝန်ဆောင်ချိန်မှာ နာနတ်သီးစားမယ်ဆိုရင် ကိုယ်ဝန်ပျက်တတ်တယ်ဆိုတာမျိုး ဖြစ်ပါတယ်။ ဒါကြောင့် ဒီလိုအရသာရော အာဟာရဓာတ်ရော ပြည့်စုံတဲ့အသီးကို ၉လလုံးလုံး မရှောင်ခင်မှာ အောက်ပါအချက်တွေကို ဖတ်ရှုစေလိုပါတယ်။

ကိုယ်ဝန်ဆောင်ကာလမှာ နာနတ်သီးစားသင့်သလား

ကိုယ်ဝန်ဆောင်ကာလမှာ နာနတ်သီးစားနိုင်ပါတယ်။ တချို့ကတော့ ကိုယ်ဝန်စောပြီး ပျက်ကျတတ်လို့ နာနတ်သီးကိုရှောင်ဖို့ အကြံပြုကြပါတယ်။ ဒါပေမယ့် ဒီအချက်ဟာ အထောက်အထား မခိုင်မာပါဘူး။ ကိုယ်ဝန်ဆောင်ကာလမှာ နာနတ်သီးက ဘေးဥပါဒ်ဖြစ်စေတယ်ဆိုတဲ့ အချက်နဲ့ပတ်သက်ပြီး ခိုင်မာတဲ့ အထောက်အထားလည်း မရှိပါဘူး။ ဒါဟာ ကောလာဟလသက်သက်လို့ ဆိုနိုင်ပါတယ်။

နာနတ်သီးနှင့် ဘရိုမီလိန်း

နာနတ်သီးရဲ့ထူးခြားချက်တခုကတော့ သူ့ဆီမှာ ဘရိုမီလိန်းလို့ခေါ်တဲ့ အင်ဇိုင်းတစ်မျိုး ကြွယ်ဝပါတယ်။ ဘရိုမီလိန်းဟာ ကိုယ်ဝန်ဆောင်ချိန်မှာ မသုံးစွဲသင့်ဘူးလို့ ဆိုကြပါတယ်။ကိုယ်ခန္ဓာထဲက ပရိုတိန်းတွေကို ဖြိုခွဲတဲ့အတွက်ကြောင့် ပုံမှန်မဟုတ်တဲ့ သွေးယိုခြင်းတွေ ဖြစ်နိုင်ပါတယ်။

နာနတ်သီးမှာ ဘရိုမီလိန်းပါဝင်တယ်ဆိုပေမယ့် စားသုံးချိန်မှာ ရရှိတဲ့ပမာဏဟာ ပြောပလောက်တဲ့ ပမာဏ မဟုတ်ပါဘူး။ ကိုယ်ဝန်ကို ထိခိုက်စေလောက်တဲ့ ပမာဏမဟုတ်ပါဘူး။

နာနတ်သီးကို ကိုယ်ဝန်ဆောင်ချိန် အာဟာရအနေနဲ့ အားကိုးနိုင်သလား

ကိုယ်ဝန်ဆောင်ချိန်မှာ လိုအပ်တဲ့ အာဟာရဓာတ်ကို အုပ်စုကြီးငါးခု ခွဲထားပါတယ်။ ၎င်းတို့ကတော့

– အသီးအရွက်များ

– သစ်သီးများ

– နို့ထွက်ပစ္စည်းများ

– အစေ့အဆန်များ

– ပရိုတိန်းရင်းမြစ်များ (အသားငါး၊ ကြက်ဘဲ၊ ဥအမျိုးမျိုး၊ ပဲအမျိုးမျိုး) စတာတွေပဲ ဖြစ်ပါတယ်။

အဆိုပါအုပ်စုများက အစားအစာများဟာ ကလေးငယ်ကို ဖွံ့ဖြိုးကြီးထွားဖို့အတွက် လိုအပ်တဲ့ ဗီတာမင်နဲ့ သတ္တုဓာတ်တွေ ပေးပါတယ်။ အာဟာရဓာတ်တွေ အကောင်းဆုံးရအောင် အဆိုပါစားသောက်ဖွယ်ရာတွေကို ညီညွတ်မျှတစွာ စားသောက်ရပါမယ်။ မိမိရဲ့အသက်အရွယ်၊ အရပ်အမြင့်၊ ကိုယ်အလေးချိန်၊ ကိုယ်လက်လှုပ်ရှားမှုပမာဏ စတာတွေပေါ် မူတည်ပြီး စားသုံးနိုင်ရင် ပိုကောင်းပါတယ်။

ဥပမာအားဖြင့် အသက် ၃၀ အရွယ် အရပ် ၅ပေ၄လက်မနဲ့ ကိုယ်အလေးချိန် ၁၄၀ ခန့်ရှိတဲ့ အမျိုးသမီးတစ်ဦးဟာ ကိုယ်ဝန်ဆောင်ပထမသုံးလတာကာလမှာ တစ်ရက်ကို အသီးအနှံ လေးခွက်ခန့် အနည်းဆုံးစားသင့်ကြောင်း ဆိုထားပါတယ်။ အရပ်နဲ့ ကိုယ်အလေးချိန်ပိုများသူတွေဆိုရင် ပိုမိုစားသင့်ကြောင်း သိရပါတယ်။

နာနတ်သီးကို ဘယ်လိုစားသင့်သလဲ

နာနတ်သီးတစ်ခွက်စာမှာ ကိုယ်ဝန်ဆောင်အမျိုးသမီးတစ်ဦးအတွက် တစ်နေ့တာလိုအပ်တဲ့ ဗီတာမင်စီ ပမာဏ အပြည့်အဝပါဝင်ပါတယ်။ ဒါ့အပြင် ဖောလိတ်၊ သံဓာတ်၊ မဂ္ဂနီဆီယမ်၊ မဂ္ဂနိစ်၊ ကြေးနီ၊ ဗီတာမင် B6 စတာတွေလည်း ကြွယ်ဝပါတယ်။ အဆိုပါအာဟာရဓာတ်များဟာ ကလေးငယ်ကောင်းစွာ ဖွံ့ဖြိုးဖို့ လိုအပ်တဲ့ အာဟာရဓာတ်တွေ ဖြစ်ပါတယ်။

နာနတ်သီးစားလို့ ဘေးဥပါဒ်ဖြစ်စေသလား

ကိုယ်ဝန်ဆောင်ကာလမှာ နာနတ်သီးစားခြင်းဟာ အများစိုးရိမ်နေသလို ကလေးပျက်ကျခြင်း မဖြစ်စေပါဘူး။ ဒါပေမယ့် များများစားခဲ့ရင် ဘေးထွက်ဆိုးကျိုးအချို့ရှိပါတယ်။ ဥပမာ အစာအိမ်အတွင်း အချဉ်ဓာတ်များရာကနေ ပြန်လျှံတက်ပြီး ရင်ပူနေခြင်း ဖြစ်နိုင်ပါတယ်။ ဒီလိုဖြစ်ရပ်ကို ရှောင်နိုင်ဖို့ သင့်တော်တဲ့ပမာဏလောက်သာ စားသုံးသင့်ပါတယ်။ နောက်တခုက ဓာတ်မတည့်ခြင်း ဖြစ်နိုင်ခြေပါပဲ။

ခြုံပြောရရင် ကိုယ်ဝန်ဆောင်လာလမှာ နာနတ်သီးစားခြင်းဟာ အများသူငါပြောဆိုနေသလို ကိုယ်ဝန်ပျက်ခြင်း မဖြစ်စေတဲ့အပြင် မိခင်နဲ့ကလေးအတွက် လိုအပ်တဲ့ အာဟာရဓာတ်တွေတောင် ရရှိစေပါလိမ့်မယ်။ တန်ဆေးလွန်ဘေးဆိုသလို ချင့်ချိန်စားသုံးနိုင်ပါတယ်။

Hello Health Group သည် ဆေးပညာ အကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကာကွယ်ဆေးထိုးပြီးလို့ ဘေးထွက်ဆိုးကျိုး ခံစားရရင် နောက်တစ်ကြိမ်ထပ်ထိုးသင့်လား။

ကာကွယ်ဆေး ထိုးပြီးလို့ ဘေးထွက်ဆိုးကျိုး ခံစားရတယ်ဆိုရင် နောက်တစ်ကြိမ်ထိုးသင့်ရဲ့လား။ ဘေးထွက်ဆိုးကျိုးတွေကို ဘယ်လိုသက်သာအောင် လုပ်လို့ရသလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ကိုဗစ်ကာကွယ်ဆေး မထိုးခင် ဒါအရင် ဖတ်သွားပါ။

ကိုဗစ်ကာကွယ်ဆေး မထိုးခင်မှာ ဘာတွေ ပြင်ဆင်ထားရမလဲ။ ဘာတွေရှာင်ကြဉ်ရမလဲ။ ဆေးထိုးပြီးတဲ့အခါ ကိုယ့်ကိုယ်ကို ဘယ်လိုဂရုစိုက်မလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

Covishield ကာကွယ်ဆေး မထိုးခင် ကြိုသိထားသင့်တဲ့အချက်များ

Covishield ကာကွယ်ဆေး မထိုးခင် ဘာတွေသိထားသင့်သလဲ။ ကိုယ်က ထိုးလို့ရတဲ့သူလား။ ဘာဘေးထွက်ဆိုးကျိုးတွေ ခံစားရနိုင်သလဲ။ ဆေးအာနိသင်ကရေ ကောင်းရဲ့လား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ကိုယ်ဝန်ဆောင်မေမေ ကော်လာဂျင် သောက်လို့ရလား………………….

ကိုယ်ဝန်ဆောင်ချိန်မှာ သွေးလည်ပတ်မှုကောင်းတာကြောင့် အသားအရေက ကြည်လင်လှပနေသလို ဆံသားကလည်း နက်မှောင်နေတတ်ပါတယ်။ ဒါဆို ဒီလိုကာလမှာရော ကော်လာဂျင်က လိုဦးမှာလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

အာပူရွက် ရဲ့ကျန်းမာရေး အာနိသင်

အာပူရွက် ရဲ့ကျန်းမာရေး အာနိသင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 5, 2021 . 2 mins read
သင့်ရဲ့ အကြားအာရုံ ကို ထိခိုက်စေတဲ့ ဆေးဝါးများ

အကြားအာရုံ ကို ထိခိုက်စေတဲ့ ဆေးဝါးများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဖေ‌ဖော်ဝါရီ 19, 2021 . 3 mins read
အကြောက်တရား နဲ့ ကျန်းမာရေး

အကြောက်တရား နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 17, 2021 . 2 mins read
သန်စွမ်းကြံ့ခိုင်စေမည့် လေ့ကျင့်ခန်းများ

သန်စွမ်းကြံ့ခိုင်စေမည့် လေ့ကျင့်ခန်းများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 5, 2021 . 3 mins read