ကလေးတွေကို လေ့ကျင့်ခန်း လုပ်စေတာက ပျော်ရွှင်မှုကိုတင် ဖြစ်စေတာမဟုတ်ဘဲ ခန္ဓာကိုယ် ကြံ့ခိုင်ကျန်းမာမှုကိုပါ ဖြစ်စေတာပါ။ ငယ်စဉ်ကစလို့ လေ့ကျင့်ခန်းလုပ်တဲ့ အလေ့အကျင့်လေးတွေကို လုပ်ပေးတာက ကလေးတစ်ယောက်ကို မိဘတွေအနေနဲ့ လုပ်ပေးသင့်တဲ့ အလေ့အကျင့်လေး တစ်ခုပါ။
မှ အချက်အလက် စစ်ဆေးထားပါသည်။ Dr. Htet Htet Zaw Win
ကလေးတွေကို လေ့ကျင့်ခန်း လုပ်စေတာက ပျော်ရွှင်မှုကိုတင် ဖြစ်စေတာမဟုတ်ဘဲ ခန္ဓာကိုယ် ကြံ့ခိုင်ကျန်းမာမှုကိုပါ ဖြစ်စေတာပါ။ ငယ်စဉ်ကစလို့ လေ့ကျင့်ခန်းလုပ်တဲ့ အလေ့အကျင့်လေးတွေကို လုပ်ပေးတာက ကလေးတစ်ယောက်ကို မိဘတွေအနေနဲ့ လုပ်ပေးသင့်တဲ့ အလေ့အကျင့်လေး တစ်ခုပါ။
ကလေးကို ငယ်စဉ်ကတည်းက လေ့ကျင့်ခန်း လုပ်တတ်တဲ့ အလေ့အထလေး မွေးမြူပေးမယ်ဆိုရင် ကလေးကို
ကလေးတွေက ငယ်ရွယ်သေးတာကြောင့် လူကြီးတွေလို လေ့ကျင့်ခန်း ပြင်းပြင်းထန်ထန် မလုပ်နိုင်သေးပါဘူး။ ဒီတော့ ကလေးကို စိတ်ရောကိုယ်ပါ ကျန်းမာစေဖို့အတွက် ပေါ့ပေါ့ပါးပါးလုပ်လို့ ရမယ့် လေ့ကျင့်ခန်းလေးတွေက ဘာတွေများဖြစ်မလဲ………….
အပြေး လေ့ကျင့်ခန်း
အပြေး လေ့ကျင့်တာက အလွယ်ကူဆုံး အရိုးရှင်းဆုံး နဲ့ ကလေးအများစု ကြိုက်နှစ်သက်မယ့် လေ့ကျင့်ခန်း တစ်ခုပါ။ ကလေးကို အိမ်အပြင် ပန်းခြံဆီသွားပြီး အပြေးလေ့ကျင့်စေတာမျိုးက အဆင်အပြေဆုံး ဖြစ်မှာပါ။ ကလေးကို သီးသီးသန့်သန့် အပြေးလေ့ကျင့်ပေးဖို့ ခက်မယ်ဆိုရင် သူငယ်ချင်းတွေနဲ့ စိန်ပြေးတမ်း ကစားတာမျိုးက အဆင်ပြေစေမှာပါ။
အပြေးလေ့ကျင့်တာက ကလေးရဲ့ ကြွက်သားနဲ့ ဦးနှောက်တွေကို သန်မာစေနိုင်သလို ကလေးရဲ့ ပူးပေါင်းဆောင်ရွက်နိုင်စွမ်းကိုပါ တိုးတက်စေမှာပါ။
အခုန် လေ့ကျင့်ခန်း
ကလေးကို ခုန်ခိုင်းတာက နေရာ အလုံအလောက်မရှိဘူးဆိုရင် အဆင်ပြေစေမယ့် နည်းလမ်းတစ်ခုပါ။ ကလေးကို ပန်းခြံတွေ၊ ပျော့အိအိ ကစားကွင်းတွေ ခေါ်သွားပြီး ခုန်ခိုင်းလို့လည်း ရပါတယ်။ ခုန်တာက ကလေးကို ကြွက်သားတွေ သန်မာစေနိုင်သလို နှလုံးသွေးကြောတွေ ကျန်းမာစေပြီး သက်လုံ ကောင်းစေမှာပါ။
ကလေးကို ပခုံးအကျယ်အတိုင်း ခြေထောက်ကားထားပြီး ဒူးကွေးခိုင်းလို့ Squats ထိုင်ခိုင်းပါ။ ဒီလေ့ကျင့်ခန်းလုပ်ဖို့ နေရာအများကြီး မလိုပါဘူး။ ဒီရိုးစင်းတဲ့ နည်းလမ်းက ကလေးကို ခြေထောက်တွေ သန်မာစေမှာ ဖြစ်သလို ကလေးကို သန်မာမှု အားဖြည့်ပေးနိုင်မှာပါ။ အာရုံစူးစိုက်မှုလည်း ကောင်းစေမှာပါ။
ထိုင်ထ လေ့ကျင့်ခန်း
ထိုင်ထလုပ်တာက လွယ်ကူရိုးစင်းပြီး ကလေးကို ကြွက်သားတွေ သန်မာစေဖို့ ခြေထောက်တွေ သန်မာစေဖို့ အထိရောက်ဆုံး အားဖြည့်ပေးနိုင်မှာပါ။ ထိုင်ထလုပ်တာက ခြေထောက် ကြွက်သားတွေတင်မဟုတ်ဘဲ ခါးအောက်ပိုင်းကြွက်သားတွေကိုပါ သန်မာစေပြီး ဟန်ချက်ထိန်းနိုင်စွမ်း ကောင်းစေဖို့ အကောင်းဆုံး အထောက်အကူ ပြုပေးနိုင်မှာပါ။
ယောဂ လေ့ကျင့်ခန်း
ကလေးကို မေမေနဲ့အတူ ယောဂလေ့ကျင့်စေတာက ရုပ်ပိုင်းဆိုင်ရာရော စိတ်ပိုင်းဆိုင်ရာပါ ကျန်းမာစေဖို့ အကောင်းဆုံး အားဖြည့်ပေးနိုင်မှာပါ။ အရမ်းခက်ခဲတဲ့ ယောဂပို့စ်တွေ မဟုတ်ဘဲ လွယ်ကူတဲ့ ယောဂပို့စ်တွေကို အတူတူလုပ်စေပါ။
လေ့ကျင့်ခန်းတွေ လုပ်ပြီးတိုင်းမှာ ကလေးကို အကြောတွေ ပြေလျော့ပြီး သက်တောင့်သက်သာ ဖြစ်နေစေဖို့ အကြောလျှော့တာတွေ လုပ်ခိုင်းပေးပါ။ ဒါမှ ကလေးက လေ့ကျင့်ခန်းလုပ်တာကြောင့် နာကျင်မှု ကင်းပြီး လေ့ကျင့်ခန်းလုပ်ဖို့ မပျင်းမှာပါ။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Htet Htet Zaw Win
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။