သားသားမီးမီးတို့ ဆီးလမ်းကြောင်းပိုးဝင်တာ သက်သာစေဖို့ ဘာတွေကျွေးမလဲ။

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် ဇူလိုင် 21, 2020 . 2 mins read
Share now

ဆီးလမ်းကြောင်း ပိုးဝင်တာက လူကြီးတွေမှာတောင် ခံရခက်တာ ငယ်သေးတဲ့ သားသားမီးမီးတို့မှာဆို ပိုဆိုးနိုင်ပါတယ်။ ဒီလို ဖြစ်တဲ့အခါ သားသားမီးမီးတွေကို သက်လည်း သက်သာစေချင်တယ်။ ဒါဆိုရင် ကလေးတွေ ဆီးလမ်းကြောင်း ပိုးဝင်တာကို သက်သာစေမယ့် အစားအသောက်လေးတွေ အကြောင်း ပြောပြပေးစေချင်ပါတယ်။

ကလေးက ဆီးလမ်းကြောင်း ပိုးဝင်နေတာလား။

ကလေးက ဆီးလမ်းကြောင်း ပိုးဝင်နေတယ်ဆိုရင်

  • ကိုယ်ပူမယ်
  • ဆီးက ပုံမှန် မဟုတ်တဲ့ အနံ့တွေ ရနေမယ်
  • အန်မယ်
  • အစားမစားချင်ဖြစ်မယ်
  • ကလေးက ဂျီကျနေမယ်
  • ကလေးက ဗိုက်အောင့်တယ်။ ဆီးသွားရတာ နာတယ် ပြောမယ်
  • ဆီးခဏခဏ သွားနေမယ်
  • ဆီးထွက်ကျမယ်
  • ဆီးက နီနေမယ်၊ ပန်းရောင် သန်းနေမယ်
  • ဆီးက အနံ့ပြင်းနေမယ်
  • ဆီးသွားရင်း ငိုမယ်ဆိုရင် ကလေးက ဆီးလမ်းကြောင်း ပိုးဝင်နေတာပါ။

သားသားမီးမီး ဆီးလမ်းကြောင်း ပိုးဝင်တာ သက်သာစေဖို့

သားသားမီးမီးတို့ ဆီးလမ်းကြောင်း ပိုးဝင်တာကို သက်သာစေဖို့ ဆိုရင်

ရေများများတိုက်ပါ

ကလေးကို ရေများများသောက်ဖို့ သတိပေးပေးပါ။ ရေသောက်တာက ကလေးကို ဆီးသွားစေဖို့ အားပေးရာရောက်သလို ဆီးထဲကနေတဆင့် အဆိပ်အတောက်တွေကို ပြင်ပကို စွန့်ထုတ်ဖို့ လှုံ့ဆော်ပေးရာ ရောက်ပါတယ်။

သစ်သီးဖျော်ရည် တိုက်ပါ

ကလေးက ရေမသောက်ချင်ဘူးဆိုရင် နာနတ်သီး၊ cranberry နဲ့ blueberry တို့ကို ဖျော်ပြီး တိုက်ပေးပါ။ ဒီလို တိုက်ပေးတာ ဆီးလမ်းကြောင်းမှာ ဘက်တီးရီးယားတွေ ပေါက်ဖွားမှုကို ဟန့်တားပေးပြီး ဆီးလမ်းကြောင်း ပိုးဝင်တာကို သက်သာစေနိုင်ပါတယ်။

ဒိန်ချဉ် ကျွေးပါ

ကလေးက ဆီးလမ်းကြောင်း ပိုးဝင်နေတယ်ဆိုရင် အကျိုးပြုဘက်တီးရီးယား ပါဝင်တဲ့ ဒိန်ချဉ်ကို ကျွေးပေးလို့ ရပါတယ်။ ဒိန်ချဉ်မှာပါတဲ့ အကျိုးပြု ဘက်တီးရီးယားတွေက ဆီးလမ်းကြောင်းပိုးဝင်တာကို သက်သာစေမှာပါ။

ဗီတာမင် C ပါတဲ့ အသီးတွေ ကျွေးပါ

ဗီတာမင် C က ဆီးထဲက အက်ဆစ် ပမာဏကို ထိန်းညှိပေးပါတယ်။ ဆီးအိမ်ကိုလည်း ကျန်းမာစေတယ်။ ဒါကြောင့် ကလေးက ဆီးလမ်းကြောင်း ပိုးဝင်နေတဲ့အခါ ဗီတာမင် C ပါတဲ့ အသီးတွေ ကျွေးပေးပါ။ ဥပမာ – လိမ္မော်သီး၊ ဂရိတ်ဖရုစ်၊ စတော်ဘယ်ရီ၊ မာလကာသီး စတာတွေ ကျွေးပေးလို့ ရပါတယ်။

နာနတ်သီး ကျွေးပေးပါ

နာနတ်သီး မှာပါတဲ့ bromelain ဆိုတဲ့ အင်ဇိုင်းက ဆီးလမ်းကြောင်း ပိုးဝင်တာကို သိသိသာသာ သက်သာစေနိုင်ပါတယ်။ ဒါကြောင့် ကလေးက ဆီးသွားရခက်နေတယ်ဆိုရင် နာနတ်သီး ကျွေးပေးပါ။

အုန်းစိမ်းရည် တိုက်ပါ

အုန်းစိမ်းရည် တိုက်ပေးတာက ကလေးကို ဆီးလမ်းကြောင်းပိုးဝင်တာ သက်သာစေနိုင် ပါတယ်။ အုန်းစိမ်းရည်က အေးမြပြီး ​ရောင်ရမ်းမှုကို သက်သာစေနိုင်ပါတယ်။ ဆီးလမ်းကြောင်းက ဘက်တီးရီးယားတွေကို အထိရောက်ဆုံး ဖယ်ရှား ပေးနိုင်ပါတယ်။

ကြက်သွန်ဖြူ

ကြက်သွန်ဖြူက ဘက်တီးရီးယားတွေကို အထိရောက်ဆုံး တိုက်ဖျက်နိုင်တဲ့ အစားအစာ တစ်ခုပါ။ ဒါကြောင့် ကလေးရဲ့ အစားအစာထဲမှာ ကြက်သွန်ဖြူ ပါအောင် ကျွေးပေးတာက ဆီးလမ်းကြောင်း ပိုးဝင်တာကို သက်သာစေမှာပါ။

ကလေးက ဆီးသွားတိုင်းငိုနေမယ်ဆိုရင် ဒီ အစားအစာလေးတွေ ကျွေးပြီး ခံစားနေရတဲ့ ဆီးလမ်းကြောင်း ပိုးဝင်တာကို သက်သာအောင် လုပ်ပေးလိုက်ပါ မေမေဖေဖေတို့ရေ………….

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

သက်လတ်ပိုင်းမှာပေါက်တဲ့ ဝက်ခြံတွေ သက်သာစေဖို့ ဒါတွေစားပေးပါ။

သက်လတ်ပိုင်းရောက်လာတဲ့အထိ ဝက်ခြံက မသက်သာဘူးဆိုရင်တော့ အသားအရေလေးကို ဝက်ခြံတွေရန်ကနေ ကာကွယ်ဖို့ စားပေးသင့်တာလေးတွေရှိပါတယ်။ ဒါတွေက ဘာတွေဖြစ်မလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အစာအိမ်အနာနဲ့ ပတ်သက်ပြီး သိထားသင့်သမျှ

အစာအိမ်အနာနဲ့ ပတ်သက်လာရင် အများစုက အစာအိမ်ဆေးလောက်ပဲ ဝယ်သောက်ကြတာများပါတယ်။ ဒါက လက္ခဏာကိုပဲ သက်သာစေပြီး အပြီးမပျောက်စေပါဘူး။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သာမန်အချိန်မှာ ကျန်းမာစေပေမယ့် နာမကျန်းဖြစ်ချိန်မှာ မစားသင့်တဲ့ အစားအစာများ

အစာအာဟာရဆိုတာ လူတိုင်းအတွက် ကျန်းမာစေမယ့် အကျိုးပြု ဓာတ်စာတွေဖြစ်ပါတယ်။ တချို့အစားအစာတွေဟာ ...

ရေးသားသူ Ye Zon Aung

ဝက်ခြံရှိသူလေးတွေ လိုက်နာသင့်တဲ့ တစ်နေ့တာ နေထိုင်မှုပုံစံ

ဝက်ခြံက ပျောက်ပါတယ်။ တစ်ခုတော့ ရှိတာပေါ့။ စိတ်ရှည်ရပါမယ်။ ဝက်ခြံဆိုတာက တစ်ပတ်လောက်နဲ့ သက်သာသွားတာမျိုး မဟုတ်ပါဘူး။ နာတာရှည်ရောဂါ တစ်မျိုးလိုပါပဲ။ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ဆီးလမ်းကြောင်း ပိုးဝင်ခြင်းရဲ့ ရောဂါလက္ခဏာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 21, 2021 . 2 mins read
ဘေဘီလေးက ချင်း (ဂျင်း) စားလို့ဖြစ်ရဲ့လား

ဘေဘီလေးကို ချင်း (ဂျင်း) ကျွေးလို့ရရဲ့လား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 20, 2021 . 2 mins read
ဘေဘီလေး နဲ့ ကြက်သွန်နီ

ဘေဘီလေးက ကြက်သွန်နီ (Onions) စားလို့ရရဲ့လား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 20, 2021 . 2 mins read
ဘေဘီလေးက ကြက်သွန်ဖြူစားလို့ရလား..............

ဘေဘီလေးက ကြက်သွန်ဖြူ စားလို့ရလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 18, 2021 . 2 mins read