ကလေးကို မကျွေးသင့်ဆုံး အစားအစာ (၁၀) မျိုး

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win.

သွားပေါက်လာတဲ့အရွယ် ရောက်လာတာနဲ့ပဲ နို့နဲ့ထမင်းအပြင်  တခြားအစာတွေ ဘာမဆိုမိတ်ဆက်ကျွေးကြည့်ဖို့ မစဉ်းစားလိုက်ပါနဲ့။ နုနယ်တဲ့ ကလေးတွေရဲ့ခန္ဓာကိုယ်ထဲကိုရောက်မယ့် အစားအသောက်တွေက ဘေးအန္တရာယ်ကင်းရှင်းနေသင့်ပါတယ်။ အထူးသဖြင့် ကလေးကို ဒီအရာတွေ မကျွေးပါနဲ့။

(၁) ပြုပြင်စီမံထားတဲ့ အစားအစာ - ပြုပြင်စီမံထားတဲ့အစားအစာတွေမှန်သမျှဟာ ဓာတုပစ္စည်းနဲ့မကင်းကြပါဘူး။ တာရှည်ခံစေဖို့၊ အရောင်အဆင်းမပျက်ဖို့၊ အနံ့ကောင်းဖို့ သုံးတဲ့ ဓာတုပစ္စည်းတွေပါဝင်နေတတ်သလို အငန်ဓာတ်ပါဝင်မှုများတတ်ပါတယ်။ ဒါတွေက ကလေးရဲ့နောက်ပိုင်းအသက်အရွယ်တွေမှာ အဝလွန်တာ၊နှလုံးသွေးကြောကျဉ်း၊ ဆီးချိုသွေးချို၊ လေဖြတ်ခြင်း၊ ကင်ဆာရောဂါတွေလို ဆိုးရွားတဲ့နောက်ဆက်တွဲရောဂါတွေဖြစ်လာစေပါလိမ့်မယ်။ ကလေးရဲ့အစာအာဟာရထဲမှာ လတ်ဆတ်ပြီး အာဟာရပြည့်တဲ့အစားအစာတွေသာ ပါဝင်ပါစေ။ 

(၂) အသင့်စားခေါက်ဆွဲ -  ခေါက်ဆွဲပြုတ်၊ ခေါက်ဆွဲပြုတ်နဲ့ တ နေအောင်လို့ ကလေးကိုအစမလုပ်ပါနဲ့။ မစားရမနေနိုင်အောင် အနံ့လေးမွှေးကြိုင်နေတတ်တဲ့ အသင့်စားခေါက်ဆွဲတွေဟာ ဖွံ့ဖြိုးကာစ ကလေးတွေရဲ့ခန္ဓာကိုယ်ထဲရောက်သွားတဲ့အခါ ဘာဖြစ်လာမယ်ထင်ပါသလဲ။ သူတို့တွေမှာ ဗီတာမင်တွေ၊အာဟာရတွေဘာမှမပါတဲ့အပြင် – 

  • အသွင်ပြောင်းဆီ( trans fats) တွေ၊ 
  • ဖယောင်း(ကလေးတွေ ပုံမှန်စားသုံးမိရင် အသည်းထိခိုက်နိုင်တယ်)၊ 
  • Propylene glycol ( ခေါက်ဆွဲသားကို အစိုဓာတ်ထိန်းနိုင်ဖို့သုံးတဲ့ ဓာတုပစ္စည်း၊ ဒါပေမယ့် နှလုံး၊အသည်း၊နဲ့ ကျောက်ကပ်တို့မှာ မြန်မြန်ဆန်ဆန်စုလာပြီး ထိခိုက်ပျက်စီးစေနိုင်တဲ့အတွက် အန္တရာယ်ကြီးတဲ့အရာတစ်ခုဖြစ်ပါတယ်) 
  • အချိုမှုန့်( MSG လို့ခေါ်တဲ့အချိုမှုန့်တွေအများကြီးပါတတ်လို့ ကလေးရဲ့ဦးနှောက်ဖွံ့ဖြိုးမှုကို ထိခိုက်သက်ရောက်မှုကြီးမားပါတယ်)၊ 
  • အငန်ဓာတ် 
  • တခြားအန္တရာယ်ရှိဓာတုပစ္စည်းတွေ (ခေါက်ဆွဲထုပ်ပိုးတဲ့ ပလတ်စတစ်၊ ဘူးတွေမှာ Dioxin နဲ့ တခြားဓာတုပစ္စည်းတွေပါရှိတတ်လို့ အပူနဲ့ထိတွေ့တဲ့အခါ ဒီဓာတ်တွေထွက်လာပြီး အရေးကြီးကိုယ်တွင်းအင်္ဂါတွေကိုထိခိုက်စေပါတယ်။ ကင်ဆာရောဂါအထိဖြစ်စေနိုင်လို့ သိရပါတယ်) တွေပါဝင်လို့ ထိခိုက်နစ်နာမှုများပါလိမ့်မယ်။ 

(၃) အသီးဖျော်ရည် – အသီးလတ်လတ်ဆတ်ဆတ်တွေပဲ အာဟာရဖြစ်တယ်ဆိုပြီး စွတ်မကျွေးပါနဲ့။ လိုအပ်တဲ့ဗီတာမင်ဓာတ်တွေပေးနိုင်တယ်ဆိုပေမယ့် ကလေးကို အသီးဖော်ျရည် တစ်နေ့ကို လေးအောင်စထက် ကျော်ပြီးမတိုက်သင့်ဘူးလို့ ဆရာဝန်တွေအကြံပေးလေ့ရှိပါတယ်။ သကြားသာထည့်ရင် အချိုစားသုံးမှုများစေပြီး အသီးချည်းဖျော်မယ်ဆိုလည်း ပုံမှန်သစ်သီးစားတာထက် ပမာဏပိုများနိုင်တာကြေင့် မသင့်တော်ပါဘူး။ တန်ဆေး လွန်ဘေး ဆိုသလို သစ်သီးဖျော်ရည်သောက်တာများရင် ဝမ်းပျက်စေနိုင်တယ်၊ အချိုများရင် အဝလွန်စေနိုင်တယ်။ တစ်ခါတလေပဲ တော်သင့်ရုံတိုက်ပါ။ သစ်သီးတွေကိုပဲ အချိုပွဲအဖြစ် တစ်နေ့နည်းနည်းပြင်ဆင်ကျွေးပါ။ 

(၄) အချဉ်ထုပ် နဲ့ ယို - အချဉ်ထုပ်၊ ဆီးထုပ်တွေနဲ့ ယိုတွေ သိပ်မစားပါစေနဲ့။ အရောင်ဆိုးဆေးတွေ၊ ဆေးသကြားတွေ၊ အရသာအတုတွေက နုနယ်တဲ့ကလေးတွေအတွက် လုံးဝမသင့်တော်တဲ့အရာတွေပါ။ သကြားနဲ့ သန့်သန့်ထိုးထားတဲ့ ယိုတွေဆိုရင်တောင်မှ အချိုစားတာများရင် သွားပိုးစားမယ်၊ အဝလွန်မယ်၊ ဆီးချိုသွေးချိုစိုးရိမ်ရမယ် ဆိုတော့ ချင့်ချိန်ကျွေးပါ။ ကလေးကပူဆာတိုင်း ကျေနပ်အောင်ဝယ်မကျွေးကြဖို့ပါ။ 

(၅) အသက်ရှူလမ်းကြောင်းပိတ်ဆို့နိုင်လောက်တဲ့ စားစရာ- ကလေးဆိုတော့ သွားပေါက်ကာစအရွယ်မှာ  ဘာပဲစားစား တကိုက်ပဲကိုက်ချလိုက်မှာ၊ မဝါးနိုင်ရင် မျိုချပစ်မှာ စိုးရပါတယ်။ ဒါ့ကြောင့်အသက်ရှူလမ်းကြောင်းမှာပိတ်ဆို့စေနိုင်လောက်တဲ့အစားအစာ၊ အရွယ်အစား တွေကိုမကျွေးပါနဲ့။ ဥပမာ သကြားလုံးကို အလုံးလိုက်မစားပါစေနဲ့၊ ကိုက်ခွဲပြီးမှကျွေးပါ။ အစေ့အဆန်တွေ၊ ပီကေ၊ ဂျယ်လီအမာလေးတွေကိုလည်း မကျွေးပါနဲ့ဦး။ 

(၆) ကော်ဖီနဲ့ လက်ဖက်ရည်- ကလေးအတွက်က ကဖင်းပါတဲ့ ဘယ်သောက်စရာကမှ မသင့်တော်ပါဘူး။ လူကြီးတွေ ကော်ဖီသောက်ချိန်မှာ လာတောင်းလို့ နည်းနည်းခွဲတိုက်တာမျိုးလည်း အကျင့်မလုပ်ပါနဲ့။ လက်ဖက်ရည်မှာပါတဲ့ tannin ဓာတ်က အစားအစာတွေထဲကနေ သံဓာတ်စုပ်ယူနိုင်စွမ်းကို ဟန့်တားနိုင်ပါတယ်။ ကဖင်းဓာတ်ရဲ့သက်ရောက်မှုတွေက ကလေးရဲ့ဖွံ့ဖြိုးကြီးထွားမှုတွေအတွက်မကောင်းတာကြောင့် အားဖြည့်အချိုရည်အပါအဝင်၊ ကော်ဖီ၊ လက်ဖက်ရည်တွေ မတိုက်ကျွေးသင့်တာဖြစ်ပါတယ်။ မဖြစ်မနေ စိတ်ကျေနပ်အောင် လုပ်ပေးချင်တယ်ဆိုရင် ကလေးရဲ့ဖွံ့ဖြိုးမှုအတွက် အထောက်အကူဖြစ်စေမယ့် နို့မှုန့်တွေကို ရွေးချယ်နိုင်ပါတယ်။ 

(၇) အသင့်အမြန်စား အစားအစာ -  ဘာဂါ၊ ပီဇာ၊ ဆီကြော်အစားအစာတွေက အငန်ဓာတ်၊ အချိုဓာတ်တွေများတဲ့အပြင် ပြည့်ဝဆီတွေများမယ်ဆိုတာလည်း ပြောစရာလိုမယ်မထင်။ ကလေးတွေအတွက် ဘယ်လိုသင့်တော်ပါ့မလဲ။ ဒါတွေကျွေးချင်တယ်ဆို ကျန်းမာရေးနဲ့ပိုညီစေမယ့် ပုံစံနဲ့ အိမ်မှာ ကိုယ်တိုင်လုပ်ကျွေးပါ။ ပါဝင်ပစ္စည်းတွေ၊  ပမာဏတွေ အတိုးအလျှော့လုပ်လို့ရတယ်လေ။ 

(၈) မုန့်အချို – အချိုစားတာများလွန်းရင် ကလေးတွေရဲ့သွားကြွေလွှာကို ပျက်စီးစေတယ်။ သကြားလုံးတွေက လည်ချောင်းမှာတစ်ဆို့နိုင်တဲ့ အန္တရာယ်ရှိတဲ့အပြင် တခြားကျန်းမာရေးပြဿနာတွေဖြစ်လာနိုင်ပါတယ်။ စတော်ဘယ်ရီ၊ ဖရဲသီး စတဲ့ အသီးအနှံတွေနဲ့ ရေခဲမုန့်လုပ်ကျွေးတာ၊ မုန့်လုပ်ကျွေးတာမျိုးနဲ့ အချိုတွေဝယ်မစားအောင် အစားထိုးပါ။ 

(၉) အချိုရည် – အချိုရည်တွေမှာပါတဲ့ အက်စစ်ဓာတ်က ကလေးရဲ့သွားတွေကို ထိခိုက်စေတယ်၊ အချိုပါဝင်မှု၊ ဓာတုပစ္စည်း၊ ဂက်စ်ပါဝင်မှု များတဲ့အတွက် ကလေးရဲ့ခန္ဓာကိုယ်ထဲရောက်တဲ့အခါ ဆိုးကျိုးတွေဖြစ်လာစေနိုင်ပါတယ်။ ကလေးတွေ နှစ်န်ှစ်ခြိုက်ခြိုက်မအိပ်တာ၊ ဂနာမငြိမ်နိုင်တာ၊ ခဏခဏစိတ်မကြည်တာတွေလည်း ဒီအချက်ကြောင့်ပါတာပေါ့။ အသေချာဆုံးကတော့ ဒီအချိုရည်တွေထဲမှာ ကလေးအတွေက်လိုအပ်တဲ့ အာဟာရဓာတ်တွေ တစ်ခုမှ မပါပါဘူး။ 

(၁၀) အတု – အရသာတု၊ သကြားအတု၊ အရောင်အတု(ဆိုးဆေး) တွေက ဘာအတွက် ကောင်းကျိုးရှိမယ်ထင်ပါသလဲ။ ဆေးသကြားပါတဲ့၊ ဆိုးဆေးပါတဲ့ အစားအသောက်မှန်သမျှကို ကလေးရဲ့ဗိုက်ထဲမရောက်စေဖို့ စောင့်ကြည့်ဖယ်ရှားပေးပါ။ 

Hello Health Group သည် ဆေးပညာ အကြံပေးချက်များ ၊ ရောဂါရှာဖွေမှုများ ၊ကုသမှုများ မပြုလုပ်ပေးပါ။  

Read also:

မျှဝေမည်

တည်းဖြတ်သည့်နေ့ နိုဝငျဘာ 14, 2018 | နောက်ဆုံးတည်းဖြတ်ခြင်း နိုဝငျဘာ 14, 2018

သင်ဒါလည်း နှစ်သက်နိုင်ပါတယ်။