backup og meta

ဗီတာမင် C နဲ့ ဘေဘီလေး ကျန်းမာရေး

မှ အချက်အလက် စစ်ဆေးထားပါသည်။ Dr. Phyo Wai Lynn


Aye Thi Mon မှ ရေးသားသည်။ · 12/06/2023 တွင် အသစ်ဖြည့်စွက်ခဲ့သည်။

ဗီတာမင် C နဲ့ ဘေဘီလေး ကျန်းမာရေး

ဘေဘီလေးတွေ အကောင်းဆုံး ကြီးထွားဖွံ့ဖြိုးစေဖို့အတွက် ဗီတာမင် နဲ့ သတ္တုဓာတ်တွေ လိုအပ်တယ်ဆိုတာကို မေမေဖေဖေတိုင်း သိထားပြီး ဖြစ်မှာပါ။ ငယ်စဉ်ကတည်းက ဗီတာမင်နဲ့ သတ္တုဓာတ်တွေ ပြည့်ဝအောင် ဖြည့်ပေးနိုင်မှ ဘေဘီလေးက အကောင်းဆုံး ကြီးထွားနိုင်မှာပါ။ ဒီလို ပြည့်စုံအောင် ဖြည့်ပေးရမယ့် ဗီတာမင်တွေထဲမှာမှ ကိုယ်ခံအား ကောင်းစေဖို့ဆိုရင် ဗီတာမင် C ပြည့်ဝဖို့ လိုမယ်ဆိုတာကို မေမေတိုင်း သိထားပြီး ဖြစ်မှာပါ။ ဗီတာမင် C နဲ့ ဘေဘီလေး ကျန်းမာရေး က ဆက်စပ်မှု ရှိပါတယ်။

ဘယ်လို ကျန်းမာရေး အကျိုးကျေးဇူးတွေဖြစ်စေလဲဆိုတာကို သိချင်တယ်ဆိုရင်တော့ ဒီဆောင်းပါးလေးထဲမှာ ဖတ်ကြည့်စေချင်ပါတယ်။

ဗီတာမင် C နဲ့ ဘေဘီလေး ကျန်းမာရေး

ဗီတာမင် C က ဘေဘီလေးကို ကိုယ်ခံအား ကောင်းစေတာအပြင် အခုလို ကျန်းမာရေး အကျိုးကျေးဇူးတွေ ပေးစွမ်းပါသေးတယ်။

ဗီတာမင် C က ဓာတ်တိုးဆန့်ကျင်ပစ္စည်းတစ်မျိုးဖြစ်ပြီး ခန္ဓာကိုယ်ထဲက ဓာတ်တိုးပစ္စည်းတွေကို လျှော့ချပေးပါတယ်။  ဘေဘီလေးရဲ့ ခန္ဓာကိုယ်က ကျန်းမာတဲ့ ဆဲလ်တွေကို ဓာတ်တိုးပစ္စည်းတွေကြောင့် ထိခိုက်ပျက်စီးတာမျိုး မဖြစ်စေဖို့ ကာကွယ်ပေးပါ။

  • အရိုးတွေ သန်မာစေတယ်။

ဗီတာမင် C ရဲ့နောက်ထပ် စွမ်းရည်တစ်ခုက ကြီးထွားဖွံ့ဖြိုးနေတဲ့ ဘေဘီလေးရဲ့ အရိုးနဲ့ သွားတွေကို သန်မာစေတာပါ။ ဘေဘီလေးကို အရိုးနဲ့သွားတွေ ကြံ့ခိုင်စေချင်တယ်ဆိုရင် ငယ်စဉ်ကတည်းက ဗီတာမင် C ပြည့်ဝအောင် ဂရုစိုက်ပေးပါ။

  • အရေပြား ကျန်းမာစေတယ်။

ဗီတာမင် C က ကော်လာဂျင် ထွက်ရှိအောင် လှုံဆော်ပေးတာကြောင့် အသားအရေ ကျန်းမာစေပါတယ်။ တွယ်ဆက်တစ်ရှူးတွေကို အားဖြည့်ပေးတာကြောင့် အနာကျက်မြန်စေပြီး အရေပြား ပြဿနာလည်း ကင်းစေပါတယ်။

  • သံဓာတ် စုပ်ယူနိုင်စွမ်း ကောင်းစေတယ်

ဗီတာမင် C က ကလေးတွေကို သွေးအားနည်းရောဂါ ကင်းစေပြီး အကောင်းဆုံး ကြီးထွားဖွံ့ဖြိုးစေဖို့ လိုအပ်တဲ့ သံဓာတ်စုပ်ယူမှု ကောင်းစေဖို့လည်း အကောင်းဆုံး အားဖြည့်ပေးနိုင်ပါတယ်။

  • ကိုယ်ခံအား ကောင်းစေတယ်။

ဗီတာမင် C က ကိုယ်ခံအား ကောင်းစေတယ်ဆိုတာကတော့ လူတိုင်း လိုလို သိထားပြီး ဖြစ်မှာပါ။ ဗီတာမင် C က အအေးမိ၊ နှာစေးတာတွေတင် မဟုတ်ဘဲ ကိုယ်ခံအားဆဲလ်တွေကို အကောင်းဆုံး အားဖြည့်ပေးပြီး ရောဂါမျိုးစုံ အန္တရာယ်ကနေ ကာကွယ်ပေးတာပါ။

  • အာရုံကြော ကျန်းမာစေတယ်

အာရုံကြောစနစ်က ဘေဘီလေး ခန္ဓာကိုယ်အတွက် အရေးပါတဲ့ ဆက်သွယ်ရေး စနစ်ပါ။ အာရုံကြောစနစ် ကျန်းမာမှ ဘေဘီလေးက လမ်းလျှောက်တာ၊ စကားပြောတာ၊ သင်ယူတာ၊ မျိုချစတဲ့ လုပ်ငန်းစဉ်တွေကို အကောင်းဆုံး လုပ်ဆောင်နိုင်မှာပါ။

ဒါကြောင့် ဘေဘီလေးကို ကျန်းမာတဲ့ အာရုံကြောစနစ် ပိုင်ဆိုင်နိုင်စေဖို့ဆိုရင် ငယ်စဉ်ကတည်း ဗီတာမင် C ပြည့်ဝအောင် ကျွေးပေးပါ။

ဘေဘီလေးတစ်ယောက် လိုအပ်မယ့် ဗီတာမင် C ပမာဏ

ကြီးထွားဖွံ့ဖြိုးဖို့ အရှိန်ယူနေတဲ့ ဘေဘီလေးရဲ့ ခန္ဓာကိုယ်က ဗီတာမင် C ကို ကိုယ်တိုင် မထုတ်နိုင်ပါဘူး။ ဒါ​ကြောင့် မိဘတွေက ဘေဘီလေးကို ဗီတာမင် C ပြည့်ဝအောင်ကျွေးမွေးဖို့လိုပါမယ်။

အသက်အလိုက် လိုအပ်တဲ့ ဗီတာမင် C ပမာဏကတော့

  • မွေးစကနေ ၆ လအထိ ၄၀ မီလီဂရမ် (mg)
  • ၇ လကနေ ၁ ၂ လအထိ ၅၀ မီလီဂရမ် (mg)
  • ၁ နှစ်ကနေ ၃ နှစ်အထိ ၁၅ မီလီဂရမ် (mg)
  • ၄ နှစ် ကနေ ၈ နှစ်အထိ ၂၅ မီလီဂရမ် (mg)
  • ၉ နှစ် ကနေ ၁၃ နှစ် အထိ ၄၅ မီလီဂရမ် (mg)
  • ၁၄ နှစ် ကနေ ၁၈ သားသားလေးဆိုရင် ၇၅ မီလီဂရမ် (mg)
  • ၁၄ နှစ် ကနေ ၁၈ နှစ် မီးမီးလေးဆိုရင် ၆၅ မီလီဂရမ် (mg) လိုအပ်မှာဖြစ်ပါတယ်။

ဗီတာမင် C ပြည့်ဝအောင် ဘေဘီလေးကို ဘာတွေကျွေးမလဲ။

မွေးစကနေ ၆ အထိမှာ မေမေ့နို့ကနေ တဆင့် လိုအပ်တဲ့ ဗီတာမင် C ကို ရယူမှာဖြစ်တာကြောင့် နို့တိုက်မေမေ အနေနဲ့ ဗီတာမင် C ကို ပြည့်ဝစွာ စားသုံးဖို့လိုပါမယ်။ ဒီလိုကနေ ဖြည့်စွက်စာ စားတဲ့ အရွယ်ရောက်လာပြီဆိုရင်တော့ ဘေဘီလေးကို

  • စတော်ဘယ်ရီ
  • သင်္ဘောသီး
  • အာလူး
  • ပန်းဂေါ်ဖီစိမ်း
  • လိမ္မော်သီး
  • ပန်းသီး
  • ကီဝီသီး
  • ခရမ်းချဉ်သီး စတာတွေ ပြင်ဆင်ပေးလို့ရပါတယ်။

ကလေးအားဆေးတွေမှာလည်း ဗီတာမင် Cပါတတ်ပါတယ်။ သဘာဝအစားအစာတွေက ပိုကောင်းတာကြောင့် အားဆေးတိုက်မယ်ဆိုရင်တော့ ဆရာဝန်နဲ့ အရင်တိုင်ပင်ဖို့ လိုပါတယ်။

မသက်ဆိုင်ကြောင်း ရှင်းလင်းချက်

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

မှ အချက်အလက် စစ်ဆေးထားပါသည်။

Dr. Phyo Wai Lynn


Aye Thi Mon မှ ရေးသားသည်။ · 12/06/2023 တွင် အသစ်ဖြည့်စွက်ခဲ့သည်။

ad iconadvertisement

ဤဆောင်းပါးက အကူအညီဖြစ်ပါသလား။

ad iconadvertisement
ad iconadvertisement