ဇွန်လမှာ မွေးဖွားတဲ့ ဘေဘီလေးတွေရဲ့ ထူးခြားချက်လေးများ

အရာရာကို စူးစပ်တတ်တဲ့ စပ်စုစိန်လေးတွေ ဖြစ်တာကြောင့် ဇွန်လဖွားလေးတွေက သိနေတဲ့အရာ တော်တော်များပါတယ်။ အရာရာတိုင်းကို စိတ်ဝင်တစား လေ့လာတတ်ပြီး အိုင်ဒီယာ အသစ်တွေထုတ်နိုင်စွမ်းလည်း မြင့်မားကြပါတယ်။ နောက်တစ်ခုက multitasking ရတာပါ။ တစ်ခုတည်းမှာ အာရုံစိုက်မထားတတ်ဘဲ အရာရာတိုင်းကို လေ့လာတတ်ကြသူလေးတွေပါ။  အတွေးစိတ်ကူးမြန်သလောက် အမီလိုက်ပြီး တီထွင်ဆန်းသစ်နိုင်ကြတာလည်း ဇွန်လဖွားလေးတွေပါပဲ။

• အဓိကကျတာကို မှန်ကန်စွာ ရွေးချယ်တတ်သူလေးတွေပါ

ဇွန်လဖွားလေးတွေက ဘယ်လောက်အရေးကြီးပါတယ်ဆိုတဲ့ အခြေအနေတွေမှာ ဖြစ်ဖြစ် ဘယ်အရာကို အရင် ဦးစားပေးလို့ ဘာကိုနောက်မှ လုပ်ဆောင်ရမလဲဆိုတာကို ကောင်းကောင်းခွဲခြားတတ်ကြသူလေးတွေပါ။ အရာရာကို စိတ်ပျက်စရာ အခြေအနေ ကင်းဝေးအောင် စီမံခန့်ခွဲနိုင်စွမ်း ရှိတာကလည်း သူတို့လေးတွေရဲ့ အခြားသူနဲ့ မတူတဲ့ အရည်အသွေးပါပဲ။

• စိတ်ဖတ်နိုင်ကြသူလေးတွေပါ

ဇွန်လဖွားလေးတွေက အရာရာကို သိနိုင်စွမ်း ရှိကြပါတယ်။ အာရုံခံနိုင်စွမ်း မြင့်ကြတယ်လို့ပဲ ဆိုရပါမယ်။ လူတစ်ယောက်ရဲ့ စိတ်အခြေအနေ သဘောထားကို ကောင်းစွာ ဖတ်နိုင်ကြပါတယ်။ သူတို့က ရိုးသားကြသလို အခြားသူတွေရဲ့ အတွင်းစိတ်ကိုလည်း ကောင်းကောင်း ဖတ်နိုင်ကြပါတယ်။ သူတို့က မရိုးသားတာ ချက်ချင်း ခံစားသိနိုင်ပြီး ရိုးသားမှု မရှိသူတွေနဲ့ ခပ်ကင်းကင်း နေတတ်ကြပါတယ်။ မကောင်းတာ တစ်ခုကတော့ လူတစ်ယောက်ကို မြန်မြန် အကဲဖြတ်လိုက်တာပါပဲ။

• မိတ်ဆွေဖွဲ့ရတာကို နှစ်သက်ကြတယ်

ဇွန်လဖွားလေးတွေက တစ်ယောက်တည်း နေရတာကို နှစ်သက်တယ်လို့ ထင်စရာရှိပေမယ့် တကယ်ကတော့ သူတို့လေးတွေက မိတ်ဆွေဖွဲ့ရတာကို နှစ်သက်သလို ပွင့်ပွင်းလင်းလင်း နေတတ်ကြသူလေးတွေပါ။ လူမှုပေါင်းသင်းဆက်ဆံရေး ကောင်းကြပါတယ်။ စိတ်ရှည်သည်းခံတတ်ကြသလို ချစ်ခင်တဲ့သူတွေအပေါ်မှာ အနွံနာအခံနိုင်ဆုံးလေးတွေပါ။ အမြဲတမ်းမြဲနေမယ့် relationship ကို ဖန်တီးနိုင်စွမ်း ရှိသူလေးတွေပါတဲ့။

• စွန့်စားရတာကို နှစ်သက်ကြတယ်

ဇွန်လဖွားလေးတွေရဲ့ နောက်ထပ် ထင်မှတ်မထားတဲ့ skill တစ်ခုက စွန့်စားရတာကို နှစ်သက်တာပါ။ လေ့လာစူးစမ်းရတာကို နှစ်သက်ကြသလို အသစ်အသစ်တွေ ဖော်ထုတ်ရတာ စွန့်စားလုပ်ဆောင်ရတာကို နှစ်သက်ကြပါတယ်။

• ခေါင်းဆောင်ကောင်းတွေပါ

ဇွန်လဖွားလေးတွေရဲ့ မွေးရာပါဗီဇက ဦးဆောင်ရတာကို နှစ်သက်ကြတာပါ။ ဇွန်လဖွားလေးတွေက ခေါင်းဆောင်ကောင်းတွေ ဖြစ်ကြသလို အရာရာကို ကောင်းကောင်း ဦးဆောင်နိုင်ပါတယ်။ မျှတစွာ ဦးဆောင်နိုင်ကြတဲ့ ခေါင်းဆောင်ကောင်းရဲ့ စွမ်းရည်တွေကို ပိုင်ဆိုင်ထားကြသူလေးတွေက ဇွန်လဖွားလေးတွေပါတဲ့နော်။

• ငြိမ်းချမ်းရေး ဆွေးနွေးသူလေးတွေပါ

အရာရာကို ကြားဝင်ဖြေရှင်းပေးနိုင်တဲ့ အစွမ်း၊ စေ့စပ်ညှိနှိုင်းမှုတွေကို လုပ်ဆောင်ပေးနိုင်တဲ့ အစွမ်းကို ငယ်စဉ်လေးကတည်းက မသင်ပေးရဘဲ တတ်ကျွမ်းကြသူလေးတွေက ဇွန်လဖွားလေးတွေပါ။ သူတို့လေးတွေရဲ့ အောင်မြင်နိုင်ခြေ အများဆုံး အလုပ်အကိုင်တစ်ခုက စေ့စပ်ညှိနှိုင်းသူလုပ်ခြင်းပါ။ ရှေ့နေအလုပ်အကိုင်ကလည်း ကိုက်ညီတဲ့ အလုပ်တစ်ခုပါပဲ။

• ပျော်ရွှင်ခြင်းဆောင်ကြဉ်းသူလေးတွေပါ

ဇွန်လဖွားလေးတွေက ပတ်ဝန်းကျင်ကသူတွေကို ရယ်ရွှင်မောဖွယ်ရာလေးတွေ ဆောင်ကြဉ်ပေးကြသူလေးတွေပါ။ သူတို့ရဲ့ သူမတူတဲ့ နေထိုင်မှုပုံစံလေးက ခင်မင်နှစ်လိုဖွယ် ကောင်းသလို အခြားသူတွေကို ပျော်ရွှင်စရာတွေ ဖန်တီးပေးနိုင်ကြပါတယ်။ သာမန်အရာတွေကိုတောင် ရယ်ရွှင်စရာဖြစ်အောင် ပုံဖော်တတ်ကြသူလေးတွေပါ။