မျိုးဗီဇ ပြောင်းလဲမှု များစွာ လုပ်ဆောင်ထားတဲ့အတွက် ဒီမျိုးစိတ်က ကူးစက်ခံရဖူးသူတွေရဲ့ ကိုယ်ခံအားဆဲလ်တွေကိုလည်း ကောင်းကောင်းရှောင်တိမ်းနိုင်ပြီး ထပ်မံ ကူးစက်ခံရတာ ဖြစ်နိုင်ပါတယ်။
Beta တွေ၊ Delta တွေတုန်းက ရောဂါတစ်ကြိမ် ဖြစ်ပွားပြီးသူတွေမှာ ခန္ဓာကိုယ်မှာ antibody တွေ ထွက်ရှိနေပြီး ဖြစ်ပြီးသားသူမှာ ထပ်ဖြစ်တယ်ဆိုတာက ရှားပါတယ်။ ဒါပေမယ့် အခု နောက်ဆုံး ထွက်ရှိထားတဲ့ Omicron ကတော့ ကိုဗစ်ဖြစ်ဖူးသူတွေမှာ ကူးစက်ခံရနိုင်ခြေက Deltaထက် ၂.၄ ဆလောက် ပိုများနေပါတယ်။
ဒါကတော့ မျိုးစိတ်မတူတဲ့ ကိုဗစ် မျိုးစိတ် ကူးစက်ခံရသူတွေမှာ Omicron ကူးစက်နိုင်တဲ့ အခြေအနေပါ။
Omicron ဖြစ်ဖူးတဲ့သူတွေမှာ နောက်တစ်ကြိမ် ဖြစ်နိုင်တယ်ဆိုတဲ့ အထောက်အထားတွေက အနည်းငယ်တော့ ရှိပါတယ်။ ဒါပေမယ့် ကူးစက်ခံရတဲ့ မျိုးစိတ်ချင်းတော့ မတူဘူးပေါ့။ အရင်တစ်ခေါက်က Omicron မျိုးစိတ်ဖြစ်တဲ့ BA.1 ကူးစက်ခံရတာဖြစ်မယ်။ နောက်တစ်ကြိမ်က BA.2 ကူးစက်ခံရတာမျိုးပေါ့။ ဖြစ်နိုင်ခြေရှိပေမယ့် တော်တော်လေးတော့ ဖြစ်ခဲပါတယ်။
ဒီလို ကူးစက်မှုက အချိန်တိုအတွင်းမှာ ဗီဇတစ်မျိုးကနေ တစ်မျိုးကို ပြောင်းလဲသွားတာက ပိုပြီးဖြစ်နိုင်ခြေ များတယ်လို့ သုတေသီတွေက သုံးသပ်ထားပါတယ်။ ပထမအကြိမ် Omicron ကူးစက်ခံရချိန်မှာ ရောဂါလက္ခဏာတွေ သိပ်မပြင်းထန်ပေမယ့် နောက်တစ်ကြိမ် ကူးစက်ခံရချိန်မှာတော့ ရောဂါလက္ခဏာတွေကို ပြင်းပြင်းထန်ထန် ခံစားရနိုင်တယ်လို့လည်း သုတေသီတွေက သုံးသပ်ထားကြပါတယ်။
ဒါကြောင့် အကောင်းဆုံးက ရောဂါ ကူးစက်ခံရပြီးသည် ဖြစ်စေ၊ အကူးစက်ခံရသေးဘူးဖြစ်စေ ကာကွယ်ရေး နည်းလမ်းတွေကို သေချာ လိုက်နာဖို့ပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။