မှ အချက်အလက် စစ်ဆေးထားပါသည်။ Dr. Thurein Hlaing Win
လူတိုင်းဒေါသထွက်တတ်ကြပါတယ်။ ဒေါသအတိမ်အနက်နဲ့ ၊ ဒေါသ မထိန်းနိုင်တဲ့ အပေါ်မှာ မူတည်ပြီး ဒေါသကြီးတဲ့သူ၊ ဒေါသမကြီးတဲ့သူဆိုပြီး ကွဲပြားသွားတာပါ။ ဒေါသထွက် နေတဲ့အချိန် စကားတစ်ခွန်းမပြန်နဲ့ဆိုတဲ့အတိုင်း ဒေါသဆိုတာက အချင်းချင်းရဲ့ ပေါင်းသင်းဆက်ဆံရေးကို ပျက်စီးစေနိုင်သလို ကိုယ့်ရဲ့ ကျန်းမာရေးကိုလည်း ထိခိုက်စေတတ်တာကြောင့် ထွက်နေတဲ့ ကိုယ့်ရဲ့ ဒေါသတွေကို လျှော့ဖို့လိုပါတယ်။ ဒါဆို ဘယ်လိုနည်းလမ်းနဲ့ ကိုယ့်ဒေါသတွေကို ချိုးနှိမ်ရမလဲ ။ ။
ဒေါသစိတ်မွှန်နေတဲ့အချိန် ကိုယ်ပြောလိုက်တဲ့ စကားတိုင်းကမှန်တယ်လို့ လူတိုင်းထင်တတ်ကြပါတယ်။ ဒေါသပြေသွားတဲ့အခါကျမှ ကိုယ်ပြောလိုက်တာ လွန်သွားမှန်း သိသွားပြီး စိတ်မကောင်းပြန်ဖြစ်ရတာလည်း ကိုယ်ကိုယ်တိုင်ပဲ မဟုတ်လား။ စကားဆိုကလည်း ကျွံပြီးရင် ပြန်နှုတ်လို့ မရတာကြောင့် ဘယ်လောက်ပဲ ဒေါသကြီးကြီး ပြောစရာတွေ ရင်နဲ့ အပြည့်ရှိပေမယ့်လည်း အားလုံကို ခဏ မျိုသိပ်ထားလိုက်ပါ။ ဒေါသပြေသွားတဲ့အခါကျမှ အပြောသင့်ဆုံး စကားကို ပြန်ရွေးပြီး တစ်ခွန်းထဲ မယုတ်မလွန်ပြောလို့ရပါတယ်
မျိုသိပ်ဆိုပြီး တစ်ခွန်းမှ မပြောခိုင်းတာမဟုတ်ပါဘူး။ စိတ်ငြိမ်သွားတဲ့ အခါမှ ကိုယ်ဘာကြောင့် ဒေါသထွက်ခဲ့တယ်ဆိုတာ တစ်ဘက်လူသိအောင်တော့ ပြောမှ ရပါလိမ့်မယ်။ ဒါမှ နောက်တစ်ခါ ခုလို အခြေအနေမျိုး ထပ်မဖြစ်တော့မှာပါ။ ဒေါသအရှိန်လည်း ပြေသွားပြီဆိုတော့ စကားတွေလည်း မလွန်တော့ဘူးပေါ့။
စိတ်ဆိုးစရာ ဒေါသထွက်စရာ မြင်ကွင်းကနေ ထွက်သွားပြီး တစ်ယောက်တည်း အေးအေးဆေးဆေး တစ်နေရာမှာ သွားနေလိုက်ပါ။ စိတ်ငြိမ်နေတဲ့ ပတ်ဝန်းကျင်က သင့်စိတ်ကို အေးချမ်းမှု ပေးနိုင်မှာပါ။
ဖြစ်နေတဲ့ ဒေါသတွေ မေ့မေ့ပျောက်ပျောက်ဖြစ်အောင် စိတ်အပြောင်းအလဲလေးဖြစ်အောင် အပြင်ထွက်လမ်းလျှောက် လေ့ကျင့်ခန်းလုပ်ပေးပါ။ ဒါမှ ဖြစ်နေတဲ့ စိတ်ဖိစီးမှုတွေ ပြေလျော့သွားပြီး ဒေါသအရှိန်လည်း ပြေသွားမှာပါ။
ဒေါသထွက် နေရုံနဲ့ ဖြစ်နေတဲ့ ပြဿနာတွေ အားလုံး ရှင်းသွားမှာ မဟုတ်ပါဘူး။ ဖြစ်နေတဲ့ ဒေါသကို ထုတ်ပြမယ့်အစား အကောင်းဆုံး အဖြေကို ရှာသင့်ပါတယ်။ တစ်ခုမှတ်ထားရမှာက ဒေါသထွက်လိုက်လို့ သင့်စိတ်တစ်ခဏတာ ပြေသလိုလိုဖြစ်သွားပေမယ့် နောက်ပိုင် း အရမ်းပူလောင်လာပါလိမ့်မယ်။
ဒီတစ်ခေါက် ပြဿနာတက်တဲ့အချိန်မှာ အရင်က ဖြစ်ခဲ့တဲ့ ပြဿနာတွေပါ ဆွဲထည့်ပြီး ဝါးလုံးရှည်နဲ့ သိမ်းကြုံးမရမ်းပါနဲ့။ ပြစ်တင်ဝေဖန်ခြင်းဟာ လက်ရှိဖြစ်နေတဲ့ ဒေါသရဲ့ တမ်ပိုကို ပိုမြင့်စေပါတယ်။
ခွင့်လွှတ်ခြင်းဟာ အကြီးမားဆုံးသော အောင်မြင်ခြင်းဆိုပြီး ခုလောလောဆယ်မှာတော့ ခွင့်လွှတ်သယောင်ယောင်နဲ့ စိတ်ထဲ တေးထားတတ်တဲ့ သူတွေရှိပါတယ်။ နောက်တစ်ကြိမ်ထပ်ဖြစ်မှ အရင်က အငြိုးတွေ ပြန်ပေါ်လာခဲ့ရင် ဖြစ်နေတဲ့ ဒေါသ ပိုကြီးလာဖို့ပဲ ရှိပါတယ်။
ဘယ်လောက်ပဲ မအိပ်ခင် စိတ်ဆိုးနေနေ အိပ်ပြီး ပြန်ထလာတဲ့အခါကျ စိတ်ပြေပြီး အေးချမ်းနေပါလိမ့်မယ်။ ဒါကြောင့် ဒေါသတွေထွက်လာပြီဆိုတာနဲ့ တစ်ယောက်တည်း အေးအေးဆေးဆေး နေပြီး အိပ်လိုက်ပါ။ နိုးတဲ့အချိန် ဒေါသမရှိသလောက်ဖြစ်သွားပါလိမ့်မယ်။
ကိုယ်ဒေါသထွက်တဲ့အချိန်တိုင်း ဒါလေးတွေ လိုက်နာခဲ့မယ်ဆိုရင် ဒေါသကြောင့် ကိုယ့်ကျန်းမာရေးရော၊ ပေါင်းသင်းဆက်ဆံရေး ရော ထိခိုက်မှာ မဟုတ်တော့ဘူးနော် ။ ။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
ဆက်စပ် အကြောင်းအရာများ
မှ အချက်အလက် စစ်ဆေးထားပါသည်။
Dr. Thurein Hlaing Win
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။