ကိုယ့်ကိုယ်ကို တစ်ဝကြီး ချစ်လိုက်စမ်းပါ။

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 31, 2020 . 3 mins read
Share now

အချစ်ခံချင်လို့တို့၊ ချစ်ရမယ့်သူ မရှိဘူးလို့ ဆိုပြီး ဝမ်းနည်းမနေပါပဲ။ ဘယ်သူမှ မရှိလည်း ကိုယ်ကိုယ်တိုင်တော့ ရှိပါသေးတယ်။ ကိုယ့်ကိုယ်ကို ချစ်ပါ။ ကိုယ့်ကိုယ်ကို စောင့်ရှောက်ပါ။

ကိုယ့်ကိုယ်ကို ချစ်ပါဆိုတာကို ဒီဘက်ခေတ်မှာ တော်တော်အသုံးများလာကြပါပြီ။ အဓိကကတော့ လူတွေက ပြိုင်ဆိုင်မှုတွေ ကြားထဲမှာ ပင်ပန်းလာကြတယ်။ ရုပ်ပင်ပန်းတာထက်စာရင် စိတ်ပင်ပန်းတာက ပိုများလာကြတယ်။ ဒါပေမယ့်လည်း ရပ်တန့်လို့မရဘူး။ကိုယ်ကိုယ်တိုင် မဟုတ်ရင်တောင် ကိုယ့်ကို မှီခိုနေတဲ့ မိသားစုရှိသေးတာကိုး။

ဒါကြောင့် ဒီဘက်ခေတ် စိတ်ပညာရှင်တွေ၊ motivational speakerတွေက ကိုယ့်ကိုယ်ကို ချစ်ပါ။ တိုးတက်အောင် ကြိုးစားပါလို့ ပြောလာကြတာပါပဲ။

ဒီနေရာမှာ လူတွေ အထင်မှားနေကြတာက တချို့က အရာအားလုံးကို လက်လျှော့လိုက်တာက ကိုယ့်ကိုယ်ကို ချစ်တာလို့ မြင်တယ်။ တချို့ကလည်း ကိုယ့်ကိုယ်ကို ချစ်တယ်ဆိုတာ အတ္တဆန်တဲ့ စိတ်ပဲ။ ကိုယ်က လွဲရင် ဘာမှမသိတဲ့သူလို့ ထင်တယ်။ တကယ်က အဲ့ဒီနှစ်ခုကြားပါ။

လူက ကိုယ့်ကိုယ်ကို မချစ်တတ်ရင် သူများကို မချစ်တတ်ပါဘူး။ ကိုယ့်ကိုယ်ကိုတောင် မစောင့်ရှောက်နိုင်ရင် သူများကို ဘယ်လိုစောင့်ရှောက်ရမလဲ မသိပါဘူး။

ကိုယ့်ကိုယ်ကို တစ်ဝကြီး ချစ်နိုင်ဖို့

  • သင့်တင့်လျောက်ပတ်စွာ တွေးပါ။

အရာရာတိုင်းကို အတင်းကြီး အကောင်းမြင်နေဖို့ မလိုပါဘူး။ ကောင်းရင်လည်း ကောင်းတဲ့အလျောက်၊ ဆိုးရင်လည်း ဆိုးတဲ့အလျောက် လက်ခံလိုက်ပါ။ ပြီးရင် အကောင်းဆုံး တုံ့ပြန်ပါ။ သူ့ဘက် ကိုယ့်ဘက်ကြည့်ပါ။

ကိုယ့်ကိုယ်ကို ခွင့်လွှတ်ခိုင်းတာပါ။ တစ်ခါတလေမှာ ကိုယ်မသိတာလည်း ရှိမယ်၊ မှားတာလည်း ရှိမယ်။ နားလည်ပေးပါ။ ခွင့်လွှတ်ပေးပါ။ သူများကsorryဆို ခွင့်လွှတ်ပေးတယ် မလား။ ကိုယ့်ရဲ့ sorryကိုလည်း လက်ခံပေးပါ။

  • ဒရမ်မာ မဆန်ပါနဲ့။

ကိုယ့်ကိုယ်ကို သနားစရာကောင်းအောင် မနေပါနဲ့။ လူတိုင်း စိတ်ဆန္ဒကို လိုက်လျောပေးစရာ မလိုပါဘူး။ (သမီးရည်းစား အပါအဝင်ပေါ့) မငြင်းရက်လို့၊ အားနာလို့ လုပ်ပေးလိုက်ရတာတွေ တော်လိုက်ပါတော့။ လုပ်နိုင်သလောက်ပဲ လုပ်ပေးပါ။  အကြောင်းအရင်းမရှိဘဲ တစ်ယောက်ယောက်ကို တာဝန်ယူနေစရာ မလိုပါဘူး။

  • ကိုယ့်ကိုယ်ကို အချိန်ပေးပါ။

တစ်နေ့ကို အချိန်နည်းနည်းလောက်ပေးပြီး ကိုယ့်ကိုယ်ကို လှည့်ကြည့်ပါ။ ကိုယ့်ရဲ့ စိတ်ထဲမှာ ဘာတွေ ခံစားနေရလဲ။ ဘာတွေက ကိုယ့်ကို စိတ်ညစ်စေတာလဲ အကြောင်းရင်း ရှာကြည့်ပါ။

  • ကံကောင်းမှုတွေ ရှာဖွေပါ။

တစ်နေ့ကို ကိုယ့်မှာရှိတဲ့ ကံကောင်းမှုတွေ ချရေးကြည့်ပါလား။ ဥပမာ ဒီနေ့ အသက်ရှင်နေသေးတယ်၊ လက်တွေခြေတွေ လှုပ်နိုင်သေးတယ် ဒီလို အသေးစိတ်လေးတွေပေါ့။ ၁၀ခုက စရေးကြည့်ပါ။ အခု ၁၀၀ပြည့်အောင် သင်ရေးနိုင်မှာပါ။

  • ကျေးဇူးတင်တတ်ပါစေ။

ဒီလို ကောင်းကောင်းမွန်မွန် နေနေတဲ့ ကိုယ့်ကိုရော ကိုယ့်ပတ်ဝန်းကျင်က လူတွေကိုရော ကျေးဇူးတင်စကားပြောပါ။ နောက်ဆုံး ထမင်းစားရင်တောင်၊ ကားစီးရင်တောင် ကျေးဇူးတင်စိတ်လေးနဲ့ နေလို့ရပါတယ်။ ဟုတ်တယ်လေ။ ထမင်းစားရဖို့ဆိုတာ လွယ်တာမှ မဟုတ်တာ၊ ကားမရှိရင် လမ်းလျှောက်သွားနေရမှာပေါ့။ ဒီလို သက်သောင့်သက်သာ နေနိုင်တာ ကိုယ့်ရဲ့ ကံကောင်းမှု၊ ဒီပစ္စည်းကို ထွင်ခဲ့တဲ့ လူတွေရဲ့ ကျေးဇူးတင်စရာ အချက်တွေပါပဲ။

  • ချီးကျူးပေးပါ။

ကိုယ့်ကိုယ်ကိုလည်း မှန်ထဲကြည့်ပြီး ချီးကျူးပေးပါ။ သူများရဲ့ အရှိတရား တစ်ခုခုကို မြှောက်ပင့်တာမျိုး မဟုတ်ဘဲ စိတ်ရင်းအမှန်နဲ့ ချီးကျူးပေးပါ။ သင့်ပတ်ဝန်းကျင်က နွေးထွေးသွားမှာပါ။

  • အဆုံးထိတွေးလိုက်ပါ။

ညဘက်မှာ တောင်တွေး မြောက်တွေး တွေးပြီး အိပ်မပျော်နိုင် ဖြစ်နေပြီလား။ တကယ်တော့ သင်တွေးနေတာတွေက မဖြစ်သေးတဲ့ ကိစ္စတွေပါ။ ဖြစ်မယ်ဆိုရင်တောင် ရာခိုင်နှုန်းနည်းပါတယ်။ သင်ကတော့ အကြီးကြီးတွေ တွေးပြီး ကိုယ့်စိတ်ကိုယ်ကို ဒုက္ခတွေ ပေးလို့။

ဒီလိုမျိုး လူတိုင်း ဖြစ်ဖူးပါတယ်။ ဒါပေမယ့် ကိုယ်စိုးရိမ်ထားတဲ့ ကိစ္စကြီး ဘယ်နှခါများ လက်တွေ့ဖြစ်ခဲ့ပါသလဲ။ ဒီလို အခက်အခဲအတွက် အကောင်းဆုံးနည်းလမ်းက တစ်ဆုံးထိတွေးပစ်လိုက်တာပါပဲ။ ဘယ်လောက်ထိ ဆိုးနိုင်မလဲ။ ဆိုးချင်သလောက် ဆိုးစမ်းဆိုပြီး တစ်ဆုံးထိတွေးချလိုက်တာပါ။

အဆိုးဆုံး တွေးလိုက်တာတောင် အသက်ရှင်နိုင်တဲ့ အခွင့်အလမ်း ရှိနေသေးရင် ဒါပြဿနာ မဟုတ်သေးပါဘူး။ စိတ်ချလက်ချ အိပ်လိုက်ပါတော့။

  • ပြဿနာတွေကို ရင်ဆိုင်ပါ။

ပြဿနာတွေနဲ့ ကြုံလာရင် လုပ်စရာက ၂ခုတည်းရယ်ပါ။ ရှင်းမှာလား၊ ပြေးမှာလား။ ရှင်းသင့်တဲ့အခါ ရှင်းရသလို ပြေးသင့်တဲ့အခါ ပြေးလိုက်ပါ။ တချို့ပြဿနာတွေက ရှင်းလေ ရှုပ်လေမဟုတ်လား။ ခဏလောက် ပြေးပြီး ပြီးမှ ပြန်လာရှင်းပါ။ ပြီးတော့ ရှင်းလို့ရနေသရွေ့ ဒါဟာ ပြဿနာ မဟုတ်ပါဘူး။

  •  ကျန်းမာရေး ဂရုစိုက်ပါ။

ကိုယ့်ကိုယ်ချစ်တယ်ဆိုတဲ့နေရာမှာ စိတ်တင်မကပါဘူး။ ရုပ်လည်း ဂရုစိုက်ရပါတယ်။ ကိုယ့်ကိုယ်ကို ချစ်တယ်ပြောပြီး ကိုယ်နဲ့ မတည့်တာတွေ လျှောက်စားနေရင် မဟုတ်သေးပါဘူး။ စောစောအိပ်၊ စောစောထ၊ အာဟာရရှိတာစား၊ မတည့်တာရှောင်၊ လေ့ကျင့်ခန်းလုပ် ဒီလောက်ပါပဲ။

ကိုယ့်ကိုယ်ကိုလည်း လှအောင်နေဖို့ မမေ့ပါနဲ့။ ဘယ်လိုပဲ အရေပြားတစ်ထောက်စာ အလှဆိုဆို လူကြားထဲမှာ နေနေသေးရင်တော့ လိုပါတယ်။ ဒါကြောင့် လှလှပပ သန့်သန့်ရှင်းရှင်း သပ်သပ်ရပ်ရပ်နေ။ Impression မ down စေနဲ့။

အဆုံးသတ်အနေနဲ့ ချုပ်ပြီး မှာရရင် ကိုယ့်ဟာကိုယ် ချစ်တယ်ဆိုရင် ကောင်းတာပဲလုပ်၊ ကောင်းတာပဲပြော၊ ကောင်းတာပဲတွေး။ ကိုယ့်ပတ်ဝန်းကျင်မှာလည်း ဒီလိုလူတွေပဲထား။ ကိုယ့်ဟာကိုယ်လည်း စိတ်ညစ်မခံနဲ့။ သူများကိုလည်း စိတ်ညစ်အောင် မလုပ်နဲ့။

ခေါင်းထဲမှာ ကိုယ်ထဲမှာ မကောင်းတာတွေ ဘာမှ မထားနဲ့။ လက်လွှတ်စရာရှိတာ လက်လွှတ်၊ ခွင့်လွှတ်စရာရှိတာ ခွင့်လွှတ်။ လူမှာ သိုးဖြူ သိုးမည်း နှစ်ကောင်ရှိတာ သိတယ်ဟုတ်။ သိုးဖြူကိုပဲ အစာကျွေးစမ်းပါ။ သိုးမည်းကို အစားသွားကျွေး မနေပါနဲ့။

ဘယ်သူမှ မရှိလည်း ကိုယ့်ကိုယ်ကို တစ်ဝကြီး ချစ်လိုက်စမ်းပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကိုဗစ်ကာလမှာ ကလေးတွေကို ဒီနည်းလမ်းတွေနဲ့ ထိန်းကျောင်းပါ။

ကိုဗစ်ကာလ စိတ်ပိုင်းဆိုင်ရာထိခိုက်မှု New norma အိမ်မှာပဲနေ ကလေးစိတ်ကျန်းမာရေး Covid-19 ဂျီကျ အကောင်းမြင် စိတ်ဖြေလျှော့ လက်ဆေး နှာခေါင်းစည်းတပ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

အိမ်ထဲမှာနေတာ ကြာလာတဲ့အခါ

အိမ်မှာနေ Stay home ဒုတိယလှိုင်း မျှော်လင့်ချက်မရှိ စိတ်ဖိစီး စိတ်အတက်အကျမြန် အိပ်ချိန်တွေပြောင်း စားချိန်မမှန် အကောင်းမြင် ဆိုရှယ်မီဒီယာ ကိုဗစ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

အကောင်းမြင်စိတ်ကြောင့် အသက်ပိုရှည်စေခြင်း အကြောင်းရင်း (၃) ချက်

ပျော်ပျော်နေရင် တကယ် အသက်ရှည်တာလား။ လေ့လာမှုတွေအရတော့ အကောင်းမြင်ဝါဒီသမားတွေက အသက်ရှည်ရှည် ပိုနေနိုင်ကြတယ်။ အကောင်းမြင်စိတ်စွမ်းအား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint

တစ်ကိုယ်ရည် အာသာဖြေရင် ဝိတ်ကျနိုင်သလား

Masturbation၊ ကယ်လိုရီ၊ အာသာဖြေ၊ အထွတ်အထိပ်ရောက်မှု၊ အချိန်ကြာမှု၊ စိတ်အားထက်သန်မှု၊ ဆီးကျိတ်ကင်ဆာ၊ စိတ်ဖိစီးမှု၊ စိတ်ပင်ပန်း၊ စိတ်ကျရောဂါ၊ အိပ်စက်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung

သင့်အတွက် ရွေးချယ်ထားသည်

မျှော်လင့်ချက်မဲ့ သလို ခံစားနေရတယ်ဆိုရင်

မျှော်လင့်ချက်မဲ့ သလို ခံစားနေရတယ်ဆိုရင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဖေ‌ဖော်ဝါရီ 8, 2021 . 3 mins read
ကိုယ်ခံအားစနစ်ကို အားဖြည့်ပေးမယ့် သူရဲကောင်းလေးများ

စိတ်ဖိစီးမှု(Stress) ကို အမြန်ဆုံးလျော့ပါးသက်သာသွားစေမယ့် အစားအစာ ၁၂ မျိုး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဇန်နဝါရီ 13, 2021 . 3 mins read
ကလေးထိန်းကျောင်းမှုရဲ့ အခြေခံစည်းမျဉ်းများ

ကလေးထိန်းကျောင်းမှုရဲ့ အခြေခံစည်းမျဉ်းများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် နိုဝင်ဘာ 23, 2020 . 3 mins read
Stay home ကာလမှာ စိတ်ကျန်းမာအောင် နေကြမယ်။

Stay home ကာလမှာ စိတ်ကျန်းမာအောင် နေကြမယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 22, 2020 . 2 mins read