တစ်စုံတစ်ယောက်ရဲ့နာကျင်ပင်ပန်းနေတဲ့အချိန်မှာ ကိုယ်ကအလွယ်လေး အပေါ်ယံသုံးသပ်လိုက်တာ သိပ်မှားပါတယ်။ စိတ်မပါတဲ့ အပေါ်ယံအားပေးစကားတွေနဲ့ပြောခဲ့ပေမယ့် ကိုယ့်အမြင်နဲ့ တခြားသူကိုပြန်ပြောပြတဲ့အခါ ဘာမဟုတ်တာလေးကို ခံစားနေတယ်လို့လျှော့မတွေးလိုက်သင့်ပါဘူး။ ဒီလိုတွေးလိုက်ပြီး ပေါ့ပေါ့ဆက်ဆံလိုက်မိတာ၊ သူ့ဘေးမှာ ဟီးဟီးဟားဟား ပျော််ရွှင်ပြလိုက်မိတာ၊ သူ့ခံစားချက်ကို လျစ်လျူရှုတာမျိုးနဲ့ ပိုနာကျင်စေခဲ့တာ ကိုယ်က သတိထားမိမှာမှ မဟုတ်တာ။
ဒါ့ကြောင့် ကိုယ်ကလိုက်နားလည်မပေးနိုင်ရင်၊ မကူညီနိုင်ရင်တောင် သူခံစားနေရတာ ဒီတိုင်းလေးထားလိုက်ပါ။ အပိုတွေဝင်ပြောဖို့ သင့်မှာ တာဝန်မရှိပါဘူး။ စာနာမှုနဲ့ ဆက်ဆံပေးပါ၊ ထိုက်သင့်တဲ့အားနာမှု၊ သိတတ်မှုလေးရှိထားရင်ဖြစ်ပါတယ်။
– အမြဲမပြတ် ဝေဖန်နေမိတာ
ဒီလိုမျိုးက လူကြီးမိဘတွေနဲ့ လူငယ်တွေကြားမှာ အဖြစ်များပါတယ်။ ဒါပေမယ့် သူငယ်ချင်းတွေ၊ လုပ်ဖော်ကိုင်ဖက်တွေမှာလည်းဖြစ်တတ်တာပဲ။ အဲဒီလူဘာပဲလုပ်လုပ် ကိုယ့်စိတ်ထဲ မကောင်းမမြင်ရင်တောင် ထောက်ပြစရာလေးရှိနေတာမျိုး။ အပြစ်ပြောဖို့မရည်ရွယ်ပေမယ့် သူ့အပြစ်ကိုမီးမောင်းထိုးပြသလိုဖြစ်စေခဲ့တဲ့ ကိုယ့်ရဲ့ထောက်ပြမှုကြောင့်ပြဿနာရှိနိုင်ပါတယ်။
ဟိုနားလေးက ဟိုလိုဖြစ်နေတယ်နော်၊ ဒါလေးပြင်လိုက်ပါဦး၊ သူများပြောမှာစိုးလို့ပါ ဆိုတဲ့စကားတွေနဲ့ ကိုယ်က အရင်ပြစ်တင်ဝေဖန်မိနေတာ သင်သိရဲ့လား။ကောင်းစေချင်လို့ပြောတယ်ဆိုလည်း နှစ်ဦးတည်းရှိချိန်မှာပြောပါ၊ သူများရှေ့မှာပြောတာဟာ ကောင်းစေချင်တာထက် အမှားကို ကြေညာပေးသလို ဖြစ်စေတတ်ပါတယ်။
ဒါ့ကြောင့် တစ်ယောက်ယောက်ကို ကိုယ့်ထင်မြင်ချက် ဒါမှမဟုတ် အကြံပြုချက်ပေးတော့မယ်ဆိုရင် သူ့အတွက် ဘာရသွားမလဲလို့ အရင်စဉ်းစားပါ။ သူ့အတွက် နစ်နာမှုမရှိစေဘဲ ကောင်းသွားစေဖို့ဆို လူအများရှေ့မဟုတ်ဘဲ သီးသန့်အကြံပြုပါ။ အမြဲမပြတ် ဝေဖန်နေတာ၊ထောက်ပြနေတာ စေတနာနဲ့ဆိုလည်း ပြစ်တင်ဝေဖန်မှုဘက်ကို ရောက်မသွားစေဖို့ ဆင်ခြင်လိုက်ပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။