လျှာနာ နေလား ဒါလေးတွေစားပေးပါ

လျှာနာတဲ့အခါ စဉ်းစားသင့်တဲ့အချက်တွေ

လျှာနာတာကို တစ်ခါတလေမှာ ဘာမှ သိပ်မဟုတ်တဲ့ ပြဿနာလို့ ယူဆလို့ရတယ်ဆိုပေမယ့် အချိန်တော်တော်ကြာတဲ့အထိ မပျောက်ဘဲကျန်နေတဲ့ လျှာနာတဲ့ဝေဒနာကတော့ အာဟာရချို့တဲ့နေတာ ဒါမှမဟုတ် ကျန်းမာရေးပြဿနာ ကြီးကြီးမားမားခံစားနေရတာမျိုး ဖြစ်နိုင်ပါတယ်။ တကယ်လို့ လျှာနာ တာက အချိန်တော်တော်ကြာကြာ မပျောက်ဘဲရှိနေမယ်ဆိုရင် ဆရာဝန်နဲ့ ပြသကြည့်ဖို့ ပြောပါရစေ။ တကယ်လို့ လျှာရောင်တာက အရမ်းပြင်းထန်လာပြီး အသက်ရှူရခက်လာမယ် ဆိုရင်တော့ ချက်ချင်းဆေးကုသမှုခံယူဖို့ပြောပါရစေ။

လျှာက အမြင်မှာ ပြောင်ချောနေတယ်လို့ ထင်ရပေမယ့် တကယ်တော့ လျှာမှာ အဖုငယ်လေးတွေရှိနေပါတယ်။ လျှာက ဘက်တီးရီးယားတွေကို သယ်ယူပို့ဆောင်ပေးနေတဲ့ ဆိပ်ကမ်းလိုပါပဲ။ ဒါကြောင့် မနက်ခင်း အိပ်ရာထလို့ မျက်နှာသစ်၊ သွားတိုက်လုပ်တဲ့အခါ လျှာကိုပါ သန့်စင်ပေးဖို့ပြောပါရစေ။

လျှာမှာ ဘက်တီးရီးယားတွေရှိနေတာက ခံတွင်းနံ့ကို ဆိုးစေနိုင်သလို အရသာခံနိုင်စွမ်းကိုလည်း ကျဆင်းစေနိုင်ပါတယ်။ ဘက်တီးရီးယားတွေဟာ ခံတွင်းကနေတဆင့် အခြားအစိတ်အပိုင်းတွေဆီ ရောက်မသွားဖို့ဆိုရင် လျှာကို မဖြစ်မနေသန့်စင်ပေးဖို့လိုပါမယ်။ လျှာမှာ ဘက်တီးရီးယားတွေ အရမ်းများလာတဲ့အခါ လျှာက အဝါရောင်ပြောင်းတာမျိုး ဒါမှမဟုတ် အမွေးတွေပေါက်နေသလိုမျိုး ညိုတိုတိုအရောင်တွေ ဖြစ်လာနိုင်ပါတယ်။ ဒါကြောင့် လျှာနာတာနဲ့ လျှာကနေတဆင့် ရောဂါပိုးတွေ ကိုယ်ထဲရောက်မသွားစေဖို့ သွားတိုက်တဲ့အခါ ခံတွင်းရဲ့ အစိတ်အပိုင်းတစ်ခုဖြစ်တဲ့ လျှာကို မေ့မထားဖို့ ပြောပါရစေ။