လူတော်တော်များများက သေကြောင်းကြံစည်ဖို့ကို အချိန်ယူပြီး စဉ်းစားကြတာ မဟုတ်ပါဘူး။ ခဏတာအတွင်း ဆုံးဖြတ်ချက်ချပြီး မျက်စိတမှိတ် လျှပ်တပြက်မှာ လုပ်လိုက်ကြတာ များပါတယ်။
သေကြောင်းကြံ တာကို အများဆုံးဖြစ်စေတဲ့ ပြဿနာက စိတ်ဓာတ်ကျတာပါ။ စိတ်ဓာတ်ကျတာဆိုပေမယ့် တော်ရုံ စိတ်ဓာတ်ကျရုံနဲ့ လူတစ်ယောက်က ကိုယ့်အသက်ကိုယ် ရန်မရှာပါဘူး။ စိတ်ဓာတ်ကျတဲ့နေရာမှာတောင် အဆိုးရွားဆုံး အဆင့်ကိုရောက်မှသာ ရှင်သန်ဖို့ အဓိပ္ပာယ်မဲ့နေပြီဆိုတဲ့ ခံစားချက်နဲ့ အဆုံးစီရင် ကြတာပါ။ ဒီလို အဆုံးစီရင်ခြင်းက သူ့ကို သက်သာရာရစေမယ်လို့ ထင်တာကြောင့်လည်း ပါတာပေါ့။
လူတစ်ယောက် သေကြောင်းကြံ တယ်ဆိုတာ ငယ်စဉ်က လိင်ပိုင်းဆိုင်ရာ စော်ကားခံခဲ့ရတာ၊ အနိုင်ကျင့်စော်ကားခံရတာ၊ ရုပ်ပိုင်းဆိုင်ရာ အနိုင်ကျင့်ခံရတာ၊ စစ်ပွဲတွေကြားမှာ ဒုက္ခရောက်ခဲ့ရတာလိုမျိုး ဆိုးရွားတဲ့ အဖြစ်အပျက်တွေကို တွေ့ကြုံခံစားခဲ့ရတာကြောင့် အရိပ်မည်းကြီး တစ်ခုလို ခြောက်လှန့်ခံရရင်းက အလွန်အမင်း စိတ်ဖိစီးပြီး သေကြောင်းကြံကြတာပါ။
ရုပ်ရှင်တွေထဲမှာ မြင်ဖူးတယ်ဟုတ်။ စစ်မြေပြင်မှာ အနားယူခွင့်ပေးပါ ဗိုလ်ကြီးလို့ ခွင့်တောင်းရင်း ကိုယ့်နားထင်ကိုယ် သေနတ်နဲ့ တေ့ပစ်ပြီး အဆုံးစီရင်ကြတာမျိုးပေါ့။ အရမ်းစိတ်ကျဉ်းကျပ်ရတဲ့ အခြေအနေ၊ အလွန်အမင်း စိတ်ဖိစီး ခံစားရတဲ့ အခြေအနေမှာလည်း လူတစ်ယောက်က သေကြောင်းကြံ တာကသာ လွတ်မြောက်ရာ ထွက်ပေါက်လို့ ယူဆတတ်ကြပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။