လျှာအရောင်က ပြောပြနေတဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date အောက်တိုဘာ 14, 2020 . 2 mins read
Share now

ပါးစပ်ထဲက လျှာ အစားအစာကို အရသာခံတာထက် ပိုပါတယ်။ ဒါဆို စကားပြောဖို့ အသုံးဝင်တာလားလို့ မပြောနဲ့နော်။ လျှာက စကားပြောဖို့၊ အရသာသိဖို့အပြင် အနံ့လည်း ခံစားနိုင်စွမ်းရှိပါတယ်။

ဒါတင်မကသေးတဲ့ လျှာရဲ့ နောက်ထပ် လုပ်ငန်းစဉ်တစ်ခုက ကျန်းမာရေး အခြေအနေတွေကို ဖော်ပြပေးနေသေးတာပါ။ လျှာအရောင်အလိုက် ကျန်းမာရေးအခြေအနေတွေက အမျိုးမျိုးပါ။ ဒီတော့ ကိုယ်တိုင် လျှာလေးကို စစ်ဆေးကြည့်လိုက်နော်။

ကျန်းမာတဲ့ လျှာ

လူတစ်ယောက်ဟာ ကျန်းမာနေတယ်ဆိုရင် သူ့ရဲ့ လျှာက ပန်းရောင်သွေးသန်းပြီး အပေါ်မှာ အဖြူရောင် ခပ်ပါးပါးလေးး ရှိနိုင်ပါတယ်။ ပန်းရောင်က ရင့်တာ ရှိသလို ခပ်ဖျော့ဖျော့လည်း ဖြစ်နိုင်ပါတယ်။

နောက်တစ်ချက်က လျှာပေါ်မှာ အဖုလေးတွေရှိနေတာပါ။ အဖုအပိမ့်မဟုတ်ဘဲ လျှာပေါ်ကအရသာခံစားနိုင်တဲ့ အဖုသေးသေးလေးတွေ မြင်သာနေတဲ့ အနေအထားပါ။

လျှာအရောင်အလိုက် ကျန်းမာရေးအခြေအနေ

လျှာအရောင်ကို​ကြည့်ပြီး ဘယ်လို ကျန်းမာရေးအခြေအနေတွေ ခံစားနေရတာလဲဆိုတာကို ဆန်းစစ်ကြည့်လိုက်ရအောင်လား။

အနက်ရောင် လျှာ

လျှာပေါ်မှာ keratin ဖြစ်နေတဲ့အခါ လျှာက မဲနေနိုင်ပါတယ်။ keratin ဆိုတာက အရေပြား၊ ဆံသားနဲ့ ခြေသည်းလက်သည်းတွေမှာ ရှိတဲ့ ပရိုတင်းတစ်မျိုးပါ။ keratin ဖြစ်ပေါ်မှုက လျှာကို အနက်ရောင်ဖြစ်စေတာ အမွှေးတွေ ထူစေတာမျိုး ဖြစ်စေနိုင်ပါတယ်။

ဒီအချက်တွေကြောင့် လျှာက အနက်ရောင်ဖြစ်ရတာပါ။

အဖြူရောင် လျှာ

လျှာမှာ အဖေးတွေ ဖြစ်တာက လျှာဖြူတာ၊ လျှာမျာ အဖြူရောင် အကွက်တွေ ဖြစ်တာမျိုး ဖြစ်စေနိုင်ပါတယ်။ ခံတွင်း မှက္ခရုလိုမျိုး မှိုပိုးဝင် ကူးစက်တာကြောင့်လည်း လျှာဖြူနိုင်ပါတယ်။

ခံတွင်း မှက္ခရုဖြစ်တာဆိုရင် လျှာက ထူထူကြီး နဲ့ နာနေနိုင်ပါတယ်။ လျှာမှာ အဖြူရောင် ဒါမှမဟုတ် အနီရောင် အကွက်တွေ ဖြစ်ပေါ်နိုင်ပါတယ်။ မျိုချရခက်တာ၊ အစားစားရခက်တာမျိုး ဖြစ်နိုင်ပါတယ်။

နောက်ထပ်ဖြစ်နိုင်ခြေတစ်ခုက လျှာဖြူတာဟာ ဆေးလိပ်သောက်သုံးလို့ပါ။ ဓာတ်မတည့်မှု တစ်ခုခုဖြစ်တဲ့အခါမျိုးမှာလည်း လျှာဖြူတာမျိုး ရှိနိုင်ပါတယ်။

ခရမ်းရောင် လျှာ

လျှာက ပုံမှန်အရောင် မဟုတ်ဘဲ ခရမ်းရောင်ဖြစ်နေရတာက နှလုံးရောဂါ အခြေအနေတစ်ခုခုကြောင့် ဖြစ်နိုင်သလို သွေးလှည့်ပတ်မှု မကောင်းတာကြောင့်လည်း ဖြစ်နိုင်ပါတယ်။

နောက်ထပ် ဖြစ်နိုင်ခြေတစ်ခုက လျှာ ခရမ်းရောင်ဖြစ်နေရတာက ရှာပါး ကျန်းမာရေးအခြေအနေ တစ်ရပ်ဖြစ်တဲ့ သွေးကြောတွေ ရောင်ရမ်းတဲ့ပြဿနာကြောင့်လည်း ဖြစ်နိုင်ပါတယ်။

အနီရောင် လျှာ

လျှာက အနီရောင်ဖြစ်နေတာဟာ ဗီတာမင် B ချို့တဲ့နေမှု လက္ခဏာ တစ်ရပ်ပါ။ ဆေးဝါးတွေ အစားအစာတွေနဲ့ ဓာတ်မတည့်တဲ့အခါမျိုးမှာလည်း လျှာက အနီရောင်ဖြစ်စေနိုင်ပါတယ်။

လျှာရောင်နေတဲ့အခါမျိုးမှာလည်း လျှာက အနီရောင်ဖြစ်နေနိုင်ပါတယ်။ နောက်တစ်ခုက သွေးကြောတွေ ရောင်ရမ်းနေတာကြောင့်လည်း လျှာက နီနေနိုင်ပါတယ်။

မီးခိုရောင် လျှာ

လျှာက မီးခိုးရောင်ဖြစ်နေတာ၊ မီးခိုးရောင် နဲ့ အဖြူရောင်အစက်တွေ လျှာမှာ ပေါ်နေတာက လှာမှာ အဖြူရောင်အစင်းတေါနဲပ မီးခိုးရောင်အစက်တွေ ဖြစ်နေတာမျိုးတွေ့ရနိုင်ပါတယ်။

ဒီလို ဖြစ်နေတာက နှင်းခူ ရောဂါ ခံစားနေရတာပါ။ နှင်းခူဖြစ်နေတဲ့အခါ လျှာက အရောင်ပြောင်းသွားပြီး မီးခိုးရောင် ဒါမှမဟုတ် အရာင် ခပ်ဖျော့ဖျော့ ဖြစ်တာမျိုး ရှိနိုင်ပါတယ်။

အဝါရောင် လျှာ

လျှာက ပုံမှန်အရောင် မဟုတ်ဘဲ အဝါရောင် ပြောင်းနေတာက လျှာမှာ ဘက်တီးရီးယားတွေ ပေါက်ဖွားနေတယ်ဆိုတဲ့ လက္ခဏာပါ။ ခံတွင်း သန့်ရှင်းမှု အားနည်းတာ၊ ခံတွင်းခြောက်တာတွေက ခံတွင်းထဲမှာ ဘက်တီးရီးယားတွေ ပေါက်ဖွားမှုကို ဖြစ်ပေါ်စေပြီး လျှာကို အဝါရောင် ပြောင်းစေနိုင်ပါတယ်။

လေ့လာမှုတွေအရကတော့ ဆီးချို၊ အသားဝါရောဂါ ခံစားနေရသူတွေမှာလည်း လျှာ ဝါနိုင်တယ်ဆိုတာပါ။

လိမ္မော်ရောင် လျှာ

လျှာ လိမ္မော်ရောင်ဖြစ်တာက လျှာဝါတာနဲ့ ဖြစ်ရတဲ့ အကြောင်းအရင်းတွေက ခပ်ဆင်ဆင်ပါ။ ခံတွင်းသန့်ရှင်းမှု အားနည်းတာနဲ့ ခံတွင်းခြောက်တာတို့ကြောင့် ဘက်တီးရီးယား ပေါက်ဖွားမှု များလို့ပါ။

အချို့သော ပဋိဇီဝ ပိုးသတ်ဆေးတွေ၊ အစားအစာတွေကြောင့်လည်း လျှာက လိမ္မော်ရောင် ပြောင်းနိုင်ပါတယ်။ ဥပမာ ဘီတာကယ်လ်ရိုတင်း ကြွယ်ဝတဲ့ မုန်လာဥနီ အစားများတာကြောင့်လည်း လျှာက လိမ္မော်ရောင် ဖြစ်နိုင်ပါတယ်။

အစိမ်းရောင် လျှာ

လျှာက ပန်းရောင်ကနေ အစိမ်းရောင် ပြောင်းသွားတယ်ဆိုတာ လျှာ အဖြူရောင် ပြောင်းတာ၊ အဝါရောင် ပြောင်းတာတို့လိုပဲ ဘက်တီးရီးယားတွေ ပေါက်ဖွားတာကြောင့်ပါ။ တစ်ခါတလေမှာ လျှာက အစိမ်းရောင်ပြောင်းတာနဲ့အတူ အမွှေးတွေ ပေါက်တာမျိုးတောင် ရှိနိုင်ပါတယ်။

အပြာရောင် လျှာ

လျှာက အပြာရောင်ပြောင်းတာက သွေးထဲမှာ အောက်ဆီဂျင် နည်းနေတာကြောင့်ပါ။

အဆုတ်မှာ အောက်ဆီဂျင် နည်းတာ၊ သွေးပြဿနာ တစ်ခုခု ရှိနေတာ၊ သွေးကြောပြဿနာ တစ်ခုခု ရှိနေတာ၊ ကျောက်ကပ် ရောဂါတို့ကြောင့် လျှာက အပြာရောင် ပြောင်းနေနိုင်ပါတယ်။

လျှာပြာတာက သွေးတွင်း အောက်ဆီဂျင် နည်းတာကြောင့်ဆိုရင် ချက်ချင်း ဆေးကုသမှု ခံယူဖို့ လိုပါမယ်။ လျှာကို ပြာစေနိုင်တဲ့ နောက်ထပ် အကြောင်းအရင်း တစ်ခုကတော့ နှင်းခူပြဿနာပါ။

ကဲ…မှန်ရှေ့ကိုသွားပြီး လျှာထုတ်ကြည့်လို့ လျှာက ကျန်းမာရဲ့လား။ ဘာအရောင်လဲဆိုတာကို စစ်ကြည့်လိုက်ဦးနော်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

မိန်းမကိုယ်မှာပေါက်တဲ့ ဝက်ခြံ သက်သာစေဖို့

မိန်းမကိုယ်မှာ ဝက်ခြံပေါက်တာက လေဒီလေးတွေအတွက် အတော်လေး ခံရခက်တဲ့ ကိစ္စတစ်ခုပါ။ ...

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သာမန်အချိန်မှာ ကျန်းမာစေပေမယ့် နာမကျန်းဖြစ်ချိန်မှာ မစားသင့်တဲ့ အစားအစာများ

အစာအာဟာရဆိုတာ လူတိုင်းအတွက် ကျန်းမာစေမယ့် အကျိုးပြု ဓာတ်စာတွေဖြစ်ပါတယ်။ တချို့အစားအစာတွေဟာ ...

ရေးသားသူ Ye Zon Aung

ဝက်ခြံလေးတွေကို စိတ်ရှည်ပါ။

စိတ်တိုလို့ မျက်နှာတွေ ရောင်တဲ့အထိ ဝက်ခြံတွေကို ညှစ်ပစ်ဖူးတဲ့ အခိုက်အတန့်တွေရှိတယ်ဟုတ်။ တကယ်ကတော့ဒါက ဝက်ခြံတွေ ပိုဆိုးလာအောင် ကိုယ်တိုင်က လုပ်လိုက်မိတာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

Diet ဆိုပြီး မိနေတဲ့ ချင်း (ဂျင်း) များ

Diet ဆိုတာ ကျန်းမာရေးနဲ့ ညီညွတ်အောင်စားတာကို ဆိုလိုတာပါ။ အစားရှောင်ခိုင်းတာမဟုတ်မဟုတ်ပါဘူး။ Diet လို့ ခေါင်းစဉ်တပ်ပြီး မိနေတဲ့ ချင်းတွေအများကြီးပါပဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

ဘေဘီလေးက ကြက်သွန်ဖြူစားလို့ရလား..............

ဘေဘီလေးက ကြက်သွန်ဖြူ စားလို့ရလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 18, 2021 . 2 mins read
ဘေဘီလေးတွေမှာ သံဓာတ်လွန်ကဲနေပြီလား

ဘေဘီလေးတွေမှာ သံဓာတ်လွန်ကဲနေပြီလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 14, 2021 . 2 mins read
ဦးခေါင်းနှင့်လည်ပင်းပိုင်းတွင်ဖြစ်သော ကင်ဆာ (Head & Neck Cancer)

ဦးခေါင်းနှင့်လည်ပင်းပိုင်းတွင်ဖြစ်သော ကင်ဆာ (Head & Neck Cancer)

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 11, 2021 . 2 mins read
ဝက်ခြံနဲ့ဝက်ခြံအမာရွတ်တွေသက်သာစေဖို့ ပူဒီနံရဲ့ အသုံးဝင်ပုံက

ဝက်ခြံနဲ့ဝက်ခြံအမာရွတ်တွေ သက်သာစေဖို့ ပူဒီနံရဲ့ အသုံးဝင်ပုံက

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 7, 2021 . 2 mins read