အရက်သောက်ပြီး နောက်နေ့ခေါင်းကိုက်တာ အမြန်သက်သာစေဖို့

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

ဒီဘက်ခေတ်မှာ လူကြီးလူငယ်မရွေး အရက်နဲ့တော့ မကင်းကြတော့ပါဘူး။ လူမှုရေးအရရော အသက်ငယ်သေးတဲ့အတွက် ကိုယ့်အပေါင်းအသင်းနဲ့အတူ ပျော်ဖို့ ရွှင်ဖို့အတွက် စားပွဲဝိုင်းလေးမှာ အရက်ကလေးပါမှ မြိန်တတ်ကြတာကိုး။ အဲ့လိုသောက်ချင်သလို သောက်ပြီး နောက်နေ့ဆိုရင် အလူးအလဲခံရမယ့် ဒုက္ခကတော့ အရက်နာကျတဲ့ဝေဒနာပါပဲ။ သောက်တဲ့ပမာဏနဲ့ လူပေါ်မူတည်ပြီး ဝေဒနာပြင်းထန်မှုက ကွာသွားနိုင်တယ်ဆိုပေမယ့် လူအများစုအနေနဲ့တော့ ဒီပြဿနာကို မလွဲမသွေ ကြုံကြရတတ်ပါတယ်။

အရက်နာကျတဲ့ ဝေဒနာဟာ အရမ်းအဆိုးရွားကြီး မဟုတ်တဲ့တိုင်အောင် ခံစားရတဲ့သူအတွက် မသက်သာသလို ဘေးလူအမြင်မှာလည်း သိပ်ကိုကြည့်ရဆိုးပြီး ကဲ့ရဲ့ချင်စရာဖြစ်နေတတ်ပါတယ်။ ညကလည်း အိပ်တာနောက်ကျတော့ မျက်တွင်းကညို၊ အသားက မွဲခြောက်ခြောက်၊ လူကို ကြည့်ရင်လည်း အားမရှိဘဲ နုံးခွေနေသလို၊ အိပ်ချင်နေသလို၊ အစားကလည်း မစားနိုင်၊ ရေလည်း မသောက်နိုင်၊ အဆိုးဆုံးကတော့ မူးဝေအော့အန်ပြီး ခေါင်းကိုက်တဲ့ ပြဿနာပါပဲ။

ဒီဆောင်းပါးမှာတော့ အရက်သောက်ပြီး နောက်နေ့ အရက်နာကျတဲ့အချိန်မှာ ခေါင်းကိုက်ဝေဒနာကို အမြန်ဆုံးသက်သာအောင် ဘာတွေလုပ်သင့်လဲဆိုတာနဲ့ ပတ်သက်ပြီး ပြောပြပေးမှာဖြစ်လို့ အမြဲတမ်း တစ်ခွက်တစ်ဖလား မော့တတ်တဲ့ ဘော်ဒါတွေအတွက် အဆင်ပြေမယ်လို့ မျှော်လင့်မိပါတယ်။

၁။ မနက်နိုးလာတဲ့အချိန်မှာ ရေတစ်ခွက်အပြည့်သောက်ပါ။ ညက အရက်အရှိန်ကြောင့် ခံတွင်းပျက်ပြီး သောက်ရတာတစ်မျိုး ဖြစ်နေနိုင်ပေမယ့် ရေမသောက်ဘဲတော့ မနေပါနဲ့။

၂။ ရေသောက်ပြီးတာနဲ့ ကိုယ်ခန္ဓာက တင်းနေတဲ့ အကြောတွေကို လျှော့ပါ။ ပြီးသွားမှ လမ်းထလျှောက်တာ၊ ဒိုက်ထိုးတာ၊ ထိုင်ထလုပ်တာ၊ အိပ်ထမတင်လုပ်တာ အစရှိတဲ့ လေ့ကျင့်ခန်းတွေကို အချိန် ၁၅မိနစ်လောက် ပေးပြီး လုပ်ကြည့်ပါ။ ချွေးအရမ်းထွက်ရလောက်အောင် အပြင်းအထန်တော့ လုပ်စရာမလိုပါဘူး။

၃။ ကိုယ့်ရဲ့ မနက်ပိုင်း လုပ်နေကျ အရာတွေထလုပ်ပါ။ မျက်နှာသစ်၊ သွားတိုက်၊ ရေချိုး၊ အပေါ့အလေးသွားတာမျိုးတွေ အကုန်လုပ်ပါ။

၄။ မနက်စာကို ပေါ့ပေါ့ပါးပါး စားပေးပါ။ ပေါင်မုန့်တစ်ချပ်နဲ့ ကြက်ဥမွှေကြော်၊ ဟင်းရွက်ကြော်အနည်းငယ်၊ ငါးကြော်၊ အအေးအနေနဲ့ ရေခဲရေ သို့မဟုတ် လိမ္မော်ရည်အေးအေးလေး သောက်ပေးနိုင်ပါတယ်။ သရေစာအနေနဲ့ ငှက်ပျောသီး၊ အခွံမာသီး၊ အစေ့အဆန်တွေကို စားလို့ရပါတယ်။

၅။ ဗိုက်ထဲ အစာဝင်သွားပြီဆိုရင် အားဆေးအနေနဲ့ ဗီတာမင် ဘီစစ် (Vitamin B-6) တစ်လုံးသောက်ပေးနိုင်ပါတယ်။

၆။ ဘယ်မှသွားစရာမရှိဘူးဆိုရင် တစ်ရေးတမော ပြန်အိပ်ပါ။ အရက်နာကျတတ်တဲ့သူတိုင်း မနက်ပိုင်းဆိုရင် ခေါင်းကိုက်တတ်တာ သဘာဝပဲမို့ အိပ်ပြီး ကိုယ့်ဦးနှောက်နဲ့ မျက်လုံးကို အနားပေးလိုက်တာ ပိုကောင်းပါတယ်။

၇။ အပြင်သွားတော့မယ်ဆိုရင် နေပူထဲသွားတာ တတ်နိုင်သလောက် ရှောင်ပါ။ အရက်နာကျနေတဲ့အချိန် နေပူထဲလျှောက်သွားခြင်းဟာ ခေါင်းကိုက်ဝေဒနာကို ပိုဆိုးသွားစေနိုင်ပါတယ်။

၈။ အပြင်ပဲသွားသွား၊ အိမ်မှာပဲနေနေ ရေများများသောက်ပေးပါ။ ဂက်စ်ပါတဲ့ အအေးတွေကို အာစွတ်ရုံလောက် တစ်ငုံ နှစ်ငုံစီသောက်ပေးပါ။ ဒါမှမဟုတ် သစ်သီးဖျော်ရည်တွေကို အိမ်ကနေ ကြိတ်ပြီးတော့ဖြစ်စေ၊ ဆိုင်ကနေ ဝယ်ပြီးတော့ဖြစ်စေ သောက်ပေးပါ။

၉။ တစ်နေရာထဲမှာ အကြာကြီးထိုင်တာ၊ လှဲအိပ်တာမျိုးမလုပ်ပါနဲ့။ လုပ်စရာရှိတာတွေကို လုပ်ပါ။ အရမ်းချွေးထွက်ပြီး ပင်ပန်းလောက်အောင် မလုပ်ပါနဲ့။ ငြိမ်ငြိမ်နေနေရင် ခေါင်းကိုက်တာက ပိုဆိုးတတ်တယ်ဆိုတာ သတိထားပါ။

၁၀။ အရက်နာကျတာ သက်သာသွားရင်တောင် အရက်ကို အနည်းဆုံး တစ်ရက်လောက်ရှောင်ပေးပါ။ မရှောင်နိုင်ရင်လည်း ကိုယ်သောက်နိုင်တဲ့ပမာဏထက် အများကြီးလျှော့သောက်ပါ။

တော်ရုံတန်ရုံ အရက်နာကျပြီး ခေါင်းကိုက်တာကိုတော့ ခုပြောပြခဲ့တဲ့ နည်းလမ်းတွေကို သေချာလိုက်နာပြီး အမြန်ပျောက်အောင် ကုသလို့ရပါတယ်။ ဘယ်အရာမဆို တန်ဆေး၊ လွန်ဘေးဆိုတဲ့ စကားအတိုင်း ဘော်ဒါတို့လည်း စိတ်ကိုချည်းအလွတ်မပေးဘဲ အသိစိတ်ကို စဉ်းစားဉာဏ်နဲ့ ထိန်းပြီး လျှော့သောက်ကြဖို့ ထပ်ဆောင်းပြောကြားရင်း ဒီမှာပဲ နိဂုံးချုပ်လိုက်ပါတယ်။

Hello Health Group သည် ဆေးပညာ အကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကိုဗစ်ကာလမှာ ကလေးတွေဂိမ်းပိုဆော့လာတာကို အပြစ်မမြင်သင့်တော့ပါ

ကိုဗစ်ကာလမှာ မိဘတွေနဲ့ တီးခေါက်ကြည့်မိသလောက် ကလေးတွေနဲ့ ကျောင်းတက်နေဆဲဖြစ်တဲ့ ဆယ်ကျော်သက်အရွယ်တွေ အရင်ကထက် ပိုပြီး ဂိမ်းဆော့လာတယ်လို့ ပြောနေကြတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 29, 2020 . 2 mins read

Gym ကစားခြင်းနှင့် လူသိမှားနေသေးသော ဂျင်းတချို့…

Gym ယုံတမ်းစကား ကြွက်သား ကိုယ်အလေးချိန် ကျန်းမာရေး အလှအပ ခန္ဓာကိုယ် ဝက်ခြံ ကျားဟော်မုန်း လိင်အင်္ဂါ လိင်မှုကိစ္စ သုက်လွှတ် လေ့ကျင့်ခန်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

သုက်ထွက်မြန်တဲ့ အမျိုးသားများ ကုသမှုခံယူဖို့ လိုအပ်လာပြီဆိုရင်…

သုက်ထွက်မြန် အမျိုးသား ကုထုံး လိင်ပိုင်းဆိုင်ရာ လိင်ဆက်ဆံ လိင်တံ ထောင်မတ် ကျားဟော်မုန်း တက်စတိုစတီရုန်း လူငယ် စိတ်ဖိစီးမှု လေ့ကျင့်ခန်း သုက်လွှတ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

အသက် ၅၀ ကျော်လာချိန်မှာ ဘယ်လို ကိုယ်အလေးချိန်လျှော့ချကြမလဲ

အသက် ၅၀ ကျော်မှာ ခန္တာကိုယ်ယိုယွင်းလာမှုကြောင့် ကိုယ်အလေးချိန် ထိမ်းသိမ်းဖို့ ခက်ခဲလာပါတယ်။ ဒါပေမယ့် ရိုးရှင်းတဲ့နည်းလမ်းတွေသုံးပြုပြီး ထိမ်းညှိလို့ရပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

ကိုဗစ်ကာလမှာ Gym ပြန်ကစားတော့မယ်ဆိုရင်…

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် နိုဝင်ဘာ 17, 2020 . 2 mins read
ဆီးချိုသမားတွေ COVID-19 ကူးစက်ခံရရင် သေဆုံးနိုင်ခြေ ၁၂ ဆပိုမြင့်

ဆီးချိုသမားတွေ COVID-19 ကူးစက်ခံရရင် သေဆုံးနိုင်ခြေ ၁၂ ဆပိုမြင့်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် နိုဝင်ဘာ 5, 2020 . 2 mins read
ဖနောင့်အတက်ထွက်ခြင်းအား ခွဲစိတ်ကုသခြင်း

ဖနောင့်အတက်ထွက်ခြင်းအား ခွဲစိတ်ကုသခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် နိုဝင်ဘာ 4, 2020 . 2 mins read
အမျိုးအစား (၁) ဆီးချိုရောဂါရှိနေတဲ့ ကလေးကို ဘယ်လို ပျိုးထောင်ပေးမလဲ။

အမျိုးအစား (၁) ဆီးချိုရောဂါရှိနေတဲ့ ကလေးကို ဘယ်လို ပျိုးထောင်ပေးမလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် နိုဝင်ဘာ 4, 2020 . 3 mins read