ခေါင်းကိုက်ခြင်းကို ဖြစ်စေတဲ့အကြောင်းရင်း (၁၀)ခု

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

ခေါင်းကိုက်လိုက်တာ။ ဘာမှမလုပ်ချင်ဘူး။ ဘာလို့များခေါင်းကိုက်ရတာလဲမသိဘူး၊ ဆိုတဲ့သူတွေများရှိလား။ ဒါဆိုရင်တော့ ဘာကြောင့်ခေါင်းကိုက်ရတာလဲသိချင်တယ်ဆိုရင် ဒီဆောင်းပါးလေးကနေ ကူညီပေးပါရစေနော်။

ခေါင်းကိုက်….ခေါင်းကိုက်…..ခေါင်းကိုက်

ခေါင်းကိုက်တယ်ဆိုတာက ခေါင်းထဲမှာနေရတာ သက်တောင့်သက်သာမရှိတဲ့အနေအထားမျိုးပါ။ လှုပ်ရှားလွန်းတာကြောင့် ဖြစ်နိုင်သလို ခေါင်းထဲမှာရှိတဲ့ နာကျင်မှုကိုအာရုံခံတဲ့ အစိတ်အပိုင်းတွေမှာ ပြဿနာရှိနေတာကြောင့်လည်းဖြစ်နိုင်ပါတယ်။ ခေါင်းကိုက်တာကအကြောင်းအမျိုးမျိုးကြောင့်ဖြစ်နိုင်ပြီး ခေါင်းကိုက်တဲ့အမျိုးအစားကလည်း အမျိုးမျိုးပါ။ သာမန်ခေါင်းကိုက်တာက က ရောဂါတစ်ခုခုကြောင့်ဖြစ်တဲ့ရှေ့ပြေးလက္ခဏာတစ်ရပ်မဟုတ်ပါဘူး။

ဦးနှောက်ထဲမှာ ဖြစ်ပေါ်တဲ့ Chemical activity၊ ဦးခေါင်းခွံတဝိုက်က အာရုံကြောတွေ၊သွေးကြောတွေ၊ ဦးခေါင်းနဲ့ဇက်က ကြွက်သားတွေက ခေါင်းကိုက်တာကိုဖြစ်စေရာမှာ အခန်းကဏ္ဍတစ်ရပ်အနေနဲ့ပါဝင်နေကြတာပါ။

ဒီအချက်တွေကြောင့် ခေါင်းကိုက်စေနိုင်တယ်နော်

သင့်ကိုခေါင်းကိုက်စေရတဲ့အကြောင်းအရင်းတွေကတော့ တော်တော်လေးများပါတယ်။ နေ့စဉ်ဘဝမှာလုပ်မိနေတဲ့ အချက်တွေကြောင့်လည်း ခေါင်းကိုက်တာကိုခံစားရနိုင်ပါတယ်။

(၁) ရာသီဥတုအခြေအနေ – ခေါင်းကိုက်ရခြင်းရဲ့ အဓိကအကြောင်းအရင်းတွေထဲကတစ်ခုပေါ့။ ရာသီဥတုအခြေအနေတိုင်း ကတော့ခေါင်းကိုက်တာကိုမဖြစ်စေနိုင်ပါဘူး။ အရမ်းပူလွန်းတဲ့ရာသီဥတုအခြေအနေ၊ ပတ်ဝန်းကျင်က စိုထိုင်းဆ ပြောင်းလဲသွားမှုအနေအထားတွေက ဦးနှောက်ရဲ့ ဓါတုပစ္စည်းထုတ်လုပ်မှုကို ပြောင်းလဲသွားခြင်းတို့က ခေါင်းကိုက် တာကိုဖြစ်စေတာပါ။

(၂) စိတ်ဖိစီးမှု – ခေါင်းကိုက်ရခြင်းရဲ့ ၃ ပုံ တစ်ပုံလောက်က စိတ်ဖိစီးမှုများတာကြောင့်ပါ။ တစ်နေ့တာမှာကြုံတွေ့ရတဲ့ စိတ်ဖိစီးမှုကြောင့် ပခုံး၊ဇက်နဲ့ဦးရေပြားကကြွက်သားတွေမှာတင်းအားတွေဖြစ်ပေါ်ပြီး ခေါင်းကိုက်နိုင်ပါတယ်။ စိတ်ဖိစီးမှုကြောင့် ခေါင်းကိုက်တာသက်သာစေဖို့က အသက်ရှုလေ့ကျင့်ခန်းလေးလုပ်ကြည့်ပါနော်။

(၃) ဒေါသဖြစ်တာ – ဒေါသထွက်တာက စိတ်ရောရုပ်ကိုပါတော်တော်လေးထိခိုက်စေတာပါ။ ဒေါသထွက်တဲ့အခါ ဇက်နဲ့ဦးရေပြားကကြွက်သားတွေတင်းလာပြီး ခေါင်းကိုက်နိုင်ပါတယ်။ ဒေါသထွက်တဲ့အခါ အသက်ခပ်ပြင်းပြင်းရှုထုတ် လိုက်ပါ။ ဒါက ဒေါသကြောင့်ခေါင်းမကိုက်အောင်ကာကွယ်လိုက်တာပါပဲ။

(၄) အလင်းစူးလွန်းတာ – ဖုန်း၊ကွန်ပျူတာမျက်နှာပြင်တို့ကအလင်းစူးလွန်းတာကြောင့် ဦးနှောက်တွင်းက ဓါတုပစ္စည်းပမာဏ ကိုတိုးစေပြီးခေါင်းကိုက်စေနိုင်ပါတယ်။ ဒါကြောင့်ဖုန်းတို့ကွန်ပျူတာတို့ရဲ့ မျက်နှာပြင်အလင်းရောင်ကို လျှော့ပြီး သုံးပေးပါ။

(၅) အစားအသောက် – အစားအသောက်က ကျန်းမာရေးအတွက်တော်တော်လးအရေးပါပါတယ်။ ဒါပေမယ့် အစားအစာဆိုတာက စားတတ်ရင် အားဖြစ်ပေမယ့် မစားတတ်ရင် ထိခိုက်နိုင်ပါတယ်နော်။ ချိစ်၊ချောကလက်၊ အချဉ်သီးတွေ၊ အသားဆားနယ်တွေ၊ အခွံမာသီးတွေ၊ ကြက်သွန်နီ၊ အငန်များတဲ့အစားအစာတွေနဲ့ အချိုမှုန့်ကဲတဲ့ အစားအစာတွေကြောင့် ခေါင်းကိုက်စေနိုင်ပါတယ်။

(၆) သောက်စရာ – သောက်စရာမှာရေကလွဲလို့ ကျန်တဲ့သောက်စရာတွေကိုသောက်တာက ခေါင်းကိုက်တာကိုဖြစ်စေနိုင်ပါ တယ်။ ကော်ဖီလက်ဖက်ရည်၊အယ်လ်ကိုဟောပါတဲ့သောက်စရာတွေက ခေါင်းကိုက်စေနိုင်ပါတယ်။ ဒါကြောင့် အယ်လ်ကိုဟောနဲ့ကဖင်းပါတဲ့သောက်စရာတွေကို အတိုင်အချင့်လေးနဲ့သောက်ပြီး ရေများများသောက်ပေးပါ။ ရေဓါတ်ဆုံးရှုံးတာေကြာင့်လည်း ခေါင်းကိုက်နိုင်ပါတယ်။

(၇) အစာစားချိန်မမှန်တာ – အလုပ်များနေလို့ မနက်စာတောင်မစားလိုက်မိဘူး။ တော်ပါပြီ အချိန်လွန်နေလို့ ညနေမှပဲစားတော့မယ်မလုပ်ပါနဲ့နော်။ အစားစားချိန်မမှန်တာကြောင့် သွေးတွင်းသကြားဓါတ်ကျဆင်းသွားတဲ့အခါ ခေါင်းကိုက်နိုင်ပါတယ်နော်။ အလုပ်များနေရင်တောင်တစ်ခုခုတော့စားပါ။

(၈) အိပ်ရေးမဝတာ – အိပ်ရေးမဝခြင်းက ခေါင်းကိုက်ခြင်းကိုဖြစ်တဲ့ နံပါတ် ၁ အကြောင်းအရင်းပါ။ ညတိုင်း ညဉ့်နက်အထိနေတာမျိုးမလုပ်ဘဲ အိပ်ချိန်ကိုတိတိကျကျလေးသတ်မှတ်ပြီး စောစောအိပ်ရာဝင်နိုင်ဖို့ ကြိုးစားပါ။

(၉) လေ့ကျင့်ခန်းတွေ အလွန်အကျွံလုပ်တာ – လေ့ကျင့်ခန်းလုပ်တာက ခန္ဓါကိုယ်ကို ကျန်းမာကြံ့ခိုင်စေနိုင်တယ်ဆိုပေမယ့် လေ့ကျင့်ခန်းအလွန်အကျွံလုပ်တဲ့အခါ ဦးခေါင်းနဲ့ဇက်မှာ သွေးစီးဆင်းမှုတိုးသွားစေပြီး သွေးကြောတွေကိုရောင်စေနိုင်ပါ တယ်။ ဒီအခြေအနေက ခေါင်းကိုက်တာကိုဖြစ်စေနိုင်ပါတယ်။ တစ်ပတ်ကို ၃ ကြိမ် ကနေ ၅ကြိမ်လောက်လေ့ကျင့်ခန်း လုပ်တာက အသင့်တော်ဆုံးပါ။

(၁၀) အချိန်အကြာကြီး တစ်ပုံစံတည်းနေခြင်း – ရှေ့ကိုကိုင်းပြီး အချိန်အကြာကြီးထိုင်တာက နောက်ကျောနဲ့ ဇက်ကြွက်သားတွေကိုတင်းစေပြီး ခေါင်းကိုက်တာကိုဖြစ်ပေါ်စေနိုင်ပါတယ်။ ဒါကြောင့် ပုံစံတစ်ခုတည်းမှာ အချိန်အကြီးမထိုင်ပါနဲ့။ ကိုယ်ကို မတ်မတ်လေးထိုင် ပေးပါ။

ကဲ…………. နေ့စဉ်ဘဝမှာ ခေါင်းကိုက်တာကြောင့် စိတ်မညစ်ရစေဖို့ အခုပြောပြခဲ့တဲ့အချက်လေးတွေကို သတိထား ဆင်ခြင်လိုက်ပါနော်။

Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

စမတ်ဖုန်းတွေပေါ်မှာ တစ်လနီးပါး ရှင်သန်နိုင်တဲ့ COVID-19 ဗိုင်းရပ်စ်ပိုး

ကမ္ဘာတစ်ဝှမ်းလုံးမှာ ကပ်ဘေးတစ်ခုအဖြစ် ဒုက္ခပေးနေတဲ့ COVID-19 ဗိုင်းရပ်စ်ပိုးတွေဟာ စမတ်ဖုန်းတွေပေါ်မှာ တစ်လနီးပါး ရှင်သန်နိုင်တယ်လို့ သိရှိလာရပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 19, 2020 . 2 mins read

မကြာခဏဆီးသွား နေတတ်သူများအတွက်

မကြာခဏဆီးသွား နေတတ်သူများဟာ ကြာလာတဲ့အခါ ကျန်းမာရေးပြဿနာအပြင် လူမှုရေးပြဿနာတွေပါ ကြုံရတတ်ပါတယ်။ ဆောင်ရန် ရှောင်ရန်များကို သေချာ လိုက်နာဖို့ လိုပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

Stay Home မှာ ထွက်လာတဲ့ဗိုက်ကလေးကို ဒီနည်းလမ်းတွေနဲ့ ပြန်ချပါ

Stay Home မှာ ဗိုက်အဆီ တက်လာတဲ့ ကိစ္စ ဘယ်လို ဖြေရှင်းကြမလဲ ဆိုတာ Hello ပရိသတ်တွေအတွက် အကြံပြုချက်လေး တချို့ကို ဖော်ပြပေးထားပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 19, 2020 . 2 mins read

နေ့ရက်တိုင်းကို စိတ်တက်ကြွလန်းဆန်းစွာ ဖြတ်သန်းစေနိုင်ဖို့

စိတ်ထောင်းလို့ ကိုယ်ကြေဆိုသလိုပဲ စိတ်ဖိစီးတွေကြောင့် ခန္ဓာကိုယ်မှာ ဝန်ပိပြီး ပင်ပန်းနွမ်းနယ်တာတွေ၊ စိတ်ရှုပ်ထွေးတာ၊ အာရုံမစူးစိုက်နိုင်တာတွေ ဖြစ်လာမှာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

အချဉ်တွေစားရင် ကျန်းမာတယ် ဆိုတာ မှန်ရဲ့လား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် အောက်တိုဘာ 20, 2020 . 2 mins read
ရိုးရိုးအိပ်မပျော်တာလား အိပ်မပျော်တဲ့ရောဂါရနေတာလား

ရိုးရိုးအိပ်မပျော်တာလား အိပ်မပျော်တဲ့ရောဂါရနေတာလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် အောက်တိုဘာ 20, 2020 . 3 mins read
သွားတွေ ဘာကြောင့် ဝါသလဲ၊ သွားမဝါအောင် ဘယ်လိုလုပ်ကြမလဲ

သွားတွေ ဘာကြောင့် ဝါသလဲ၊ သွားမဝါအောင် ဘယ်လိုလုပ်ကြမလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် အောက်တိုဘာ 20, 2020 . 2 mins read
ခန္ဓာကိုယ် အပူချိန်ရဲ့ စိတ်ဝင်စားဖွယ်ရာ အချက်များ

ခန္ဓာကိုယ် အပူချိန်ရဲ့ စိတ်ဝင်စားဖွယ်ရာ အချက်များ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် အောက်တိုဘာ 19, 2020 . 2 mins read