Plank ကနေပေးတဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 27, 2020 . 2 mins read
Share now

အခုနောက်ပိုင်း လူငယ်တော်တော်များများက ခန္ဓာကိုယ် ကျန်းမာသန်စွမ်းပြီး အချိုးကျလှပစေဖို့အတွက် လေ့ကျင့်ခန်းအမျိုးမျိုးကိုလုပ်လာကပါတယ်။ လေ့ကျင့်ခန်းတွေက ကိုယ်နေဟန်ထားကို မှန်ကန်စေသလို ခန္ဓာကိုယ်ကို သိသိသာသာကျန်းမာစေနိုင်ပါတယ်။ ဒီတစ်ခေါက်တော့ ကိုယ်နေဟန်ထားမှန်ကန်စေပြီး ဝမ်းဗိုက်ကြွက်သားတွေကို ကျန်းမာသန်စွမ်းစေနိုင်တဲ့ Plank လေ့ကျင့်ခန်းလေးအကြောင်း နည်းနည်းလောက်ဆွေးနွေးရအောင်လား။

Plank ထောက်တာကို ဘယ်လိုစလုပ်ရမလဲ…….

Plank ထောက်ဖို့အရင်ဆုံး တပြေးညီ ကြမ်းပြင်ကျယ်ကျယ်လေးရှိဖို့လိုပါမယ်။ ပြီးရင်တော့ ကြမ်းပြင်ပေါ်မှာ လက်နှစ်ဖက် နဲ့ ဒူးနှစ်ဖက်ကို ထောက်လိုက်ပါ။ လက်တွေကို ပခုံးနဲ့တစ်တန်းတည်းဖြစ်အောင်ထားပါ။ ခြေထောက်တွေကိုလည်း တင်ပါးအကျယ်အတိုင်းထားပါ။ ပြီးရင် ခြေထောက်တွေကိုဆန့်ထုတ်လို့ ခြေဖျားပေါ်မှာအားပြုပါ။ လက်တွေကိုလည်း လက်သီးဆုပ်လို့ လက်ဖျံပေါ်မှာ အားပြုပါ။ ဝမ်းဗိုက်ကို ချပ်ထားပြီး ခါးကိုဆန့်တန်းထားပါ။ ခေါင်းငုံ့ထားပါ။ ခေါင်းကနေ ခြေဖျားအထိ တပြေးတည်းဖြစ်နေပါစေ။ စစချင်းမှာ ၁၅ စက္ကန့် ဒီလိုကနေမှ စက္ကန့် ၃၀ ၊ တစ်မိနစ်လောက်အထိတိုးလုပ်သွားပေးပါ။

Plank ထောက်တာကြောင့် ဘာတွေ ထူးလာမလဲ….

နေ့စဉ်ပုံမှန် မနက်အိပ်ရာထတဲ့အချိန်၊ ရေမချိုးခင်တွေမှာ ပုံမှန် Plank ထောက်ပေးတာ အခုလို ကျန်းမာရေးအကျိုးကျးဇူးတွေကို ရစေနိုင်ပါတယ်။

Plank ထောက်တာက ဝမ်းဗိုက်ကြွက်သား၊ လက်ကြွက်သား၊ ခါးအောက်ပိုင်းကြွက်သားတွေအပါအဝင် တစ်ကိုယ်လုံးက ကြွက်သားတွေကို အသုံးပြုရတာဖြစ်တာကြောင့် ကြွက်သားတွေကို သန်မာလာစေမှာပါ။

  • ကျောရိုး နဲ့ ကြွက်သားတွေကို သန်မာစေနိုင်တယ်

Plank ထောက်တဲ့ လေ့ကျင့်ခန်းရဲ့ အားသာချက်က အခြားလေ့ကျင့်ခန်းတွေလို ပင်ပင်ပန်းပန်းလုပ်ပြီး  ကြွက်သားတွေကို တည်ဆောက်ရတာ မဟုတ်တာကြောင့်  ကြွက်သားတွေ ဒဏ်ဖြစ်မှာ မစိုးရိမ်ရပါဘူး။ နောက်တစ်ခုကတော့ ပုံစံမှန်မှန်နဲ့ Plank ထောက်ပေးတာက ခါးနာတာကိုတောင်သက်သာစေပြီး ကျောရိုးမှာ ဒဏ်ဖြစ်တာမျိုးမရှိသလို ကျောရိုးနဲ့ကြွက်သားတွေကို သန်မာစေနိုင်ပါတယ်။

Plank ထောက်တာက အခြား ဝမ်းဗိုက်ကြွက်သားကျစ်လျစ်အောင်လုပ်ရတဲ့ လေ့ကျင့်ခန်းတွေထက် ကယ်လ်လိုရီတွေကို ပိုမိုလောင်ကျွမ်းစေနိုင်ပါတယ်။  အထိုင်များတဲ့ အလုပ်လုပ်နေရရင်တောင်မှ နေ့တိုင်း plank ထောက်ပေးမယ်ဆိုရင် ခန္ဓာကိုယ်တွင်းမှာ အဆီပိုတွေမရှိအောင် အကောင်းဆုံးလောင်ကျွမ်းစေနိုင်ပြီး ကျန်းမာနေစေမှာ အသေအချာပါ။

  • ကိုယ်နေဟန်ထား အဆင်ပြေစေတယ်

Plank ပုံမှန်ထောက်တာက လက်ပြင်ကိုင်းတာအပါအဝင် ကိုယ်နေဟန်ထားမမှန်တာတွေကို သိသိသာသာ သက်သာစေနိုင်ပါတယ်။ ရေရှည်လုပ်ပေးတဲ့အခါ ခန္ဓာကိုယ်က ပုံစံတကျလှပလာတာကို တွေ့ရမှာပါ။ အကြောင်းကတော့ plank ထောက်တာက အရိုး၊အဆစ်တွေ နဲ့ အရွတ်တွေကို ပုံစံတကျရှိစေပြီး ကြွက်သားတွေကိုလည်း သန်မာစေနိုင်ပါတယ်။ ကျန်းမာပြီး စမတ်ကျကျ ကိုယ်နေဟန်ထားလေးပိုင်ဆိုင်ချင်ရင်တော့ plank ထောက်ပါ။

  • ဟန်ချက်ညီစေတယ်

ခြေထောက်တစ်ဖက်တည်းပေါ်မှာ ရပ်ဖို့ ကြိုးစားလိုက်တိုင်း မအောင်မြင်ဘူးဆိုတာက ခန္ဓာကိုယ် ဟန်ချက်ကို ကောင်းကောင်းမထိန်းနိုင်သေးလို့ပါ။ ခန္ဓာကိုယ်ကို ဟန်ချက်အညီဆုံးဖြစ်အောင် ထိန်းချင်တယ်ဆိုရင်တော့ plank ထောက်ပါ။ Plank ထောက်တာက ဝမ်းဗိုက်ကြွက်သားတွေကိုတင် သန်စွမ်းစေတာမဟုတ်ပါဘူး။ ခန္ဓာကိုယ်ကို ဟန်ချက်ညီစေဖို့လည်း အကောင်းဆုံး ထောက်ပံ့ပေးနိုင်ပါတယ်။

  • ခန္ဓာကိုယ်ကို ပျော့ပျောင်းလာစေမယ်

နေ့စဉ်ပုံမှန် plank ထောက်ပေးတာက အကြောလျှော့ပေးသလိုပါပဲ။ Plank ထောက်တာက တစ်ကိုယ်လုံးက အကြောတွေကိုပြောလျော့စေပြီး အချိန်ကြာလာတဲ့အခါ ပျော့ပျောင်းတဲ့ ခန္ဓာကိုယ်ကိုပိုင်ဆိုင်နိုင်စေမှာပါ။ ခါးကိုကောင်းကောင်းကိုင်းလို့မရအောင် အကြောတင်းနေတယ်၊ ခြေထောက် မတ်မတ်ထောင်လို့မရအောင် အကြောတင်းနေတယ်ဆိုသူတွေ လုပ်ပေးကြည့်သင့်တဲ့ လေ့ကျင့်ခန်းတစ်ရပ်ပါ။

Plank ကလည်း ကိုယ်လက်လေ့ကျင့်ခန်းတစ်ခုဖြစ်တာကြောင့် ဦးနှောက် အပါအဝင် ခန္ဓာကိုယ်တစ်ခုလုံးကို သွေးစီးဆင်းရောက်ရှိမှုကောင်းစေပါတယ်။ ဦးနှောက်ဆီ သွေးစီးဆင်းရောက်ရှိမှုကောင်းစေတာက စိတ်ကူးဖန်တီးနိုင်စွမ်းကောင်းစေသလို စိတ်ပူပန်တာ၊ စိတ်ဓာတ်ကျတာတွေမဖြစ်အောင် အကောင်းဆုံး ကာကွယ်ပေးနိုင်ပါတယ်။

Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"
ရင်းမြစ်များ

သင်ဒါလည်း နှစ်သက်နိုင်ပါတယ်။

ဗီတာမင် PP ကြွယ်ဝတဲ့ အစားအစာတွေက ဘာတွေလဲ။

ခန္ဓာကိုယ်အတွက် ဇီဝကမ္မဖြစ်စဉ်တွေ ကောင်းမွန်စေဖို့ လုပ်ဆောင်ပေးသလို ဓာတ်တိုးဆန့်ကျင်ပစ္စည်း အနေနဲ့ ဓာတ်တိုးပစ္စည်းတွေ အန္တရာယ်ကနေ ကာကွယ်ပေးနေတာပါ။ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အိုမင်းရင့်ရော်ခြင်းနှင့်သက်ဆိုင်သော အသိမှား အမြင်မှားများ

လူတစ်ယောက် မကျန်းမမာဖြစ်ရတဲ့ အဓိကအချက်က နေထိုင်စားသောက်ပုံ စနစ်မကျလို့သာဖြစ်ပါတယ်။ အသက်ကြီးလာတာနဲ့ တချို့ရောဂါတွေက မဖြစ်မနေဖြစ်မယ်လို့ မှတ်ယူထားလို့မရပါဘူး။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ခေါင်းကိုက်နေရင် ဘာတွေ သောက်မလဲ။

ခေါင်းကိုက်လိုက်တာ။ ဘာမှကို အာရုံစိုက် မရဘူးဆိုပြီး စိတ်ညစ်နေပြီလား။ သောက်စရာလေးတွေကို သောက်ပြီး ခေါင်းကိုက်တာကို ခပ်ဝေးဝေး မောင်းထုတ်လိုက်ကြစို့လား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

နှလုံးရောဂါ ကာကွယ်ပါ

နှလုံးရောဂါဖြစ်ပွားနိုင်ခြေရှိတဲ့ အကြောင်းအရင်းတွေကို ပြုပြင်ယူလို့ရတာရှိသလို မပြုပြင်နိုင်တာလည်း ရှိပါတယ်။မျိုးရိုးဗီဇကြောင့် နှလုံးရောဂါ ဖြစ်နိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

သင့်အတွက် ရွေးချယ်ထားသည်

ကျောက်ကပ်ဆေးနေရတဲ့ ဖိုးဖိုးဖွားဖွားတွေကို ဘာတွေ ပြင်ဆင်ပေးမလဲ။

ကျောက်ကပ်ဆေးနေရတဲ့ ဖိုးဖိုးဖွားဖွားတွေကို ဘာတွေ ပြင်ဆင်ပေးမလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 18, 2020 . 1 min read

မျက်မှန်တပ်သူတိုင်း သိထားဖို့ လိုတဲ့ ဆောင်ရန်၊ ရှောင်ရန်များ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် စက်တင်ဘာ 17, 2020 . 2 mins read
ရေကူးနေရင်း ကြွက်တက် လာရင်

ရေကူးနေရင်း ကြွက်တက် လာရင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် စက်တင်ဘာ 17, 2020 . 2 mins read
ကိုယ်ဝန်ဆောင် မေမေ အသားအရေ လှစေဖို့ ဒါတွေ စားဖို့ မမေ့နဲ့နော်။

ကိုယ်ဝန်ဆောင် မေမေ အသားအရေ လှစေဖို့ ဒါတွေ စားဖို့ မမေ့နဲ့နော်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 17, 2020 . 1 min read