သင့်မျက်နှာကို လှပစေမယ့် အက်ဆစ်အမျိုးအစားတွေ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 15, 2020 . 2 mins read
Share now

အက်ဆစ်လို့ ကြားတာနဲ့ လုံးဝမထိတွေ့သင့်တဲ့အရာတစ်ခုမို့ ဘုရား ဘုရား တနေချင်စရာပါ။ ဒါပေမယ့် အက်ဆစ်တိုင်းကတော့ လူတွေကို အန္တရာယ်ပေးနိုင်တာမဟုတ်ပါဘူး။ တချို့ အက်ဆစ်တွေဆို အလှအပအတွက်တောင် အထောက်အကူပြုပါသေးတယ်။

တချို့သော အက်ဆစ်အမျိုးအစားတွေဟာဆိုရင် မျက်နှာပေါ်တောင် တင်လို့ရပါတယ်။ “မျက်နှာလှချင် အက်ဆစ်တင်” လို့ ဆိုရမလို ဝက်ခြံအတွက်လိမ်းရတဲ့ ဆေးတွေ၊ အသားအရည်လှပဖို့ လိမ်းရတဲ့ Skincare တွေထဲမှာ အက်ဆစ်ပျော့လေးလေးတွေ ပါဝင်နေတတ်တယ်လေ။

တစ်ခုတော့ရှိတာပေါ့။ လှစေတာဆိုတာနဲ့ ဒီအတိုင်းပြေးကိုင်လို့တော့ ဘယ်ရမတုန်း။ အကျိုးပြုအက်ဆစ်တွေ ပါဝင်တဲ့ Skincare Series လေးတွေကို ရွေးချယ်ပြီးသုံးစွဲရမှာပါ။

ခုတော့ ဘယ်လို အက်ဆစ်မျိုးတွေက ကိုယ့်ကို အကျိုးပြုမှာလဲဆိုတာကို လေ့လာကြည့်ရအောင်။

Salicylic Acid

အရေပြားမွေးညင်းပေါက်ထဲထိ ရောက်ရှိပြီး အဆီတွေ ၊ အညစ်အကြေးတွေကို သန့်စင်နိုင်စွမ်းရှိတဲ့အက်ဆစ်ပါ။ အဆီထွက်လွန်းတဲ့ အခြေအနေကိုထိန်းချုပ်ဖို့ မျက်နှာသစ်ဆေးတွေထဲမှာ ဒီအက်ဆစ်ကိုသုံးပါတယ်။

သူကရောင်ရမ်းနာကျင်မှုတွေ ၊ မျက်နှာပေါ်ကဆိုးရွားတဲ့ အဖုအပိမ့်တွေ အနာတွေ ၊ တင်းတိပ် နေလောင်ကွက်တွေကိုပါ ကုသနိုင်ပါတယ်။ ဒါပေမဲ့ လွန်လွန်ကျွံကျွံသုံးရင် အရေပြားနဲ့ထိတွေ့ချိန်ကြာရင် အသားလောင်စေတာပဲမို့ ညွှန်ကြားချက်အတိုင်းသာ အသုံးပြုရမှာပါ။

Glycolic Acid

သူကတော့ အမည်းစက် နေလောင်ဒဏ်ရာ၊ မှဲ့ခြောက်၊ ဝက်ခြံ နဲ့ အမာရွတ် တွေကို ကုသဖို့ အတွက်ဖြစ်ပါတယ်။ အရေပြားအတွင်းလွှာရော အပေါ်ယံလွှာကိုပါ ပြုပြင်ပေးနိုင်တာမို့ အလှအပအတွက်အသုံးများပါတယ်။ ဒီအက်ဆစ်ကို Toner ၊ Moisturizer တို့ထုတ်လုပ်ရာမှာ အများဆုံးသုံးပါတယ်။

Citric Acid

လိမ္မော်တို့၊ သံပုရာသီးတို့မှာ ပါတတ်တဲ့ အက်ဆစ်မျိုးပါ။ Antioxidant ပါဝင်တာကြောင့် နေလောင်တာတွေ၊ အသားအရည် သဘာဝအတိုင်းပြန်ဖြစ်တာတွေဖြစ်အောင် ကူညီနိုင်ပါတယ်။

Hyaluronic Acid

ဒီအက်ဆစ်ကတော့ သကြားဂျယ်တစ်မျိုးဖြစ်ပါတယ်။ ရေဓာတ်ဆုံးရှုံးမှုကို ပြန်လည်ဖြည့်တင်းပေးနိုင်ပါတယ်။ ရေဓာတ်အားဖြည့်ပေးတယ်လို့ ဆိုထားတဲ့ အလှကုန်အများစုမှာ ဒီအက်ဆစ်ပါဝင်နေလေ့ရှိပါတယ်။ အရေပြားအမျိုးအစားအားလုံးနီးပါးနဲ့ အဆင်ပြေပေမယ့် စပ်ဖျဉ်းဖျဉ်းဝေဒနာတော့ ကြုံရတတ်ပါတယ်။

Lactic Acid

နို့ရည်တွေကနေ တိုက်ရိုက်ရရှိနိုင်ပါတယ်။ အသားအရောင်ညီညာစေဖို့၊ အရေးကြောင်းတွေ ပျောက်ဖို့၊ ဝက်ခြံအနာရွတ်တွေ သက်သာဖို့နဲ့ ဆဲလ်သေတွေကို ဖယ်ရှားဖို့ အသုံးပြုကြပါတယ်။

Retinoic Acid

ဒီအက်ဆစ်ကတော့ ဗီတာမင် A အမျိုးအစားတစ်မျိုးပါ။ အရေးကြောင်းတွေနဲ့ အမည်းစက်တွေကို ဖယ်ရှားပေးနိုင်ပါတယ်။ အရေပြားကိုလည်း တင်းတင်းရင်းရင်းဖြစ်စေနိုင်ပါသေးတယ်။ အရေပြားကျန်းမာရေးအတွက် အတော်ကို အရေးပါတဲ့ အက်ဆစ်တစ်မျိုးပါ။

Ferulic Acid

ဒီအမျိုးအစားကတော့ ဟင်းသီးဟင်းရွက်တွေကနေ ရရှိနိုင်တဲ့ အက်ဆစ်တစ်မျိုးပါ။ Antioxidant တစ်မျိုးဖြစ်ပြီးတော့ နေရောင်ကြောင့် အရေပြားထိခိုက်ပျက်စီးတာတွေကို သက်သာစေပါတယ်။ ဗီတာမင် C နဲ့ E ကိုလည်း အရေပြားထဲမှာ ထိမ်းသိမ်းပေးနိုင်ပါတယ်။ အိုမင်းရင့်ရော်ခြင်းကို လျော့ချပေးနိုင်တဲ့ အက်ဆစ်အမျိုးအစားအဖြစ် လူသိများပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

Glass skin လေးဖြစ်အောင် အခြေခံအချက်တွေကို ဂရုစိုက်ကြမယ်။

Glass skin လေးဖြစ်စေဖို့ skin careတွေကိုပဲ သုံးရမှာ မဟုတ်ပါဘူး။ သဘာဝနည်းလမ်းတွေနဲ့လည်း ကြည်လင်တဲ့ အသားအရေလေး ဖြစ်အောင် လုပ်လို့ရပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ခြေဖနောင့်အက်ကွဲ ခြင်း ပြဿနာ

ခြေဖနောင့်အက်ကွဲတာက ခံရခက်ပြီး အခန့်မသင့်ရင် နာတာ၊ ပိုးဝင်တာ ဖြစ်တတ်ပါတယ်။ ဆီးချိုရှီတဲ့သူတွေဆို ပိုပြီး ဂရုတစိုက် ကုသသင့်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင့်မျက်နှာလေး Glow ဖို့ရာ ဒီအစားအစာတွေ နေ့စဉ်စားပါ

သင့်မျက်နှာလေး Glow နေစေဖို့ skin careတွေ မိတ်ကပ်တွေ သုံးတာအပြင် ဗီတာမင်နဲ့ သတ္တုဓာတ်တွေ ကြွယ်ဝအောင် စားပေးဖို့ လိုပါတယ်၊

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

COVID-19 ကာလ ရွေးကောက်ပွဲမှာ ဘေးကင်းရန်ကွာမဲပေးဖို့ဆိုရင်

တစ်နိုင်ငံလုံးအတွက် အရေးပါလှတဲ့ ရွေးကောက်ပွဲကြီးကာလမှာ COVID-19 ကြောင့် စိုးရိမ်ပူပန်နေရပါတယ်။ ဒီရွေးကောက်ပွဲမှာ ဘေးကင်းစွာမဲပေးနိုင်ဖို့က အရေးကြီးလှပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 19, 2020 . 3 mins read

သင့်အတွက် ရွေးချယ်ထားသည်

နားပေါက်ဖောက်ရာမှ ပိုးဝင်ခြင်း

နားပေါက်ဖောက်ရာမှ ပိုးဝင်ခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် နိုဝင်ဘာ 24, 2020 . 2 mins read
အဆီပြန်ပြီးဝက်ခြံပေါက်လွယ်သော T-zone ကို ဘယ်လိုဂရုစိုက်ကြမလဲ။

အဆီပြန်ပြီးဝက်ခြံပေါက်လွယ်သော T-zone ကို ဘယ်လိုဂရုစိုက်ကြမလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် နိုဝင်ဘာ 5, 2020 . 2 mins read

Gym ကစားခြင်းနှင့် လူသိမှားနေသေးသော ဂျင်းတချို့…

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 28, 2020 . 2 mins read

လူသိနည်းတဲ့ အိမ်မြှောင်တွေရဲ့ ကျန်းမာရေးအန္တရာယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 25, 2020 . 2 mins read