Typhoid ( အူရောင်ငန်းဖျားရောဂါ) အတွက် စားသောက်မှုပုံစံ ။ ။

    Typhoid ( အူရောင်ငန်းဖျားရောဂါ) အတွက် စားသောက်မှုပုံစံ ။ ။

    တိုက်ဖိုက် အူရောင်ငန်းဖျားရောဂါအကြောင်းအားလုံးကြားဖူးကြမှာ။ အစားအစာတွေ မသန့်ရှင်းရာကနေပါလာတဲ့ Salmonella typhi ဘက်တီးရီးယားဟာ ကိုယ်ထဲကိုရောက်သွားတဲ့အခါမှာ တိုက်ဖိုက် အူရောင်ငန်းဖျားရောဂါကိုဖြစ်စေပါတယ်။

    လက္ခဏာတွေကတော့

    နာမည်ကိုတည်းက အူရောင်ငန်းဖျားရောဂါဖြစ်တဲ့အတွက် တိုက်ဖိုက်ဖြစ်နေချိန် ကိုယ်တွင်းက အူလေးတွေ ရောင်နေမှာ ကျိန်းသေတာကြောင့် အူအတွက် အဆင်ပြေမယ့် အစားအစာတွေ ရွေးစားဖို့လိုအပ်သလို အားရှိစေမယ့် အစားအစာတွေ စားပေးဖို့လည်းလိုပါတယ်။

    အူရောင်ငန်းဖျားရောဂါဖြစ်နေတဲ့သူတွေ ဘာတွေစား၊ ဘာတွေရှောင်ရမလဲ ။ ။

    စားသင့်တာတွေက

    ( ၁ ) ဗီတာမင် ကြွယ်ဝတဲ့အစားအစာတွေဦးစားပေးစားပါ။

    ဗီတာမင်A ဗီတာမင် B နဲ့ ဗီတာမင် C တို့ဟာ ခုခံအားအတွက် အရေးပါတဲ့ ဗီတာမင်ဖြစ်တာကြောင့် ရောဂါပိုးဝင်နေတဲ့အချိန် ခုခံအားပြန်အားရှိစေဖို့ ဗီတာမင် A,B,C ကြွယ်ဝတဲ့အစားအစာတေကို စားပေးပါ။ လိမ္မောသီး၊ မုန်လာဥနီ။ သံပရာသီး ဟင်းနုနွယ်တို့ကို စားပေးဖိုကလိုပါတယ်။

    ( ၂ ) ပရိုတင်းနဲ့ ကာဘိုဟိုက်ဒရိတ် ကြွယ်ဝတဲ့အစားအစာတွေ ။

    တိုက်ဖိုက်ရောဂါဖြစ်နေတဲ့အချိန် အစားမစားနိုင်တာကတစ်ကြောင်း၊ အားနည်းနေတာက တစ်ကြောင်းနဲ့ ကိုယ်အလေးချိန် ကျသွားတတ်ပါတယ်။ ဒါ့ကြောင် အားပြန်ပြည့်စေဖို့ ပြန်ပြီး စိုစိုပြေပြေဖြစ်စေဖို့ ပရိုတင်းနဲ့ ကာဘိုဟိုက်ဒရိတ်ကြွယ်ဝတဲ့အစားအစာတွေစားပါ။ အသားပြုတ်ပျော့ပျော့Aလးတွေ စားပေးဖို့လိုသိလို အာလူးဆို့ကန်စွန်းဥတို့လည်း စားပေးလို့ရပါတယ်။

    ( ၃ )အိုမီဂါ 3 ကြွယ်ဝတဲ့အစားအစာတွေကိုများများစားပါ့။

    အိုမီဂါ 3 က ကိုယ်တွင်းရောင်ရမ်းခြင်းကိ ုလျော့ကျစေတာကြောင့် အူရောင်တာ သက်သာစေဖို့ အိုမီဂါ 3 ကြွယ်ဝတဲံ အစားအစာတွေ စားပေးဖို့လိုပါတယ်။

    ( ၄ ) ရေများများသောက်ပါ။

    ရေဓါတ်ဆိုတာ ကိုယ်တွင်းမှာ ရှိတဲ့ အညစ်အကြေးတွေကို စွန့်ထုတ်ဖို့ အကောင်းဆုံး အရာတစ်ခုပါ။ နောက်ပြီး အူရောင်ငန်းဖျားရောဂါ ဖြစ်နေတဲ့အချိန် တက်နေတဲ့ ကိုယ်အပူချိန်ကြောင့် ရေဓတ်ခမ်းခြောက်မှာ ဖြစ်သလို ပျို့အန်တာ၊ ချွေးစေးတွေပြန်တာကြောင့်လည်း ရေဓါတ်ဆုံးရှုံးတတ်ပါတယ်။ ဒါကြောင့် ရေများများပြန်သောက်ပေးဖို့လိုပါတယ်။

    ( ၅ ) အစားပျော့ပျော့စားပါ။

    အူရောင်ငန်းဖျားရောဂါကြောင့် အူတွေအားနည်းနေမှာဖြစ်တဲ့အတွက် အစာခြေရလွယ် အာဟာရလည်းရှိမယ့် ကြက်သားဆန်ပြုတ် မြူစွမ်ပြုတ်တို့ကို အဓိကစားပါ။ ကြက်ဥပြုတ်တို့ ဟင်းသီးဟင်းရွက်ပြုတ်တို့လည်း စားပေးလို့ရပါတယ်။

    ရှောင်သင့်တဲ့ အစားအစာတွေကတော့

    • ရောင်နေတဲ့ အူကို ပိုမဆိုးစေဖို့ အဆီများပြီး ပူစပ်တဲ့ အစားအစာတွေကို ရှောင်ပါ။
    • အူကို ဖိအားဖြစ်စေမယ့် အမျှင်ဓါတ်ကြွယ်ဝတဲ့ အစားအစာတွေကို မစားပါနဲ့.
    • ပျို့ချင်အန်ချင်စိတ်ပိုများစေမယ့် အနံ့ပြင်းတဲ့ ကြက်သွန်နီ ကြက်သွန်ဖြူတိုကို ရှောင်ပါ။
    • အဆီးများတဲ့ ချိစ်၊ ဆီကြော်မုန့်တို့ကိုရှောင်ပါ။

    အစားအားလုံးကို သန့်သန့်ရှင်းရှင်းထားပါ။ ယင်နားမခံပါနဲ့။ လက်သေချာဆေးပြီးမှ အစားစားပါ။ ဆရာဝန်ပေးတဲ့ဆေးကို မှန်မှန်သောက်ပါ. ကောင်းကောင်းအိပ်စက်အနားယူပါ။ ဒါဆိုရင်တော့ ဖြစ်နေတဲ့ တိုက်ဖိုက် အမြန်ဆုံး ပျောက်သွားမှာ အသေအချာပါ ။ ။

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    ရင်းမြစ်များ

    https://www.practo.com/healthfeed/tips-on-the-diet-in-typhoid-fever-94/post

    Accessed Date 14.8.2019

    https://www.lifealth.com/wellness/healthy-living/diet-during-typhoid-what-to-eat-and-what-not-to-eat-during-typhoid-av/83618/

    Accessed Date 14.8.2019

    https://doctor.ndtv.com/living-healthy/typhoid-diet-foods-to-eat-and-avoid-during-typhoid-1879975

    Accessed Date 14.8.2019

    စာရေးသူ ဓာတ်ပုံbadge
    Dr. Thin Yadanar @ Frances မှ ရေးသားသည်။ 23/06/2022 တွင် ပြန်လည်ပြင်ဆင်ခဲ့သည်။
    Dr. Thurein Hlaing Win မှ အချက်အလက် စစ်ဆေးထားပါသည်။