ကြက်သွန်နီမှာ သွေးတွင်းသကြားဓာတ်ကို ကျဆင်းစေနိုင်တဲ့ quercetin နဲ့ sulfur ဒြပ်ပေါင်းတွေ ပါဝင်နေတာကြောင့် သွေးတွင်းသကြားဓာတ်ကို ထိန်းညှိပေးနိုင်ပြီး အမျိုးအစား -၂ ဆီးချိုရှိသူတွေနဲ့ အထူးသင့်တော်ပါတယ်။ ကာကွယ်ဖို့အတွက်ရော ကုသဖို့အတွက်ပါ အသုံးပြုနိုင်ပါတယ်။
အရိုးတွေ သန်မာစေနိုင်တယ်
နို့နဲ့ နို့ထွက်ပစ္စည်းတွေကပဲ အရိုးတွေကို သန်မာစေတာမဟုတ်ပါဘူး။ ကယ်လ်ဆီယမ်ကြွယ်ဝတဲ့ ကြက်သွန်နီကလည်း အရိုးတွေကိုသန်မာစေပါတယ်။ အသက်အရွယ်ကြောင့်ဖြစ်တဲ့ အရိုးသိပ်သည်းဆ လျော့ကျမှုကိုလည်း အထိရောက်ဆုံးကာကွယ်ပေးနိုင်ပါတယ်။ အရိုးပွရာဂါ အရိုးပါးတာတွေကို ကာကွယ်လိုသူတိုင်း နေ့စဉ်ကြက်သွန်နီစားပေးသင့်ပါတယ်။
အစာခြေစနစ်ကို ကျန်းမာစေနိုင်တယ်
အမျှင်ဓာတ်နဲ့ အကျိုးပြုဘက်တီးရီးယားအာဟာရတွေပါဝင်နေမှုကြောင့် အစာခြေစနစ်ကို ကျန်းမာစေသလို အူလမ်းကြောင်းကိုလည်း ကျန်းမာစေနိုင်ပါတယ်။ အစာခြေစနစ်ကျန်းမာမှုနဲ့အတူ ကိုယ်ခံအားကို ကောင်းစေပြီး ခန္ဓာကိုယ်ကို ရောဂါတွေအန္တရာယ်ကနေ အထိရောက်ဆုံး ကာကွယ်ပေးနိုင်မှာပါ။
ဘာတွေ သတိထားရမလဲ။
ကြက်သွန်နီက အာဟာရဖြစ်တယ်ဆိုပေမဲ့ သင့်တင့်ရုံပဲ စားပေးသင့်ပါတယ်။ အလွန်အကျွံစားတာက ရင်ပူစေတာ၊ ဗိုက်ထဲ နေလို့ မကောင်းတာ ဖြစ်စေနိုင်ပါတယ်။ ဆေးဝါးတွေနဲ့လည်း ဓာတ်ပြုနိုင်တာကြောင့် ပမာဏများများ မစားဖို့ကိုလည်း သတိပေးလိုပါတယ်။
ကြက်သွန်နီစားပါလို့ပြောရတဲ့ အကြောင်းအရင်း
ကြက်သွန်နီစားပါလို့ပြောရတဲ့ အကြောင်းအရင်းကတော့
- ကင်ဆာ ကာကွယ်ပေးတယ်
- နှလုံးကျန်းမာစေနိုင်တယ်
- အိပ်ပျော်စေနိုင်တယ်
- အရေပြားနဲ့ဆံသားကို ကျန်းမာစေနိုင်တယ်
- သွေးတွင်းသကြားဓာတ်ကို ထိန်းညှိပေးတယ်
- အရိုးတွေသန်မာစေနိုင်တယ်
- အစာခြေစနစ်ကို ကျန်းမာစေနိုင်တယ်
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။