လေ့လာမှုတွေအရကတော့ ကျွဲနို့ သောက်တာက ခန္ဓာကိုယ်အတွက် အများကြီး အကျိုးပြုနိုင်ပါတယ်။ ကျွဲနို့သောက်သုံးမှုကြောင့်
ကျွဲနို့မှာ အရိုးတွေသန်မာစေဖို့ အဓိကလိုအပ်တဲ့ ကယ်လ်ဆီယမ်ကြွယ်ဝစွာပါဝင်နေပါတယ်။ နောက်တစ်ခုက နို့နဲ့နို့ထွက်ပစ္စည်းတွေမှာပါဝင်တဲ့ ပရိုတင်းဓာတ်တစ်မျိုးဖြစ်တဲ့ casein ကလည်း ၈၉ ရာခိုင်နှုန်းကျော်ပါဝင်နေပါတယ်။ ဒီလို အာဟာရဓာတ်တွေကြွယ်ဝမှုကပဲ အရိုးသိပ်သည်းဆကို ကောင်းစေပြီး အရိုးပွတာ၊ အရိုးပါးတာတွေမဖြစ်အောင် ကာကွယ်ပေးနိုင်ပါတယ်။
ဓာတ်တိုးဆန့်ကျင်အာနိသင် ကြွယ်ဝတယ်
အခြားနို့ထွက်ပစ္စည်းတွေလိုပဲ ကျွဲနို့မှာလည်း ဓာတ်တိုးဆန့်ကျင် အာနိသင်ကြွယ်ဝစွာပါဝင်နေပါတယ်။ ဗီတာမင်တွေ၊ သတ္တုဓာတ်တွေ နဲ့ bioactive ဒြပ်ပေါင်းတွေက ခန္ဓာကိုယ်ကို ဓာတ်တ်ုးပစ္စည်းတွေကြောင့် ထိခိုက်မှုမဖြစ်အောင် ကာကွယ်ပေးနိုင်ပါတယ်။ လေ့လာမှုတစ်ရပ်အရ ကျွဲနို့မှာ ဓာတ်တိုးဆန့်ကျင်အာနိသင် ၅၆ ရာခိုင်နှုန်း ကနေ ၅၈ ရာခိုင်နှုန်းကြားပါဝင်တတ်ပြီး နွားနို့မှာ ဓာတ်တိုးဆန့်ကျင်အာနိသင် ၄၀ ရာခိုင်နှုန်း ကနေ ၄၂ ရာခိုင်နှုန်းကြားပါဝင်နေတတ်ပါတယ်။
နှလုံး ကျန်းမာစေနိုင်တယ်
ကျွဲနို့မှာ Beta-lactoglobulin နဲ့ ပိုတက်ဆီယမ် ကြွယ်ဝစွာပါဝင်နေမှုကပဲ သွေးပေါင်ချိန်ကို အကောင်းဆုံး ထိန်းညှိပေးပြီး သွေးကြောတွေတင်းနေတာမျိုးမဖြစ်အောင်အထေက်အပံ့ပေးပါတယ်။ သွေးစီးဆင်းမှုကို ကောင်းမွန်စေပြီး နှလုံးကျန်းမာစေဖို့ အကောင်းဆုံးထောက်ပံ့ပေးပါတယ်။
ကြီးထွားဖွံ့ဖြိုးမှုကို အားပေးတယ်
ကျွဲနို့က နွားနို့ထက် ပရိုတင်း ပိုမိုကြွယ်ဝပါတယ်။ ပရိုတင်းက အရိုး နဲ့ ကြွက်သားတွေ အကောင်းဆုံးဖွံ့ဖြိုးစေဖို့ မရှိမဖြစ်လိုအပ်တဲ့ အာဟာရတစ်ခုပါ။ ဒါကြောင့် ကျွဲနို့က ကြီးထွားဖွံ့ဖြိုးမှုကို အကောင်းဆုံး အထောက်အပံ့ပေးတယ်ဆိုတာ ထွေထွေထူးထူးပြောနေစရာ မလိုအောင်ပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။