backup og meta

ကြောင်လျှာသီး က ဆေးဖက်ဝင်သလား။

မှ အချက်အလက် စစ်ဆေးထားပါသည်။ Aye Thi Mon


Aye Thi Mon မှ ရေးသားသည်။ · 19/04/2023 တွင် အသစ်ဖြည့်စွက်ခဲ့သည်။

ကြောင်လျှာသီး က ဆေးဖက်ဝင်သလား။

မီးလေး အုံးစားစား၊ ပြုတ်ပြီး တို့တို့၊ ပါးပါးလှီးပြီး ချဉ်ဖက်စိမ် စားစား၊ ဆီချက်၊ ပဲမှုန့်တို့နဲ့ သုပ်စားစား စားရ ခံတွင်းတွေ့တဲ့ ကြောင်လျှာသီး ကို  ကြိုက်ကြသူလေးတွေ ဘယ်လို ကျန်းမာရေး အကျိုးကျေးဇူး ရနိုင်လဲဆိုတာကို ဒီ ဆောင်းပါးလေးထဲမှာ ဖတ်ကြည့်လိုက်ပါ။

ကြောင်လျှာသီး ဆိုတာ

ခပ်ရှည်ရှည် ခပ်ထူထူ ပုံစံရှိပြီး အစိမ်းရောင် ဒါမှမဟုတ် အညိုရောင် ရှိပါတယ်။ အရသာက ခါးသက်သက် ပူရှိန်းရှိန်းလေး ရှိပါတယ်။ အစိမ်းကို ပါးပါးလှီးပြီး ရေစိမ်တို့လို့ရသလို မီးကင်ပြီးစားတာ၊ ပါးပါးလှီး ဆားနဲ့နယ်၊ ရေသေချာဆေးပြီး ပဲမှုန့် ဆီချက် တို့နဲ့ သုပ်စားတာ၊ ဆန်ဆေးရည်၊ ဆားတို့နဲ့ အချဉ်စိမ်ပြီး စားတာမျိုး လုပ်စားလို့ရရပါတယ်။

ကြောင်လျှာသီးရဲ့ ဆေးဖက်ဝင်ပုံက

ခါးသက်သက် အရသာရှိတဲ့ ကြောင်လျှာသီးက

ဘက်တီးရီးယားတွေကို တိုက်ဖျက်ပေးတယ်

ကြောင်လျှာသီး က ဘက်တီးရီးယားတွေကို တိုက်ဖျက်နိုင်တဲ့ အာနိသင်ကို ပိုင်ဆိုင်ထားပါတယ်။ ခန္ဓာကိုယ်ကို ဘက်တီးရီးယားတွေ နဲ့ မှိုပိုးတွေကြောင့် ထိခိုက်မှု မရှိအောင် ကာကွယ်ပေးပါတယ်။

ဓာတ်တိုးဆန့်ကျင် အာနိသင်ရှိတယ်

ကြောင်လျှာသီးက ဓာတ်တိုးဆန့်ကျင် အာနိသင် ကြွယ်ဝတာကြောင့် ခန္ဓာကိုယ်ကို ဓာတ်တိုးပစ္စည်းတွေကြောင့် ထိခိုက်တာမျိုး မဖြစ်အောင် ကာကွယ်ပေးပါတယ်။ ဆဲလ်တွေ ထိခိုက်မှု မရှိအောင် ကာကွယ်ပေးသလို နာတာရှည်ရောဂါတွေ အန္တရာယ်ကနေလည်း ကာကွယ်ပေးပါတယ်။ ကိုယ်တွင်းက အဆိပ်အတောက်တွေကိုလည်း ဖယ်ရှားပေးနိုင်တဲ့ အာနိသင်ရှိပါတယ်။

ရောင်ရမ်းမှုကို သက်သာစေတယ်

ကြောင်လျှာသီးကို နာတာရှည် ရောင်ရမ်းတာကို သက်သာစေဖို့အတွက် အသုံးပြုပေးလို့ ရပါတယ်။ အဆစ်နာသူတွေအတွက် သင့်တော်တဲ့ သဘာဝဆေးတစ်မျိုးပါ။

အသည်း ကျန်းမာစေတယ်

ကြောင်လျှာသီးက အသည်း ထိခိုက်ပျက်စီးတာကို ကာကွယ်ပေးနိုင်ပါတယ်။ ဆေးတွေ သောက်သုံးရတာကြောင့် အသည်း ထိခိုက်တာကို အထိရောက်ဆုံး ကာကွယ်ပေးနိုင်စွမ်း ရှိတယ်လို့ လေ့လာမှုတွေအရ သိရပါတယ်။

ကျောက်ကပ် ကျန်းမာစေတယ်

ကြောင်လျှာသီး က ကျောက်ကပ်မှာ ကျောက်တည်တာကိုလည်း သက်သာစေနိုင်ပါတယ်။ ကျောက်ကပ် ကျန်းမာစေဖို့လည်း အကောင်းဆုံး အထောက်အပံ့ပေးပါတယ်။ ဖလေဗာနွိုက် ပါဝင်နေပြီး ကျောက်ကပ်က အဆိပ်အတောက်တွေကို ဖယ်ရှားပေးလို့ ကျောက်ကပ် ကျန်းမာစေဖို့ အကောင်းဆုံး အားဖြည့်ပေးပါတယ်။

ဆီးချို သက်သာစေတယ်

ကြောင်လျှာသီးကို ဆီးချို ကာကွယ်ဖို့ရော ကုသဖို့ပါ စားပေးလို့ ရပါတယ်။ သွေးတွင်းသကြားဓာတ်ကို အထိရောက်ဆုံး ထိန်းညှိပေးပြီး ရုတ်တရက် သွေးချိုတက်တာမျိုး မဖြစ်အောင် ကာကွယ်ပေးသလို ဆီးချို မဖြစ်အောင်လည်း ကာကွယ်ပေးနိုင်ပါတယ်။

ကိုယ်ခံအား ကောင်းစေတယ်

ဓာတ်တိုးဆန့်ကျင် အာနိသင် ကြွယ်ဝပြီး ခန္ဓာကိုယ်ရဲ့ ကိုယ်ခံအားကို အကောင်းဆုံး အားဖြည့်ပေးပါတယ်။ ကြောင်လျှာသီး စားသုံးတာက ကိုယ်ခံအား ကောင်းစေမယ့် စားသောက်နေထိုင်မှု တစ်ခုပါ။

အစာခြေစနစ် ကျန်းမာစေတယ်

အစာခြေ အက်ဆစ်ကို ထိန်းညှိပေးပြီး ရင်ပူတာ၊ အစာမကြေတာမျိုး မဖြစ်အောင် ကာကွယ်ပေးပါတယ်။ လေထိုးလေအောင့်တာတွေကိုလည်း သက်သာစေနိုင် ပါတယ်။

ကင်ဆာ ကာကွယ်ပေးတယ်

ကြောင်လျှာသီးရဲ့ နောက်ထပ် ကျန်းမာရေး အာနိသင်တစ်ခုက လူတိုင်း ကြောက်ကြတဲ့ ကင်ဆာ မဖြစ်အောင် ကာကွယ်ပေးတာပါ။ ကင်ဆာဆဲလ်တွေ မပြန့်အောင်လည်း ဟန့်တားပေးနိုင်စွမ်း ရှိပါသေးတယ်။

ဘာတွေ သတိထားရမလဲ

ကြောင်လျှာသီးက ဆေးဖက်ဝင်တာ မှန်ပေမယ့် ရောဂါ အခံရှိသူတွေ၊ ကျန်းမာရေး အခြေအနေ တစ်ခုခုကြောင့် ဆေးပုံမှန် သောက်နေရတဲ့ သူတွေနဲ့ နို့တိုက်မိခင်တွေ၊ ကိုယ်ဝန်ဆောင်တွေအနေနဲ့ ဆရာဝန်နဲ့ တိုင်ပင်ပြီးမှ စားပေးသင့်ပါတယ်။ ဆီးချိုရှိသူတွေအနေနဲ့ ဆေးသောက်နေရမယ်ဆိုရင် အလွန်အကျွံ မစားဖို့ လိုပါမယ်။

မသက်ဆိုင်ကြောင်း ရှင်းလင်းချက်

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

မှ အချက်အလက် စစ်ဆေးထားပါသည်။

Aye Thi Mon


Aye Thi Mon မှ ရေးသားသည်။ · 19/04/2023 တွင် အသစ်ဖြည့်စွက်ခဲ့သည်။

ad iconadvertisement

ဤဆောင်းပါးက အကူအညီဖြစ်ပါသလား။

ad iconadvertisement
ad iconadvertisement