ကျန်းမာစေဖို့ နေ့တိုင်းစားသင့်တဲ့ အစားအစာများ

ကန်စွန်းဥမှာ မျက်လုံး၊ အရိုး နဲ့ ကိုယ်ခံအားကို အားဖြည့်ပေးနိုင်တဲ့ ဗီတာမင် A ကြွယ်ဝစွာပါဝင်နေပါတယ်။ ဓာတ်တိုးဆန့်ကျင်အာနိသင် ကြွယ်ဝနေမှုက ခန္ဓာကိုယ်ကို ဓာတ်တိုးပစ္စည်းတွေကြောင့် ထိခိုက်မှု မဖြစ်အောင် ကာကွယ်ပေးပါတယ်။ ဒါ့အပြင် ကန်စွန်းဥမှာ ဗီတာမင် C၊ ဗီတာမင် B6၊ ပိုတက်ဆီယမ်၊ မဂ္ဂနိစ်၊ lutein နဲ့ zeaxanthin တို့ ပါဝင်နေပါတယ်။

• ပန်းဂေါ်ဖီစိမ်း

အစိမ်းရောင်ရှိတဲ့ ပန်းဂေါ်ဖီစိမ်းမှာ ကျန်းမာစေဖို့ အရေးပါတဲ့ ဗီတာမင် A၊ ဗီတာမင် C၊ ဗီတာမင် K၊ ဖောလိတ် တို့ပါဝင်ပါတယ်။ ကိုယ်တွင်းက အဆိပ် အတောက်တွေ ဖယ်ရှားပေးပြီး ကင်ဆာ မဖြစ်အောင် ကာကွယ်ပေးပါတယ်။

• ဟင်းနုနွယ်

အစိမ်းရင့်ရောင်ရှိတဲ့ ဟင်းနုနွယ်မှာ ဗီတာမင် A၊ ဗီတာမင် C၊ ဗီတာမင် K၊ ဗီတာမင် E၊ အမျှင်ဓာတ်၊ သံဓာတ်၊ ကယ်လ်ဆီယမ်၊ ပိုတက်ဆီယမ်၊ မဂ္ဂနီဆီယမ်တို့ ပါဝင်နေတာကြောင့် ကိုယ်ခံအားကို ကောင်းစေနိုင်ပါတယ်။ ဦးနှောက် ကျန်းမာစေပြီး ကင်ဆာ ကာကွယ်ပေးနိုင်ပါတယ်။

• လိမ္မော်သီး

လိမ္မော်သီးမှာ ကိုယ်ခံအားကို အားဖြည့်ပေးနိုင်ပြီး သွေးဖြူဥဆဲလ်တွေကို ဖြစ်ပေါ်စေတဲ့ ဗီတာမင် C ကြွယ်ဝစွာ ပါဝင်နေသလို ရောဂါပိုးတွေကို တိုက်ထုတ်ပေးနိုင်တဲ့ antibody တွေ ပါဝင်နေပါတယ်။ အသားအရေကို အားဖြည့်ပေးနိုင်တဲ့ ကော်လာဂျင် ပါဝင်နေပါတယ်။ အမျှင်ဓာတ်နဲ့ ဖောလိတ်လည်း ကြွယ်ဝစွာ ပါဝင်နေပါသေးတယ်။

• ဒိန်ချဉ်

ဒိန်ချဉ်မှာ အစာခြေစနစ်ကို ကျန်းမာစေတဲ့ အကျိုးပြုဘက်တီးရီးယား (probiotics) ပါဝင်နေသလို အရိုးနဲ့သွားတွေ သန်မာစေတဲ့ ကယ်လ်ဆီယမ်လည်း ပါဝင်ပါတယ်။ ဒါတွေအပြင် ဒိန်ချဉ်မှာ ခန္ဓာကိုယ်အတွက် လိုအပ်တဲ့ ပိုတက်ဆီယမ်၊ ဇင့်၊ ပရိုတင်း၊ ဗီတာမင် B12၊ phosphorus၊ riboflavin တို့ ပါဝင်နေပါတယ်။

နေ့ရက်တိုင်းမှာ အခု ပြောပြခဲ့တဲ့ အစားအစားလေးတွေကို ၂ မျိုးကနေ ၃ မျိုးလောက်ပါအောင် စားသုံးမယ်ဆိုရင် အာဟာရ ပြည့်ဝပြီး ကျန်းမာနေမှာ အသေအချာပါ။