၎င်းသုတေသနမှာပဲ ဖော်ပြထားတာကတော့ အကောင်းမြင်စိတ်ရှိသူများဟာ ရုပ်ပိုင်းဆိုင်ရာလည်း ပိုမိုတက်ကြွလှုပ်ရှားတယ်လို့ ဆိုပါတယ်။ ဒါ့အပြင် အိပ်စက်ပုံမှန်ကန်ပြီး အာရုံစူးစိုက်နိုင်စွမ်း၊ အလုပ်လုပ်နိုင်စွမ်း ပိုကောင်းတယ်လို့ ဆိုပါတယ်။
ကိုယ်ခံစွမ်းအားကောင်းခြင်းဟာ ကျန်းမာရေးအတွက် လွန်စွာ အရေးကြီးပါတယ်။ သုတေသနတွေအရ ပျော်ရွှင်တက်ကြွသူများဟာ ကိုယ်ခံစွမ်းအားလည်း ကောင်းကြပါတယ်။ ကိုယ်ခံစွမ်းအားကောင်းရင် အအေးမိတုတ်ကွေး ဖျားနာခြင်းဖြစ်ဖို့ ခဲယဉ်းပါတယ်။ ပျော်ရွှင်ခြင်းနဲ့ ကိုယ်ခံစွမ်းအားမြင့်မားခြင်းတို့ရဲ့ကြားက ဆက်နွယ်မှုကိုတော့ လေ့လာနေဆဲဖြစ်ပြီး သေချမသိရသေးပါဘူး။ ဒါပေမယ့် ပျော်ရွှင်သူများဟာ ကိုယ်ခံစွမ်းအားလည်း ပိုကောင်းပြီး ကျန်းမာဖို့ အခွင့်အလမ်းများတာတော့ အမှန်ပါပဲ။
ပျော်ရွှင်ချိန်မှာ စိတ်ဖိစီးမှုပမာဏ နည်းပါးတာတော့ အမှန်ပါပဲ။ စိတ်ဖိစီးမှုများချိန်မှာ ကော်တီဆောလို့ခေါ်တဲ့ ဟော်မုန်းထုတ်လုပ်ပြီး ဆိုးကျိုးတွေ ဖြစ်စေတတ်ပါတယ်။ အိပ်စက်ပုံမမှန်ခြင်း၊ ကိုယ်အလေးချိန်တက်ခြင်း၊ ဆီးချိုသွေးတိုးဖြစ်ခြင်း စတာတွေ ဖြစ်လာနိုင်ပါတယ်။ ပျော်ရွှင်သူများဆီမှာ ကော်တီဆောဟော်မုန်းဟာ စိတ်ဖိစီးနေသူတွေထက် ၃၂ ရာခိုင်နှုန်း ပိုမိုနည်းပါးတယ်လို့ သုတေသနတခုက ဆိုပါတယ်။
နှလုံးကိုကာကွယ်ခြင်း
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။