အသီးအရွက်စားဖို့ ကလေးကို ဖိအားပေးသင့်သလား

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

မိဘတိုင်းက ကိုယ့်သားသမီးကို အာဟာရဓါတ်ေတွပြည့်ဝအောင်ကျွေးမွေးစောင့်ရှောက်နိုင်ဖို့ အဓိကကြိုးစားကြမှာပါပဲ။ ခန္ဓါကိုယ်အတွက်မရှိမဖြစ်လိုအပ်တဲ့ အာဟာရဓါတ်တွေဆိုတာ အစားအစာတစ်မျိုးတည်းကမရနိုင်သလို အသား၊ငါးတွေအပြင် အသီးအရွက်၊ အသီးအနှံမျိုးစုံကို စားသုံးဖို့ လိုအပ်ပါတယ်။ ဒါပေမယ့် ကလေးဆိုတာ သူကြိုက်တာတွေချည်းရွေးစားမှာပဲ။ စားသင့်တာတွေ စားဖြစ်ပါ့မလား ပူရပြန်ရော။

အများစုကတော့ အချိုကြိုက်တယ်၊ သရေစာတွေကြိုက်တယ်၊ အသားငါးနဲ့လုပ်တဲ့စားစရာတွေစားရင်စားမယ်၊ အသီးအရွက်ကျတော့ ဖယ်စားတာများပါတယ်။ တချို့အသားမကြိုက်ဘဲ အသီးအရွက်ပဲစားတဲ့ကလေးတွေကတော့ခြွင်းချက်ပေါ့လေ။

အသီးအရွက်က ဘာကြောင့်အရေးကြီးတာလဲ

ကလေးအာဟာရမှာ အသားနဲ့အသီးအရွက်ညီညွတ်မျှတဖို့လိုအပ်တာက လူတိုင်းသိပါတယ်။ အသီးအရွက်တွေမှာ ဗီတာမင်နဲ့သတ္တုဓါတ်အမျိုးစုံအပြင် အမျှင်ဓါတ်တွေ၊ ဓါတ်တိုးဆန့်ကျင်ပစ္စည်းတွေပါဝင်တာမို့ နေ့စဉ်အာဟာရမှာ မပါလို့မဖြစ်ပါဘူး။ မေမေတို့ဖြစ်စေချင်တဲ့ ဖွံ့ဖြိုးကြီးထွားမှုနဲ့ ဉာဏ်ရည်ထက်မြက်မှုတွေဆိုတာ အသွေးအရောင်စုံတဲ့ အာဟာရအစားအသောက်တွေဆီက အများဆုံးအရင်းခံလာတာ မမေ့ပါနဲ့နော်။

ဒါဆို ကလေးကို အသီးအရွက်စားဖြစ်အောင် ဘယ်လိုကျွေးမလဲဆိုတာပြဿနာပါ။ အတင်းအကျပ်ဖိအားပေးပြီးကျွေးတာတော့ လုံးဝမလုပ်သင့်ပါဘူး။ အစားစားဖို့ဖိအားကိုမပေးသင့်တာပါ။ အတင်းအကျပ်စားခိုင်းရင် ကလေးက အဲဒီအစားအစာကို ပိုလို့တောင်မုန်းသွားနိုင်ပါတယ်။ အစားအသောက်နဲ့ပတ်သက်ပြီး မကောင်းတဲ့ခံစားချက်ဖြစ်သွားစေတာက နည်းလမ်းကောင်းတစ်ခုမဟုတ်ပါဘူး။

အသီးအရွက်စားဖြစ်အောင် ဘယ်လိုဆွဲဆောင်မလဲ

ကိုယ်က အရှေ့က စားပြမယ်

ထမင်းစားတဲ့အခါဖြစ်ဖြစ်၊ အဆာပြေအနေနဲ့ဖြစ်ဖြစ် အသီးအရွက်လေးတွေ ကိုယ်ကစားပြတယ်ဆို ကလေးကလိုက်စားကြည့်ချင်လာမှာပဲလေ။ ကလေးဆိုတာ လူကြီးတွေဆီက အတုမြင်အတတ်သင်တဲ့အရွယ်မို့ ဒီနည်းက အသုံးဝင်တာပါ။

အချိန်ပေးပါ

စစချင်းစားဖူးကာစမှာ ဘယ်အသီးအရွက်ကိုမှ ကလေးက ကြိုက်မယ်လို့မမျှော်လင့်ထားပါနဲ့။ စိတ်ရှည်ရှည်ထားပြီး ကလေးကိုချော့ကျွေးပါ။

အလှဆင်ပါ

ကလေးဆိုတာ အပြင်အဆင်လေးလှရင်၊ အရောင်စုံရင်၊ ချစ်စရာကောင်းတဲ့ဒီဇိုင်းလေးဆိုရင် မက်မောတတ်ကြတာသဘာဝပါ။ မုန်လာဥနီလေးကို ပန်းပွင့်ပုံစံ၊ အရုပ်လေးတွေပုံစံဖော်ပြီးပြင်ဆင်ပေးရင် လက်ကလေးလှမ်းပြီး ယူစားပါလိမ့်မယ်။ သခွားသီးကို အလွှာလေးတွေနဲ့ လုပ်ပေးတာတို့၊ မုန်လာဥနီကို အချောင်းလေးတွေလှီးပြီးပြင်ဆင်ပေးတာလည်းရပါတယ်။

သူတို့ကိုရွေးချယ်ခွင့်ပေးပါ

ဟင်းသီးဟင်းရွက်ချက်မယ်ဆိုတိုင်း ဘယ်ဟာလေးရွေးမလဲဆိုတာ တစ်ခါတလေ ကလေးကိုဝင်ဆုံးဖြတ်ခိုင်းပါ။ အသီးအရွက်နာမည်တွေနဲ့ ရင်းနှီးကျွမ်းဝင်လာပြီး လွတ်လပ်စွာရွေးချယ်ခွင့်ရှိတဲ့စိတ်ခံစားချက်ကိုရစေပါတယ်။

ချက်ပြုတ်ရာမှာ ကူညီခိုင်းပါ

မီးဖိုခန်းထဲ ကလေးကိုခေါ်တာ အန္တရာယ်များနိုင်တယ်၊ အလုပ်ပိုရှုပ်နိုင်တာမို့ အသီးအရွက် လှီးဖြတ်၊ အရွက်သင်တဲ့အခါ အပြင်ကိုယူလာပြီး ကလေးနဲ့အတူလုပ်ပါ။ပြောသာပြောရတာပါ ကလေးကိုပေးဆော့ထားသလိုပါပဲ။ အသီးအရွက်တွေ တချို့ကို ကလေးလက်ထဲထည့်ပေးထားပြီး အတူအလုပ်လုပ်ခိုင်းပါ။

ချီးကျူးစကားပြောပါ

ကလေးက စားလိုက်တဲ့အခါတော်လိုက်တာ၊ လိမ်မာလိုက်တာစသည်ဖြင့် ချီးကျူးစကားပြောပေးပါ။ ဒီလိုစကားလေးတွေက အသီးအရွက်နောက်တစ်မျိုးကို ထပ်စားကြည့်ဖို့ ကလေးကို လှုံ့ဆော်ပေးလိုက်သလိုပါပဲ။

ဒီနည်းလမ်းလေးတွေနဲ့ အသီးအရွက်မစားတဲ့ ကလေးကို အာဟာရပြည့်အောင်ဖြည့်ဆည်းထောက်ပံ့လို့ရပြီနော်မေမေတို့။

Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဝမ်းဗိုက်လေး ကျန်းမာစေဖို့ နေ့တိုင်း ထောပတ်သီး စားပါ

ဗီတာမင်နဲ့ သက်စောင့်ဓာတ် ၂၀ ကျော်ပါရှိနေတဲ့ ထောပတ်သီးစား တာဟာ ကိုယ်အလေးချိန် လျော့ကျစေတာအပြင် သွေးတိုးကျစေတာလိုမျိုး အကျိုးကျေးဇူးတွေကိုလည်း ပေးပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ဝက်ခြံဖြစ်လွယ်တဲ့ အသားအရေပိုင်ရှင်တွေအတွက် သဘာဝဆေးနည်းတစ်လက်

ဝက်ခြံဖြစ်လွယ်သူတွေအတွက် အသားအရေကို အထိရောက်ဆုံး ထိန်းပေးနိုင်မယ့် သဘာဝပစ္စည်းလေးတစ်ခုအကြောင်း ပြောပြပေးချင်ပါတယ်။ ဒါကတော့...........

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

လူသိသိပ်မများလှတဲ့ သခွားသီးရဲ့ ဘေးထွက်ဆိုးကျိုးများ

နေရာတကာ အသုံးတည့်လှတဲ့ သခွားသီးမှာလည်း ဘေးထွက်ဆိုးကျိုးလေးတွေ ရှိနေတာမို့ သိထားရင်ဖြင့် အကျိုးရှိစေနိုင်တာကြောင့် ဗဟုသုတအနေနဲ့ ပြောပြပေးလိုက်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

စရိတ်နည်းနည်းနဲ့ ကျန်းမာချင်ရင် ကြက်ဥအနှစ်စားပါ

ဥအနှစ်တွေက ဘယ်လိုများ အာဟာရဓာတ်တွေကြွယ်ဝနေလို့လဲ၊ ကြက်ဥ ဘဲဥအနှစ်တွေက သင့်ကျန်းမာရေးကို ဘယ်လိုများအထောက်အကူဖြစ်စေမှာလဲဆိုတာကို ပြောပြပေးချင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

how-to-prevent-cancer-recurrence ကင်ဆာပြန်မဖြစ် အောင်

ကင်ဆာပြန်မဖြစ် အောင် ဘယ်လို ဆင်ခြင်နေထိုင်သင့်သလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဖေ‌ဖော်ဝါရီ 23, 2021 . 3 mins read
တစ်နေကုန် နေပူထဲနေပြီးတဲ့အခါ ရေဓာတ်ပြည့်စေဖို့ ဘာတွေ စားမလဲ.......

တစ်နေကုန် နေပူထဲနေပြီးတဲ့အခါ ရေဓာတ်ပြည့်စေဖို့ ဘာတွေ စားမလဲ…….

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 11, 2021 . 2 mins read
ကလေးကျန်းမာရေး အကြောင်း

ကလေးကျန်းမာရေး အကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 3, 2021 . 3 mins read
မိန်းမကိုယ်မှာပေါက်တဲ့ ဝက်ခြံ သက်သာစေဖို့

မိန်းမကိုယ်မှာပေါက်တဲ့ ဝက်ခြံ သက်သာစေဖို့

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 5, 2021 . 2 mins read