အထူးသဖြင့်တော့ အေးတဲ့ ရာသီဥတုမှာပေါ့။ ရေဓာတ်ဆုံးရှုံးတာထက် ရေဓာတ်ကို လုံလောက်အောင် မဖြည့်နိုင်တာမျိုးပါ။ အနည်းဆုံးတော့ ရေဆာချိန်၊ ဆီးအရောင်ရင့်နေချိန်ဆိုရင် ရေသောက်ဖြစ်အောင် သောက်ပါ။ ဒါခန္ဓာကိုယ်မှာ ရေဓာတ်နည်းနေပြီလို့ ပြောနေတာပါ။
အမြဲသတိထားပြီး ရေသောက်တဲ့ အကျင့်လုပ်ပါ။ ဥပမာ အိပ်ရာနိုးနိုးချင်း ရေတစ်ခွက်သောက်မယ်၊ ရေချိုးခါနီး တစ်ခွက်သောက်မယ် စသဖြင့်ပေါ့။ ပြီးတော့ ကိုယ်အလုပ်လုပ်တဲ့နေရာမှာဖြစ်ဖြစ်၊ အပြင်သွားရင်ဖြစ်ဖြစ် ရေဘူးလေးကို အနီးနားမှာ ထားထားပါ။
အစားအသောက်မှာဆိုရင် စားတာနဲ့ မစားတာနဲ့ နှစ်ပိုင်း ရှိပါတယ်။ စားတာကနေ စပြောရအောင်။
နေ့စဉ်စားတဲ့အခါ အချိုတွေ၊ အငန်တွေ၊ ဆီကြော်တွေ စားတာက ရေဓာတ်ဆုံးရှုံးမှုကို ဖြစ်စေပြီး ဓာတ်ဆားမမျှတတာကို ဖြစ်စေပါတယ်။ သကြားဓာတ်နဲ့ ဆိုဒီယမ်ဓာတ်တွေက ရေဆွဲတဲ့အတွက် ခန္ဓာကိုယ်တွင်းမှာ ရေဓာတ် ဆုံးရှုံးမှုကို ဖြစ်စေပါတယ်။
ဆိုဒီယမ်ဆိုရင် အိမ်သုံးဆားကနေပဲ ရတာမဟုတ်ပါဘူး။ ငံပြာရည်၊ ပဲငံပြာရည်အကြည်၊ အနောက်၊ ခရုဆီ၊ အချိုမှုန့် စတာတွေမှာလည်း ပါနေပါတယ်။ ဒါကြောင့် အပြင်စာတွေ စားပြီးရင် ရေငတ်တယ်လို့ ခံစားရတာ ဒါကြောင့်ပါ။
မစားတာဆိုရင်တော့ ဓာတ်ဆားဓာတ်အောင် လုံလောက်အောင် မစားတာမျိုးပါ။ ဓာတ်ဆားဆိုတော့ တကယ်တော့ ဆိုဒီယမ်၊ ပိုတက်ဆီယမ်၊ မဂ္ဂနီဆီယမ်၊ ကယ်ဆီယမ် စတဲ့ သတ္တုဓာတ်တွေကို ပြောတာပါ။ ဒီဓာတ်တွေကို အသီးအရွက်တွေ၊ နို့ထွက်ပစ္စည်းတွေကနေ ရနိုင်ပါတယ်။ အစားပုံမှန်မစားဖြစ်တာ၊ အစားကြေးများတာတွေ ရှိရင် ဒီဓာတ်ဆားဓာတ်တွေ ချို့တဲ့နိုင်ပါတယ်။
ဆီးဆေးတွေ၊ သွေးပေါင်ကျဆေးတွေ၊ ဝမ်းပျော့ဆေးကလည်း ခန္ဓာကိုယ်မှာ ရေဓာတ်ဆုံးရှုံးတာ၊ ဓာတ်ဆားမမျှတတာကို ဖြစ်စေပါတယ်။
ရေနဲ့ ဓာတ်ဆား ဆုံးရှုံးတဲ့အခါ ဘာလက္ခဏာတွေ ပြနိုင်လဲ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။