လေ့ကျင့်ခန်း လုပ်ပြီးတဲ့အခါ ချွေးထွက်များတဲ့အတွက် ဆုံးရှုံးသွားတဲ့ ရေဓာတ်ကို ပြန်ဖြည့်ပေးဖို့ လိုပါတယ်။ ဒီလိုပြန်ဖြည့်ဖို့အတွက် အများစုက ရေသောက်ကြပါတယ်။ တချို့ကလည်း ဓာတ်ဆားရည်သောက် ကြပါတယ်။ ဘယ်ဟာက ပိုပြီးသင့်တော်သလဲ။
Written by Htet Htet Zaw Win · အထွေထွေရောဂါကုဆရာဝန် · HHG
လေ့ကျင့်ခန်း လုပ်ပြီးတဲ့အခါ ချွေးထွက်များတဲ့အတွက် ဆုံးရှုံးသွားတဲ့ ရေဓာတ်ကို ပြန်ဖြည့်ပေးဖို့ လိုပါတယ်။ ဒီလိုပြန်ဖြည့်ဖို့အတွက် အများစုက ရေသောက်ကြပါတယ်။ တချို့ကလည်း ဓာတ်ဆားရည်သောက် ကြပါတယ်။ ဘယ်ဟာက ပိုပြီးသင့်တော်သလဲ။
ရေနဲ့ ဓာတ်ဆားရည်ရဲ့ အဓိကာကွာခြားချက်က ဓာတ်ဆားပါဝင်မှုနှုန်းပါ။ ရေမှာလည်း ဆားဓာတ်တွေပါပေမယ့် ဓာတ်ဆားရည်မှာကျတော့ ခန္ဓာကိုယ်လိုအပ်ချက်အတိုင်း အချိုးကျထည့်သွင်းထားတာ ဖြစ်ပါတယ်။
နောက်တစ်ခုကတော့ ဂလူးကို့စ်ပါ။ ဓာတ်ဆားရည်တချို့မှာ လေ့ကျင့်ခန်းလုပ်လို့ ခန္ဓာကိုယ်က ဆုံးရှုံးသွားတဲ့ စွမ်းအင်တွေကို ပြန်ဖြည့်ပေးဖို့ ဂလူးကို့စ်ထည့်သွင်းထားတတ်ပါတယ်။
သာမန် ၁၀မိနစ်၊ ၁၅မိနစ်လောက်ပဲ လုပ်တဲ့ လေ့ကျင့်ခန်းတွေ၊ အပေါ့စား လေ့ကျင့်ခန်းတွေ၊ ချွေးလည်း သိပ်မထွက်တဲ့ လှုပ်ရှားမှုမျိုးတွေဆိုရင် ဓာတ်ဆားရည်အစား ရေသောက်တာက ပြဿနာ မရှိပါဘူး။ ဒါပေမယ့် ဒီလို လေ့ကျင့်ခန်းမျိုးတွေဆိုရင်တော့ ဓာတ်ဆားရည်သောက်တာက ပိုသင့်တော်ပါတယ်။
လေ့ကျင့်ခန်းလုပ်တဲ့သူတွေ ပြောလေ့ရှိတာက ရေနဲ့ ဓာတ်ဆားတွေ ဆုံးရှုံးတယ်ဆိုတဲ့ စကားပါ။ ဒါကြောင့် ပြန်ဖြည့်ရင်လည်း ရေပဲ မဖြည့်ဘဲ ဓာတ်ဆားတွေကိုပါ ပြန်ဖြည့်ပေးဖို့ လိုပါတယ်။
ခန္ဓာကိုယ်ထဲက ဓာတ်ဆားတွေ အထူးသဖြင့် ဆိုဒီယမ်၊ ပိုတက်ဆီယမ်၊ မဂ္ဂနီဆီယမ် စတာတွေက ကြွက်သားလှုပ်ရှားမှုတွေအပြင် ကိုယ်တွင်းစနစ်တွေ ပုံမှန်အတိုင်း လည်ပတ်နိုင်အောင် ထိန်းထားပေးပါတယ်။ လေ့ကျင့်ခန်းလုပ်လို့ ချွေးထွက်သွားတဲ့အခါ ဒီဓာတ်ဆားတွေ လျော့သွားတာကြောင့် ပြန်ဖြည့်ရပါမယ်။
လေ့ကျင့်ခန်း လုပ်ပြီးတဲ့အခါ နုံးတာ၊ ကြွက်သားတွေနာတာ၊ ခေါင်းတွေကိုက်၊ ကြွက်တွေတက်တာက ရေဓာတ်အပြင် ဓာတ်ဆားတွေကို ပြန်မဖြည့်မိတာကြောင့် ဖြစ်ပါတယ်။
ဓာတ်ဆားရည် သောက်လိုက်တဲ့အခါ
သာမန်လေ့ကျင့်ခန်းတွေဆိုရင် ရေသောက်ရုံနဲ့ လုံလောက်ပါတယ်။ ဒါပေမယ့် ချွေးတွေ အများကြီးထွက်စေတဲ့ လေ့ကျင့်ခန်းတွေ၊ အချိန်ကြာကြာ လေ့ကျင့်ခန်းလုပ်တဲ့သူတွေမှာ ရေပဲသောက်နေတာက ကောင်းကျိုးထက် ဆိုးကျိုးကို ဖြစ်စေနိုင်ပါတယ်။
ရေနဲ့ ဓာတ်ဆားဆုံးရှုံးနေတဲ့ အချိန်မှာ ရေကိုပဲ ဆက်တိုက် ဖြစ်စေပြီး ဆားဓာတ်ကို မဖြည့်ဘူးဆိုရင် ခန္ဓာကိုယ်ကို ရေထိုးလိုက်သလို ဖြစ်ပြီး ဆားဓာတ်တွေ ပိုနည်းသွားတတ်ပါတယ်။ အထူးသဖြင့် ဆိုဒီယမ်နည်းသွားတတ်ပါတယ်။ ဒါကြောင့်
လေ့ကျင့်ခန်း လုပ်ပြီးတဲ့အခါ ရေလည်း သောက်နေပါရက်နဲ့ ဒီလို လက္ခဏာတွေ ခံစားနေရတယ်ဆိုရင် ဆားဓာတ်တွေ နည်းသွားလို့ ဖြစ်နိုင်ပါတယ်။ ရေအစား ဓာတ်ဆားရည်ကို ပြောင်းသောက်သင့်ပါတယ်။
လေ့ကျင့်ခန်း လုပ်ပြီးတဲ့အခါ ရေရော ဓာတ်ဆားပါ ဆုံးရှုံးသွားပါတယ်။ ဒါကြောင့် ပြန်ဖြည့်တဲ့အခါ ရေနဲ့ ဓာတ်ဆား နှစ်ခုလုံးကို ပြန်ဖြည့်ဖို့ လိုပါတယ်။ သာမန်လေ့ကျင့်ခန်းတွေအတွက် ရေသောက်လို့ ရပေမယ့် ချွေးထွက်များတဲ့ လေ့ကျင့်ခန်းတွေမှာ ဆားဓာတ်ပြန်ဖြည့်ဖို့ ဓာတ်ဆားရည်သောက်သင့်ပါတယ်။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။