လိပ်ခေါင်းကို ခွဲစိတ်ကုသရာမှာ အဓိကအားဖြင့် မေ့ဆေးပေးခွဲစိတ်ကုသခြင်းနဲ့ မေ့ဆေးမလိုဘဲ ခွဲစိတ်ခြင်း ဆိုပြီး နှစ်မျိုး ခွဲခြားနိုင်ပါတယ်။ မေ့ဆေးမလိုဘဲ ခွဲစိတ်ကုသနည်းများကတော့ အောက်ပါနည်းလမ်းများ ပါဝင်ပါတယ်။
သားရေကွင်းစည်းခြင်း။ အတွင်းလိပ်ခေါင်းကို ကုသရာမှာ အသုံးပြုပါတယ်။ လိပ်ခေါင်းရဲ့ အောက်ခြေကို တင်းကြပ်သွားအောင် သားရေကွင်းနဲ့စည်းပြီး သွေးမလျှောက်နိုငတော့အောင် ပြုလုပ်လိုက်ခြင်း ဖြစ်ပါတယ်။ ဒီနည်းလမ်းဟာ သွေးကျဲဆေးသုံးစွဲနေသူတွေနဲ့ မသင့်တော်ပါဘူး။
ဆေးထိုးထည့်ခြင်း။ လိပ်ခေါင်းအတွင်းသို့ ဓာတုဆေးအချို့ ထိုးထည့်ပြီး ကျုံ့သွားအောင် ပြုလုပ်ခြင်း ဖြစ်ပါတယ်။ ဒီနည်းနဲ့ သွေးမထွက်တော့အောင် ပြုလုပ်ပေးပါတယ်။ သေးငယ်တဲ့ အတွင်းလိပ်ခေါင်းတွေအတွက်တော့ အောင်မြင်နှုန်းများပါတယ်။
ခဲသွားစေခြင်း။ အနီအောက်ရောင်ခြည်၊ အပူဓာတ် ဒါမှမဟုတ် အဆမတန်များသော အအေးဓာတ်ကိုသုံးပြီး လိပ်ခေါင်းကို ရှုံ့သွားစေတဲ့နည်းလမ်း ဖြစ်ပါတယ်။ စအတိုအတွင်းကို မှန်ပြောင်းသွင်းပြီး ပြုလုပ်တာကြောင့် ကုသစဉ်မှာ နာကျင်မှု ရှိနိုငပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။