ဆီးချို ရှိရှိ၊ မရှိရှိ နေ့စဉ်စားသုံးမှုမှာ ငါးကို ထည့်သွင်း စားသုံးသင့်ပါတယ်။ ငါး အထူးသဖြင့် အဆီများတဲ့ ပင်လယ်ငါးတွေက ကျန်းမာရေးကို ထောက်ကူပေးပါတယ်။ ဆယ်လ်မွန်ငါးလိုမျိုး အဆီများတဲ့ ငါးတွေမှာ omega-3 fatty acids တွေဖြစ်ကြတဲ့ DHA နဲ့ EPAတွေ ပါဝင်နေတာကြောင့် ဆီးချိုရဲ့ နောက်ဆက်တွဲ အနေနဲ့ ခံစားရနိုင်တဲ့ နှလုံးထိခိုက်တာမျိုး မဖြစ်စေဖို့ ကာကွယ်ပေးနိုင်ပါတယ်။
DHA နဲ့ EPA နှစ်မျိုးစလုံးက သွေးကြောတွေကို ရောင်ရမ်းတာမျိုး မဖြစ်စေအောင် ကာကွယ်ပေးပြီး သွေးလည်ပတ်မှု ကောင်းစေဖို့ ထောက်ကူပေးနိုင်ပါတယ်။ ဆီးချိုရှိသူတွေမှာ နှလုံးရောဂါ ဖြစ်နိုင်ခြေ နဲ့ လေဖြတ်နိုင်ခြေက ပုံမှန်ထက် ၂ ဆ များနေတာကြောင့် ဆီးချိုရဲ့ နောက်ဆက်တွဲ ကျန်းမာရေးပြဿနာတွေ မဖြစ်အောင် ကာကွယ်ဖို့ ငါး စားပေးသင့်ပါတယ်။
သွေးတွင်းသကြားဓာတ်ကို ထိန်းပေးနိုင်ပြီး သွေးချိုကျအောင် ထောက်ကူပေးနိုင်တဲ့ နောက်ထပ် စားစရာလေးတွေက အခွံမာသီးတွေပါ။ အခွံမာသီးတွေက အမျှင်ဓာတ် ကြွယ်ဝသလို ကြေလွယ်တဲ့ ကာဗိုဟိုက်ဒရိတ် ပါဝင်မှုလည်း နည်းပါတယ်။ ဒါကြောင့် သွေးတွင်းသကြားဓာတ် မြင့်တက်တာမျိုး မဖြစ်စေနိုင်ပါဘူး။ အခွံမာသီးတွေ အနေနဲ့
စားပေးလို့ရတဲ့ အခွံမာသီးတွေ
အယ်လ်မွန်စေ့
ဘရာဇီး နက်ခ်
သီဟိုဠ်စေ့
မက်ကာဒေးမီးယား
pistachios
hazelnuts
သစ်ကြားသီး စတာတွေကို စားပေးဖို့ လိုပါမယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။