မျှော်လင့်ချက် ရှိလာခဲ့ပြီ။
အခုအခြေအနေအတိုင်းဆိုရင် ခွဲစိတ်ကုသမှု ခံယူတာနဲ့တင်ကို အဆင်ပြေနိုင်တယ်။ ခွဲစိတ်တယ်ဆိုတာက ကင်ဆာကျိတ်ကို ဖယ်ရှားဖို့ပါ။ ရင်သား တစ်ခုလုံးကို ဖယ်ရှားရမလား၊ ကင်ဆာဆဲလ်တွေ ရှိနေတဲ့ အကျိတ်တဝိုက်က တစ်ရှူးတွေ၊ ပြန်ရည်ကျိတ်လေးတွေကို ဖယ်ရှားရမလားဆိုတာကိုတော့ ပြန်ဆွေးနွေးကြတာပေါ့လို့ ဆရာဝန်က ရှင်းပြပါတယ်။
ညီမဘက်ကတော့ လိုက်နာရမယ့် ကျန်းမာစေမယ်ဆိုတဲ့ အလေ့အထ အားလုံးကို လိုက်နာလုပ်ဆောင်ပါ့မယ်လို့ မေမေရော ကျွန်မပါ ဆရာမကို တပြိုင်တည်း ကတိပေးလိုက်ပါတယ်။
ဒီလိုနဲ့ ခွဲစိတ်မှုကိုလည်း ခံယူတယ်။ ဆေးကုသမှုတွေကိုလည်း သေချာ လိုက်နာတယ်။ ကျန်းမာတဲ့ နေထိုင်မှုပုံစံကိုလည်း မွေးမြူရင်း သေမယ်လို့ ထင်ခဲ့တဲ့ အခြေအနေကနေ အခုတော့ နေ့စဉ်ဘဝကို ကျန်းမာစွာနဲ့ ဖြတ်သန်းနိုင်လာပါပြီ။
ကင်ဆာ လို့ သိရတဲ့အချိန် ကုသမှုတွေခံယူနေချိန်မှာ အကြိမ်ကြိမ် စိတ်ဓာတ်ကျခဲ့ပေမယ့် အခုချိန်မှာတော့ ဇာတ်လမ်းလေးတစ်ပုဒ်လိုတောင် ပြန်ပြောနိုင်ပါပြီ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။