ကောင်းကျိုး
-ပုံမှန်သုံးနေကြ padတွေလိုပဲ သုံးနိုင်ပြီး စွန့်ပစ်လိုက်ရင်လည်း ပလတ်စတစ်တွေလို ပတ်ဝန်းကျင်ကို ထိခိုက်မှု မရှိပါဘူး။
-သဘာဝပစ္စည်းတွေပဲ သုံးထားတာကြောင့် စိတ်ချလက်ချ သုံးလို့ရပါတယ်။
ဆိုးကျိုး
-သဘာဝပစ္စည်းတွေရဲ့ ထုံးစံအရ လက်ရှိသုံးနေတဲ့ ပလတ်စတစ်တွေထက် စျေးများနိုင်ပါတယ်။
-ပစ္စည်းရှားနိုင်ပါတယ်။
Tamponကိုလည်း padလိုပဲ ပလတ်စတစ် နည်းနည်းနဲ့ ပတ်ဝန်းကျင်မထိခိုက်အောင် ထုတ်ထားတာမျိုးတွေ ရှိပါတယ်။ ဒါမှမဟုတ် လက်ရှိသုံးနေကြကိုပဲ ပလတ်စတစ်နည်းနိုင်သမျှ နည်းအောင် ထုတ်ထားတာမျိုးလည်း ရှိပါတယ်။
ကောင်းကျိုး
-ပလတ်တစ်နည်းအောင် Applicatorလို့ ခေါ်တဲ့ အထဲကို ထည့်ပေးတဲ့ပစ္စည်း မပါတာ၊ ကြိုးကို သာမန်ချည်နဲ့ လုပ်ထားတာ၊ ပလတ်စတစ်နဲ့ ထုပ်ပိုးတာမျိုး မဟုတ်ဘဲ စက္ကူနဲ့ ထုတ်ပိုးတာမျိုးကို ဝယ်မယ်ဆိုရင် ပတ်ဝန်းကျင်ကို မထိခိုက်စေပါဘူး။
-မိန်းမကိုယ်ထဲမှာ နေရာတကျ ရှိနေတဲ့အတွက် လှုပ်ရှားမှုများတဲ့ အမျိုးသမီးတွေအတွက် ရွေးချယ်စရာ တစ်ခုပါပဲ။
ဆိုးကျိုး
-Padတွေလိုပဲ သဘာဝပစ္စည်းတွေပဲ သုံးထားတဲ့ tamponတွေက စျေးအနည်းငယ်ကြီးနိုင်ပါတယ်။
-Tamponတွေ စပေါ်တုန်းက သွေးဆိပ်သင့်တဲ့ပြဿနာ (Toxic shock syndrome) ဖြစ်ခဲ့ပါတယ်။ ခုအခါမှာတော့ နည်းပညာတွေ တိုးတက်လာတာနဲ့အမျှ ဒီပြဿနာ နည်းသွားပါပြီ။
-မိန်းမကိုယ်ထဲကို ထည့်ရမှာ ဖြစ်တဲ့အတွက် ပတ်ဝန်းကျင် ထိခိုက်သည် ဖြစ်စေ၊ မထိခိုက်သည်ဖြစ်စေ တချို့အမျိုးသမီးတွေအတွက် ဒါကစဉ်းစားစရာ အချက်တစ်ခုပါပဲ။
သုံးရလွယ်တာကြောင့်ရော ပတ်ဝန်းကျင် မထိခိုက်တာကြောင့်ရော M-cupလေးတွေဟာ ခေတ်စားလာပါပြီ။ Reusableအမျိုးအစားဖြစ်တဲ့အတွက် ပြန်ဆေးပြီး သုံးလို့ရပါတယ်။
ကောင်းကျိုး
-သေသေချာချာ သုံးမယ်ဆိုရင် တစ်ခုကို ၆လကနေ နှစ်ပေါက်တဲ့ထိအောင် သုံးလို့ရပါတယ်။ ဒါကြောင့် စရိတ်စက သက်သာပါတယ်။
-အထဲမှာ အံဝင်ခွင်ကျ ဖြစ်နေတဲ့အတွက် လွတ်လွတ်လပ်လပ် လှုပ်ရှားလို့ရပါတယ်။
-သွေးတွေကောင်းကောင်း မစုပ်လို့ ပိုးဝင်မှာလည်း စိုးရိမ်စရာစရာ မရှိပါဘူး။ ပုံမှန်သွန်ပေးရုံပါပဲ။
ဆိုးကျိုး
-Tamponလိုပဲ မိန်းမကိုယ်ထဲကို ထည့်ရမှာ ဖြစ်တဲ့အတွက် တချို့တွေအတွက် ကသိကအောက် ဖြစ်နိုင်ပါတယ်။
-စစသုံးချင်းဆို ခွက်ကို မထုတ်တတ်ရင် ဖိတ်တာ၊ ပေတာ ဖြစ်တတ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။