Shock-wave lithotripsy
ဒါကတော့ ခွဲစိတ်ဖို့ မလိုတဲ့ ကုထုံးတစ်ရပ်ပါ။ ဒီကုထုံးမှာ စွမ်းအားမြင့် အသံလှိုင်းတွေကို အသုံးပြုပြီး ကျောက်တွေကို ကြေအောင် လုပ်တာပါ။ ကြေသွားတဲ့ ကျောက်တွေက ဆီးကနေတဆင့် ခန္ဓာကိုယ် ပြင်ပကို ထွက်လာပါတယ်။
Ureteroscopy
ဒီကုထုံးမှာတော့ ဆီးပို့ပြွန်ကနေ တဆင့် မှန်ပြောင်းထည့်ပြီး ကျောက်တွေကို ချေဖျက်တာပါ။ ဒီနည်းကလည်း ကြီးမားတဲ့ ခွဲစိတ်မှုတွေ မလိုအပ်ပါဘူး။
PCNL (Percutaneous nephrolithotomy)
ကျောက်ကပ်မှာ အရွယ်အစားကြီးတဲ့ ကျောက်တွေ တည်နေတဲ့အခါ အသင့်တော်ဆုံး ခွဲစိတ်နည်းပါ။ ခါးနေရာမှာ လက်မဝက်လောက် ခွဲကြောင်းပေးပြီး ပြွန်ကို ထည့်သွင်းကာ ကျောက်ကပ်ထဲက ကျောက်တွေကို ဖယ်ရှားပေးတာပဲ ဖြစ်ပါတယ်။
ဆီးကျောက်ကို ပုံရိပ်ဖော် စစ်ဆေးနည်း
ဆီးကျောက်တည်တယ်လို့ ယူဆတဲ့အခါ အရင်ဆုံး လုပ်လေ့ရှိတာက ဆေးမှတ်တမ်းကို ကြည့်ပြီး ရုပ်ပိုင်းဆိုင်ရာ စစ်ဆေးမှု လုပ်တာပါ။ ပြီးရင်တော့ လိုအပ်တဲ့ သွေးစစ်တာ၊ ဆီးစစ်တာတွေ လုပ်ရပါတယ်။
ကျောက်ကို မြင်နိုင်ဖို့ ဝမ်းဗိုက်ကို ဓာတ်မှန်လည်း ရိုက်ရပါတယ်။ ဒါပေမယ့် ဆီးကျောက်တိုင်းက ဓာတ်မှန်မှာ ပေါ်ချင်မှပေါ်မှာပါ။ ဒီတော့ လိုအပ်ရင် CT scanထပ်ရိုက်ရပါတယ်။
အချို့အခြေအနေတွေမှာတော့ သွေးထဲကို ဆိုးဆေးတစ်မျိုးထိုးသွင်းပြီး ဆီးလမ်းကြောင်းစနစ်ကို ပုံရိပ်ဖော်ရယူတဲ့ အထူးဓာတ်မှန် အမျိုးအစား တစ်မျိုးဖြစ်တဲ့ intravenous pyelogram or lVP ရိုက်ယူရတာမျိုးရှိပါတယ်။
ဆီးကျောက်တည်ခြင်းအတွက် ကုထုံးများ နဲ့ စစ်ဆေးနည်းများ ကို သေသေချာချာ သိလောက်ပြီ ထင်ပါတယ်။ ဆီးကျောက်တည်တာကို အကောင်းဆုံး ကာကွယ်ကြဖို့လည်း တိုက်တွန်းအကြံပြုလိုက်ပါရစေ။
ဆီးကျောက်တည်ခြင်း
ဆီးထဲမှာ ပျော်ဝင်နိုင်တဲ့
သတ္တုဓာတ်တွေနဲ့ ဆားတွေ အမြောက်အမြား ပါဝင်နေပါတယ်။ ဒီပျော်ဝင်နိုင်တဲ့ သတ္တုဓာတ်တွေနဲ့ ဆားတွေက ဆီးထဲမှာ အလွန်အကျွံများလာတဲ့အခါ ကျောက်ကပ်ထဲမှာ အနည်ထိုင်ပြီး ဆီးကျောက်တည်တာ ဖြစ်လာတာပါ။
ဆီးကျောက်က စဖြစ်စမှာ အရွယ်အစား သေးသေးလေးသာ ရှိပေမယ့် နောက်ပိုင်းမှာ တဖြည်းဖြည်း ကြီးထွားလာပြီး
ကျောက်ကပ်ထဲက အချိုင့်လေးတွထဲမှာ ပြည့်ပြည့်ဝဝ နေရာယူသွားတာပါ။ အချို့သော ဆီးကျောက်တွေက ကျောက်ကပ်ထဲမှာ ရှိနေပမယ့် ကျန်းမာရေးကို ထိခိုက်စေတာမျိုး မရှိသလို နာကျင်မှုကိုလည်း ခံစားရတာမျိုး မရှိပါဘူး။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။