သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

null

မနက်ခင်းမှာ လှပနေစေဖို့ ညမအိပ်ခင် ဒီလိုထိန်းသိမ်းမှုလေးတွေ လုပ်ပါ။

    မနက်ခင်းမှာ လှပနေစေဖို့ ညမအိပ်ခင် ဒီလိုထိန်းသိမ်းမှုလေးတွေ လုပ်ပါ။

    မနက်နိုးလာလို့ မှန်ထဲကြည့်တဲ့အခါ အသားလေးကြည်နေရင်နှုတ်ခမ်းလေးက ပန်းရောင်သန်းနေရင်၊ မျက်နှာလေးက ကြည်လင် ဝင်းပနေရင် စိတ်ထဲက ကျေနပ်ပြီး မနက်ခင်းတွေက လှပနေရောဟုတ် လေဒီ

    ဒီလို မနက်ခင်းတွေ လှပဖို့ဆိုရင် ညဘက်တွေမှာ လုပ်ဆောင်ရမယ့် အသားအရေ ထိန်းသိမ်းနည်းလေးတွေ ရှိပါတယ်။ ဒီတော့ မနက်ခင်းမှာ လှပနေစေဖို့ ညဘက်တွေမှာ ဘယ်လိုတွေ ထိန်းသိမ်းရမလဲဆိုတာကို ဒီဆောင်းပါးလေးထဲမှာ ဖတ်ကြည့်လိုက်နော်။

    မနက်ခင်းမှာ လှပစွာ နိုးထနိုင်စေဖို့

    မနက်ခင်းမှာ ခေါင်းအစ ခြေအဆုံး လှပနေစေဖို့ဆိုရင်

    ခြေလက်တွေ ခြောက်သွေ့မှု ကင်းစေဖို့

    ခြေလက်တွေ ခြောက်သွေ့ကွဲအက်မှု ကင်းစေဖို့ဆိုရင် ညအိပ်ရာမဝင်ခင်မှာ ခြေလက်သန့်စင်ပြီး ခြေထောက်တွေ၊ လက်တွေကို vaseline နဲ့ သံလွင်ဆီ နည်းနည်းရောပြီး လိမ်းပေးပါ။ ပြီးရင်တော့ လက်အိတ်လေး၊ ခြေအိတ်လေးတွေ စွပ်ပြီး အိပ်ပေးပါ။ မနက်နိုးတဲ့အခါ အစိုဓာတ် ပြည့်ဝပြီး ချောမွေ့အိစက်တဲ့ ခြေလက်လေးတွေကို ပိုင်ဆိုင်နိုင်မှာပါ။

    ခြေသည်းလက်သည်းလေးတွေ ပန်းရောင်သွေး ကြွယ်စေဖို့

    လေဒီလေးတွေကို လှပစေတဲ့အရာတွေထဲက တစ်ခုက ခြေသည်းလက်သည်းလေးတွေ ပန်းရောင်သွေးသန်းနေတာပါ။ ဒီတော့ ခြေသည်းလက်သည်းလေးတွေ ကျိုးပဲ့မှုကင်းပြီး ပန်းရောင်သွေး သန်းစေဖို့ဆိုရင် ညအိပ်ရာမဝင်ခင်မှာ ခြေသည်းလက်သည်းလေးတွေကို အုန်းဆီ ဒါမှမဟုတ် cuticle cream လိမ်းပေးပါ။

    အိစက်တဲ့ နှုတ်ခမ်းသားလေး ရစေဖို့

    နှုတ်ခမ်းလေးက အိစက်ပြီး နှင်းဆီဖူးလေးလို လှစေဖို့ဆိုရင် ညဘက် သွားတိုက်ပြီးတဲ့အခါ နှုတ်ခမ်းကို အစိုဓာတ်ထိန်းခရင်မ်တစ်ခုခု ဒါမှမဟုတ် lip balm တစ်မျိုးမျိုး လိမ်းပြီး လက်ချောင်းလေးတွေ သုံးလို့ နှိပ်နယ်ပေးပါ။ မနက်ကျရင် နှုတ်ခမ်းသားလေးက အိစက်လှပနေမှာပါ။

    မျက်ကွင်းညိုတာ သက်သာစေဖို့

    မျက်ကွင်းညိုတာ၊ မျက်အိတ်တွဲတာတွေ မဖြစ်စေဖို့ဆိုရင် ည မအိပ်ခင်မှာ မျက်နှာသန့်စင်ပြီး အယ်လ်မွန်စေ့ဆီ အနည်းငယ်ကို မျက်လုံးအောက်ဘက်တဝိုက်မှာ လိမ်းပေးပါ။ ဒီလို လုပ်ပေးတာက ပုံမှန် လုပ်ပေးမယ်ဆိုရင် မျက်ကွင်းညိုတာကို သက်သာစေနိုင်ပါတယ်။

    မျက်တောင်လေးတွေ ထူထဲစေဖို့

    မျက်တောင်လေးတွေ ထူထပ်စေဖို့ဆိုရင် ညမအိပ်ခင်မှာ မျက်တောင်လေးတွေကို ကြက်ဆူဆီ လိမ်းပေးပါ။ မနက် နိုးတာနဲ့ မျက်နှာသစ်ချပါ။

    တောက်ပြောင်တဲ့ ဆံသားရရှိစေဖို့

    ဆံသား လှပမှုက လေဒီလေးတိုင်းတောင့်တတတ်တဲ့ အလှတရားပါ။ ဒီတော့ လှပကျန်းမာရှည်လျားတဲ့ ဆံသားပိုင်ဆိုင်နိုင်စေဖို့ဆိုရင် မအိပ်ခင်မှာ အုန်းဆီလိမ်းပြီး အိပ်လိုက်ပါ။ မနက်ခင်း နိုးတဲ့အခါ ခေါင်းကို လျှော်ချလိုက်ရုံပါ။

    အရေးအကြောင်း ကင်းစေဖို့

    မျက်နှာလေးမှာ အရေးအကြောင်း ကင်းစေဖို့ဆိုရင် ညအိပ်ရာမဝင်ခင်မှာ မျက်နှာကို သေချာ သန့်စင်ပြီး sleeping mask လေး ကပ်ပေးပါ။ ဒီလို ကပ်ပေးတာက အသားအရေကို လိုအပ်တာ အာဟာရ ဖြည့်ပေးရာ ရောက်သလို အရေးအကြောင်းတွေကိုလည်း လျှော့ချပေးနိုင်ပါတယ်။

    အသားအရေလေး ကြည်လင်စေဖို့

    အသားအရေလေး ကြည်လင်ပြီး ရေဓာတ် ပြည့်ဝနေစေဖို့ဆိုရင် ညဘက်မှာ အိပ်ရေးဝဝအိပ်ပါ။ အစိုဓာတ်ထိန်းစက်ဖွင့်ပေးပါ။ ညအိပ်ရာ မဝင်ခင်မှာ ရေတစ်ခွက်လောက် သောက်ပေးပါ။

    ဒီအလေ့အထလေးတွေကို ပျိုးထောင်ပြီး မနက်ခင်းတိုင်းမှာ လှပစွာ နိုးထလိုက်ရအောင် လေဒီလေးတို့ရေ………..

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    ရင်းမြစ်များ

    DIVA LIKES https://www.divalikes.com/2015/02/10-overnight-beauty-tips-to-wake-up-beautiful.html Accessed Date 23 November 2020

    OVERNIGHT BEAUTY TIPS TO WAKE UP PRETTY AS A PRINCESS! http://socialdiary.pk/overnight-beauty-tips-to-wake-up-pretty-as-a-princess/ Accessed Date 23 November 2020

    စာရေးသူ ဓာတ်ပုံbadge
    Aye Thi Mon မှ ရေးသားသည်။ 4 ပတ် အကြာက တွင် ပြန်လည်ပြင်ဆင်ခဲ့သည်။
    Dr. Phyo Wai Lynn မှ အချက်အလက် စစ်ဆေးထားပါသည်။